Symud i lety preifat

Dod o hyd i dŷ

Bydd dod o hyd i lety sy'n cael ei rentu'n breifat fel arfer yn golygu defnyddio asiant gosod. Mae asiantiaid gosod fel arfer yn codi ffïoedd am rai rhannau o'r broses osod. Ni all asiantiaid gosod godi tâl arnoch chi am gofrestru gyda nhw neu weld eiddo. Peidiwch â thalu os yw asiant yn gofyn i chi am arian am y gwasanaethau hyn.

Os nad ydych chi'n siŵr, defnyddiwch Wasanaethau Llety Myfyrwyr, a elwir hefyd yn SAS Lettings. Dyma fenter ar y cyd rhwng y Gwasanaethau Preswyl ac Undeb y Myfyrwyr. Fe'i sefydlwyd i'ch helpu chi i ddod o hyd i lety addas, o safon yn y sector preifat. Gall SAS Lettings roi cymorth i chi ddod o hyd i lety yn eich ail, trydedd a phedwaredd flwyddyn.

Contractau

Mae'r rhan fwyaf o gontractau i fyfyrwyr am gontractau tenantiaeth fyrddaliol sicr am 12-9 mis. Byddwch chi fwy na thebyg ar gontract cyd-denantiaeth â'ch cyd-breswylwyr. Golyga hyn y byddwch chi oll yn gydgyfrifol am ofalu am yr eiddo a thalu'r rhent. Os yw un ohonoch chi'n symud allan, byddai gweddill y cyd-breswylwyr yn gyfrifol am dalu ei ran o'r rhent. Cofiwch ofyn i'r landlord am yr hyn mae'ch contract yn ei ddweud am rent dros wyliau'r haf. Mae'r rhan fwyaf o gontractau yn disgwyl i chi dalu o leiaf hanner y rhent dros wyliau'r haf.

Gwarantwyr

Bydd yn rhaid i chi fwy na thebyg enwi gwarantwr a fydd yn atebol am dalu eich rhent os ni ellir talu eich rhent. Mae gwarantwr fel arfer yn rhiant neu'n warcheidwad. Mae'n bwysig nad ydych chi byth yn colli taliad oherwydd mae gan eich landlord yr hawl i'ch tywys chi a'ch gwarantwr gerbron y llys.

Blaendaliadau

Bydd angen i chi dalua blaendal tentaniaeth, sydd fel arfer yn cyfwerth agi un mis o’ch’ rhent, chi yn.cyn i chi symud i mewn. Diben blaendal tenantiaeth yw talu cost unrhyw rent nad yw'n cael ei dalu, neu dalu am unrhyw ddifrod a achosir i'r eiddo yn ystod eich tenantiaeth. Caiff eich blaendal ei ddychwelyd i chi, gyda didyniadau neu hebddynt, ar ddiwedd eich tenantiaeth. Dylai'ch landlord roi'ch blaendal mewn cynllun diogelu blaendal yn fuan ar ôl i chi ei roi iddo. Bydd hyn yn diogelu'ch blaendal nes i chi symud allan

Gwirio'r contract

• Gwiriwch fod y dyddiadau dechrau a gorffen ar y contract yrn un peth â'r dyddiadau a gy cytunoch chi â'ch landlord.
• Gwnewch yn siŵr fod enwau eich cyd-breswylwyr, eich landlord a chi ar y contract.
• Gwiriwch yr hyn y gallwch ei wneud a'r hynd na allwch ei wneud tra'n byw yn yr eiddo, a elwir yn 'rhwymedigaethau'.
• Sicrhewch eich bod chi'n gwirio bod y swm o rent a nodir ar y contract yn cyd-fynd â'r hyn a gytunoch chi arno.
• Gwnewch yn siŵr bod y contract yn ystyried traul gyffredinol drwy gydol y flwyddyn.
• Os yw'r landlord wedi cytuno i wneud atgyweiriadau neu ddisodli unrhyw eitemau cyn/ar ôl i chi symud mewn, gwnewch yn siŵr bod hyn wedi'i gynnwys yn y contract cyn i chi ei lofnodi.

Talu Biliau

Pan fyddwch yn symud i mewn i dŷ/fflat, mae'n rhaid i chi benderfynu sut i dalu'r biliau.

• Ceisiwch fynd yn gyfarwydd â gwneud hyn yn ddigyffro fel grŵp. Os ydych chi'n dechrau gwneud hyn nawr, bydd yn haws i ddelio gydag unrhyw broblemau wrth iddynt godi drwy gydol y flwyddyn.
• Gwnewch yn siŵr bod enw pob cyd-breswylydd ar y biliau gwasanaethau. Os bydd eich enw chi'n unig sydd ar y bil, chi fydd yn gyfrifol am dalu'r holl fil nes i'r contract ddod i ben. Golyga hyn os nad oes un o'ch cyd-breswylwyr yn talu ei ran ef, chi fyddai'n gyfrifol am y bil cyflawn.
• Dywedwch wrth gwmnïoedd y dyddiad pan symudoch chi i mewn er mwyn peidio â gorfod talu am ddefnydd y tenantiaid blaenorol.
• Dylech chi gael cyfeiriad cartref a/neu gyfeiriad rhieni eich cyd-breswylwyr er mwyn i chi allu cysylltu â nhw ynghylch unrhyw filiau sy'n ddyledus.

Coginio a Siopa

• Mae rhai yn hoffi coginion fel grŵp oherwydd mae'n arbed arian i brynu bwyd mewn swmp. Gallech chi gael rota goginio er mwyn rhannu'r llwyth. Efallai y gall pwy bynnag nad yw'n coginio olchi'r llestri?
• Os ydych chi'n hoffi pethau gwahanol neu os oes mae gennych chi ofynion dietegol gwahanol, beth am siopa bob mis neu bob wythnos am 'hanfodion', a phrynu bwyd unigol ar wahân? Byddai hyn yn golygu y gallech chi gael papur tŷ bach, hylif golchi llestri, powdr golchi, wyau, llaeth, menyn a bara ar y cyd ond prynu popeth arall eich hunain. Os ydych chi'n siopa fel grŵp, gall ddatrys y broblem 'pwy sydd wedi dwyn fy....?'

Awgrym Euraidd: Peidiwch â dwyn bwyd eich cyd-breswylwyr!

Glanhau a Gwaith Tŷ

Nid oes gan bawb yr un safon o lendid. Mae rhai pobl yn fwy diog nag eraill, ac mae'n well i chi dderbyn hyn o'r cychwyn cyntaf. Dyma rai awgrymiadau i gadw lan gyda'r glanhau, ac aros yn ffrindiau!

• Hyd yn oed os nad yw pawb yn gwneud cymaint ag eraill o gwmpas y tŷ, gwnewch yn siŵr bod eich holl gyd-breswylwyr yn gwneud rhywbeth. Bydd hyn yn helpu i wneud y llwyth yn fwy hafal ac osgoi cweryla.
• Pan fydd y tŷ yn draed moch, dewch at eich gilydd i'w ddatrys fel tîm.
• Gwnewch rota lanhau a gwaith tŷ. Gwnewch yn siŵr bod pawb yn cytuno ar y rota a bod y tasgau'n cael eu rhannu'n deg.

Awgrym Euraidd: Peidiwch â phentyrru llestri brwnt yn y sinc. Mae'n cymryd un person i wneud hyn, ac wedyn does neb yn gallu cyrraedd y sinc i olchi eu llestri nhw. Dyma ddechrau cylch brwnt, a fyddwch chi ddim yn boblogaidd!

Byddwch yn ystyriol o'ch cyd-breswylwyr a'ch cymdogion

• Peidiwch â gwylio'r teledu yn uchel, a gwrandewch ar gerddoriaeth drwy glustffonau ar ôl 11:00pm.
• Parchwch eu preifatrwydd. Cnociwch cyn i chi fynd i mewn i'w hystafelloedd gwely a pheidiwch â mynd i mewn os nad ydynt yna neu heb eu caniatâd.
• Rhowch wybod i gymdogion o flaen llaw, cyn i chi gael parti.
• Wrth ddychwelyd o noson allan, caewch ddrysau'n dawel a pheidiwch â siarad yn rhy uchel.
• Yn bennaf oll, byddwch yn rhesymol pan fydd cymydog yn dod atoch chi gyda phroblem.

Sbwriel a Chasglu Biniau

Peidiwch â chymryd yn ganiataol bod pawb yn gwybod sut i ailgylchu. Mae gan bob cyngor weithdrefn wahanol. Dylech chi ddysgu beth sy'n mynd mewn i sachau o wahanol liw, neu nia fydd eich sbwriel yn cael ei gasglu.Cofiwch fod y diwrnod biniau yn newid ar ôl gŵyl banc. Er mwyn gwybod dydd casglu biniau ar gyfer eich ardal chi, lawrlwythwch yr ap neu edrychwch ar wefan y cyngor.

Awgrym Euraidd: Peidiwch â rhoi eich sachau sbwriel allan cyn 7pm y noson cyn, neu ar ôl 7am ar ddiwrnod casglu'ch sbwriel.
Awgrymiadau ar gyfer cael y rhan fwyaf o'ch blaendal yn ôl pan fyddwch yn symud allan

• Cymerwch luniau o'r tŷ/fflat cyfan pan fyddwch yn symud i mewn ac allan. Mae hyn yn rhoi tystiolaeth i chi o gyflwr y llety cyn i chi symud mewn ac ar ôl hynny, felly gobeithio na chewch chi fil am draul bresennol i'r eiddo.
• Gwiriwch eich contract tenantiaeth cyn symud mewn – a yw'n dweud bod yn rhaid i chi dalu am lanhäwr proffesiynol o'ch blaendal? Os felly, caiff hyn ei ddidynnu o'ch blaendal ar ddiwedd eich tenantiaeth.
• Sicrhewch eich bod chi'n cwblhau rhestr eiddo yn yr eiddo cyn i chi symud i mewn a chyn symud allan. Mae hon yn rhestr wirio o'r dodrefn yn yr eiddo a'i gyflwr cyffredinol.
• Ystyriwch gael eitemau newydd os ydych chi'n torri unrhyw beth wrth iddo ddigwydd. Os nad ydych yn prynu rhai newydd rhad ar yr adeg, gallwch dderbyn bil am fersiynau drytach allan o'ch blaendal.
• Gwnewch yn siŵr eich bod chi'n talu'ch holl filiau a'ch bod chi'n cysylltu â'r cwmnïoedd gwasanaethau i'w hysbysu eich bod chi wedi symud allan.
• Cydlynwch eich dyddiad gadael â'ch cyd-breswylwyr. Dydych chi am fod yr unig un sydd ar ôl i lanhau'r tŷ! Os ydych chi'n cynllunio i symud allan ar yr un pryd, gallwch chi i gyd rannu'r glanhau.
• Glanhau, glanhau, glanhau! Glanhewch unwaith ac wedyn ewch o gwmpas i wirio eto nes y bydd popeth yn hollol lân. Taflwch unrhyw sbwriel, glanhewch y ffwrn, y ffenestri ac unrhyw beth na fyddwch chi fel arfer yn ei lanhau.

• Yn olaf, gwnewch yn siŵr bod popeth wedi'i gloi ac yn ddiogel pan fyddwch yn gadael.

Cymuned@BywydCampws

Os oes gennych chi unrhyw broblemau yn y gymuned tra byddwch ym Mhrifysgol Abertawe, gallwch gysylltu â'r tîm Cymuned@BywydCampws a siarad â Swyddog Cyswllt Cymunedol. Gallant eich helpu chi i siarad â'ch cymdogion, yr Heddlu neu'r Cyngor i geisio datrys y problemau a lleddfu materion. Gallwch weld eu manylion cyswllt yma:

http://www.swansea.ac.uk/cy/bywydcampws/chymunedbywydcampws/

Canolfan Gyngor Undeb y Myfyrwyr

Gall Canolfan Gyngor Undeb y Myfyrwyr ddarparu cyngor annibynnol ynghylch contractau tenantiaeth, problemau gyda chyd-breswylwyr a chynnig gwasanaethau cyfryngu. Am ragor o wybodaeth, ewch i'r wefan:

https://www.swansea-union.co.uk/support/advicesupportcentre/about/

SAS Lettings 

Ailgylchu Myfyrwyr

Trwyddedau Parcio