Beth yw camymddygiad rhywiol?

Deall camymddygiad rhywiol

Ddiffinnir camymddygiad rhywiol o dan bolisi'r Brifysgol fel a ganlyn:

'Camymddygiad cyffredinol o natur rhywiol gan fyfyrwyr sy'n cynnwys (ond heb fod yn gyfyngedig i'r canlynol) trais, aflonyddu rhywiol, ymosodiad rhywiol, sylwadau anllad/anweddus etc. Nid yw'r rhestr hon yn un gynhwysfawr a gellir ystyried bod "unrhyw ymddygiad o natur rywiol heb gydsyniad" yn gamymddygiad rhywiol.'

Nid yw unrhyw fath o gamymddygiad rhywiol byth yn dderbyniol.

Canlyniadau cyflawni camymddygiad rhywiol

Effaith Gymdeithasol

Os cewch eich cyhuddo o gamymddwyn rhywiol, gallai hyn ddylanwadu ar eich perthnasoedd â ffrindiau, eich gwaith, a'ch gallu i gymryd rhan mewn cymdeithasau a thimau chwaraeon.

Bydd hyn hefyd yn effeithio’n fawr ar y myfyriwr a brofodd yr ymddygiad digroeso ac efallai bydd yn teimlo'n anniogel yn cymdeithasu mewn mannau penodol neu’n ymuno â'u gweithgareddau allgyrsiol.

Effaith ar y gymuned

Ym Mhrifysgol Abertawe, rydym am i'n myfyrwyr, ein staff a'r gymuned ehangach deimlo'n ddiogel, heb drais rhywiol, aflonyddu ac ymosod. Pan fyddwch chi'n ymddwyn mewn ffordd sy'n gwneud i fyfyriwr arall deimlo'n ofnus, mae hyn yn cael effaith ar y gymuned ehangach.

Os oes gennych bryderon am ymddygiad rhywun – boed yn ffrind, yn bartner, yn gydweithiwr, neu’n aelod o'r teulu – neu os ydych chi wedi dioddef trais rhywiol ac yn chwilio am gymorth, gallwch roi gwybod am hynny drwy ein hadnodd Rhoi Gwybod a Chymorth. Gallwch gael cymorth yma hefyd.