Murad Alabdullah - Cynrychiolydd pwnc SACEGME

Rwy'n fyfyriwr PhD yn fy ail flwyddyn o ymchwili i led-ddargludyddion. Rwy'n dod o Irac yn wreiddiol. Oherwydd fy mod i'n fyfyriwr rhyngwladol, mae mynd i Brifysgol dramor yn gwneud fy astudiaethau'n fwy cyffrous ac anturus, ynghyd â fy helpu i sicrhau dyfodol disglair ac ennill mwy o brofiad gwaith. Rwy'n mwynhau treulio amser gyda fy nheulu a'm dwy ferch annwyl wrth wylio ffilmiau yn fy amser hamdden.

BOD YN GYNRYCHIOLYDD PWNC

Efallai byddwn i'n ennill dealltwriaeth ddyfnach o'r pwnc rwy'n ei astudio pe taswn i'n gweithio fel cynrychiolydd pwnc. Mae bod yn gynrychiolydd pwnc yn brofiad gwobrwyol iawn oherwydd mae'n cynyddu eich gwybodaeth ac yn rhoi syniad gwell i chi am eich maes o ddiddordeb a'r maes rydych chi'n gweithio ynddo.

CYFRIFOLDEBAU ALLWEDDOL

I wneud i bobl deimlo'n gyffrous am ein gwaith a chyflwyno fy mhwnc i bobl eraill. I helpu i wella Prifysgol Abertawe, gwnaf fy ngorau i gyfleu barn myfyrwyr i'n cydweithwyr.

FY ASTUDIAETHAU PRESENNOL...

Rwy'n gobeithio cryfhau fy nghefndir academaidd ac mae gen i amrywiaeth eang o alluoedd technegol a fydd o gymorth wrth i mi gyflawni rhagor o gynnydd proffesiynol. Mae fy ymchwil yn canolbwyntio ar sut y gellir gwella lled-ddargludyddion MOSFET ar gyfer y nod 5 nanometrau gwir a'r tu hwnt er mwyn cyflawni isadeiledd dyfeisiau gwell sy'n defnyddio nanodaenlenni mewn pentwr ag adwyon o'i amgylch, gan arwain at uwch brosesyddion sydd â pherfformiad cyfrifiadura uwch ac sy'n defnyddio llai o bŵer.