Tocyn Campfa a Nofio Llesiant@BywydCampws

Beth yw hyn?

Mae gan Llesiant@BywydCampws docynnau campfa a nofio am un mis ar gael i fyfyrwyr. Mae'r tocynnau hyn yn cynnwys mynediad i'r gampfa, dosbarthiadau ffitrwydd ar Gampws y Bae a Singleton, yn ogystal â'r pwll cenedlaethol.

Pam rydym yn gwneud hyn?

Mae gweithgarwch corfforol yn gwella eich iechyd meddwl a chorfforol. Rydym wedi prynu'r tocynnau hyn fel dull arall o gymorth i helpu myfyrwyr i ategu'r gwasanaethau a mentrau cyngor presennol.

Rydym yn deall nad mynd i'r gampfa neu fynd i ddosbarth ymarfer corff yw'r ateb i bob myfyriwr, ond rydym yn gobeithio y bydd yn gallu helpu rhai ohonoch. I gael mwy o gymorth amgen clinigol/nad yw’n gynghorol arall, dylech ystyried cofrestru ar gyfer digwyddiadau BywydCampws, sesiynau Bod yn Actif, ymaelodi â chymdeithas neu wirfoddoli gyda Discovery.

Sut rydw i'n cyflwyno cais am docyn? - Y Weithdrefn

1. Cofrestrwch ar-lein ar wefan Parc Chwaraeon Bae Abertawe drwy ddilyn y camau canlynol

Cofrestrwch ar-lein ar wefan Parc Chwaraeon Bae Abertawe drwy ddilyn y camau canlynol:

Cliciwch ar aelodaeth ar y bar offer ar y brig ac yna dewis 'myfyriwr'.
Sgroliwch i waelod y dudalen nes i chi gyrraedd botwm coch 'Cliciwch i brynu nawr'.
Dewiswch SBSP neu Bay Campus o'r gwymplen.
Cwblhewch yr holl wybodaeth bersonol.
Dewiswch yr aelodaeth Talu a Mynd.
Cwblhewch yr adrannau mwy o wybodaeth yn ogystal â darllen yr amodau a'r telerau.
Os oes gennych unrhyw ymholiadau am y broses ymaelodi, cysylltwch â thîm y gampfa am gymorth.

2. Llenwch y ffurflen Microsoft i gael mynediad i'r tocyn

Cwblhewch y ffurflen hon yn llawn a'i chyflwyno. Bydd Llesiant@BywydCampws yn anfon ceisiadau newydd i'r gampfa bob dydd Gwener. Bydd tîm y gampfa'n eich e-bostio'r wythnos ganlynol i gadarnhau dyddiad dechrau eich aelodaeth.

3. Gwyliwch y fideo cyflwyno a byddwch yn barod i fynd!

Gwyliwch y fideo fast track induction sy'n dangos i chi yr hyn y mae angen i chi ei wneud unwaith bydd yr aelodaeth wedi'i hychwanegu at eich cyfrif. Mae hefyd yn rhoi cyflwyniad byr ar sut i ddefnyddio'r peiriannau ond os bydd angen sesiwn sefydlu arnoch, gofynnwch i aelod o dîm y gampfa a byddan nhw'n hapus i'ch helpu chi!

Adborth

Rydym yn croesawu eich adborth ac yn gwrando ar bopeth sydd gennych i'w ddweud er mwyn gwella'r tocyn campfa a nofio i fyfyrwyr eraill. A wnewch chi lenwi'r ffurflen adborth cyflym i ddweud wrthym am eich profiad.

Cwestiynau Cyffredin

Beth os wyf eisiau tocyn am fis arall?

Nod y tocynnau hyn yw rhoi ychydig o amser i chi gael y profiad ac yna feithrin cariad at weithgarwch corfforol ac ymddygiadau iachus. Os ydych wir yn cael budd o gael mynediad i'r gampfa ond nid ydych yn gallu fforddio aelodaeth eich hun, cyflwynwch gais am ail fis neu e-bostiwch welfare.campuslife@abertawe.ac.uk i drafod aelodaethau gwahanol e.e. tocynnau tymor.

A allaf ddod â ffrind?

Gallwch! Rydym yn deall y gall dechrau yn y gampfa neu nofio fod yn ddiflas ar eich pen eich hun, felly rhannwch yr wybodaeth hon â ffrind a gofynnwch iddyn nhw ddilyn y camau uchod i gyflwyno cais.

Pwy dylwn i gysylltu ag ef os oes gennyf broblem?

Os oes gennych broblemau o ran cofrestru ar-lein, y cyfleusterau neu'r oriau agor, cysylltwch â thîm y gampfa i gael cymorth. Os ydych am drafod cael aelodaeth hwy, rhoi adborth neu unrhyw beth sy'n ymwneud â lles, e-bostiwch welfare.campuslife@abertawe.ac.uk.

Ap Parc Chwaraeon Bae Abertawe

Rydym yn awgrymu eich bod yn lawrlwytho'r ap fel y gallwch weld yr amserlen ar gyfer dosbarthiadau, cadw lle a chael mwy o wybodaeth. Gallwch wneud hyn ar ddyfeisiau Android neu Apple a defnyddio'r un e-bost a chyfrinair a ddefnyddiwyd gennych i gofrestru.