SLATES

Prosiect a fydd yn gweithio'n uniongyrchol gyda myfyrwyr a'u syniadau yw SLATES (Cynllun Gwella Dysgu ac Addysgu Abertawe) er mwyn iddynt gael profiad dysgu gwell. Caiff prosiectau eu creu, eu datblygu a'u gweithredu ar y cyd rhwng y myfyriwr â chymorth a chefnogaeth gan aelod o staff academaidd.

Mae prosiect SLATES yn ceisio cynigion i wella agwedd ar ddysgu ac addysgu ym Mhrifysgol Abertawe.

Bydd myfyrwyr yn gallu cyflwyno eu syniad i gael hyd at £500. Rhaid cyflwyno ar y cyd ag aelod o staff academaidd ym Mhrifysgol Abertawe.

Caiff prosiectau y mae angen adnoddau anariannol arnynt hefyd eu hystyried.

A oes gennych syniad a fyddai'n gwella’r meysydd dysgu, ymgysylltu, asesu, presenoldeb, pontio, cynnydd neu gyflogadwyedd?

Nod y prosiect yw gwella cyfraniad myfyrwyr er mwyn gwella eu profiad dysgu.

Caiff y syniadau gorau eu cyflwyno i golegau eraill fel enghreifftiau o arfer gorau a'u cyflwyno’n fusnes fel yr arfer.

Trwy gymryd rhan yn y gwaith o lywio eich profiad dysgu eich hun a chael y cyfle i ysgogi newidiadau yn y brifysgol, cewch enghreifftiau unigryw i roi ar eich CV pan fyddwch yn gwneud cais am swyddi ac astudiaethau pellach. Fel cyd-reolwr prosiect SLATES, cewch hefyd hyfforddiant rheoli prosiectau a newid a thystysgrif cyflwyniad i reoli prosiectau a newid gan y Brifysgol. Dyma ddau sgil gwerthfawr iawn yn y farchnad swyddi bresennol ac maen nhw'n ddefnyddiol mewn unrhyw lwybr gyrfa.

Mae croeso i bob myfyriwr sy'n dychwelyd ar gyfer blwyddyn academaidd 2019-2020 gymryd rhan ym mhrosiect SLATES. Caiff ceisiadau eu derbyn rhwng mis Ebrill a mis Mehefin 2019, a bydd y prosiectau'n dechrau ym mis Medi 2019.

Caiff ceisiadau am arian eu derbyn rhwng mis Chwefror a mis Mehefin 2019 gan fyfyrwyr israddedig rhan-amser/amser llawn blwyddyn 1 a blwyddyn 2 o Brifysgol Abertawe ar gyfer prosiectau y mae angen hyd at £500 arnynt i ddechrau'r flwyddyn academaidd ganlynol (o fis Medi 2019).

Bydd prosiectau'n dechrau ym mis Medi 2019 a chaiff y gweithgarwch ei gwblhau'r flwyddyn academaidd hon.