HANFODION YMCHWIL ÔL-RADDEDIG

Beth yw Moeseg mewn Ymchwil?

Egwyddorion moesol sy'n llywodraethu sut dylai ymchwilwyr ymgymryd â'u gwaith.

Fe'u defnyddir i lywio rheoliadau ymchwil y cytunir arnynt gan gymheiriaid (cyrff llywodraethu prifysgolion, cymunedau, cyllidwyr, llywodraethau)

Mae cydymffurfiaeth foesol yn amod angenrheidiol o Ymchwil Wyddonol Ddibynadwy

Beth yw Ymchwil Wyddonol?(ar gyfer sgrinio moesegol)

Defnyddio data neu wybodaeth newydd i gynhyrchu gwybodaeth nad yw'n gyhoeddus eto

Defnyddio'r dull gwyddonol

Pam mae hyn yn bwysig?

Mae cydymffurfiaeth foesol yn amod angenrheidiol o Ymchwil Wyddonol Ddibynadwy

Os nad yw eich ymchwil yn foesegol, neu os nad yw wedi cael ei sgrinio'n foesegol, nid oes modd ei chyhoeddi.

System moeseg ar-lein

Ceir mynediad yn https://myapps.microsoft.com/

Dewiswch y deilsen ‘Moeseg – Ymgeisydd’

Proses dau gam:

Cam 1 – Hunan-asesiad i hidlo prosiectau sydd heb lawer o risg

Cam 2 – Adolygiad gan bwyllgor ar gyfer ceisiadau a all fod â risg

ADOLYGIAD GAN BWYLLGOR

Cyflwyno ceisiadau i bwyllgor

Bydd y weithdrefn adolygu'n para rhwng 2 a 3 wythnos fel arfer

Gall y weithdrefn lawn, gan gynnwys diwygiadau, gymryd hyd at 6 wythnos

Penderfyniadau

Bydd cynigion naill ai'n cael eu cymeradwyo neu eu dychwelyd a gwahoddir yr ymgeiswyr i'w hailgyflwyno unwaith bydd ymholiadau wedi'u hateb.

Bydd ceisiadau'n cael eu dychwelyd fel arfer oherwydd bod angen rhagor o wybodaeth.

Unwaith bydd y pwyllgor yn fodlon ar yr wybodaeth a ddarperir, caiff y cais ei gymeradwyo a gwneir datganiad risg er enw da.

CAMAU I'W DILYN AR Y SYSTEM MOESEG YMCHWIL

Dewiswch ‘Creu Prosiect’

Rhowch deitl ystyrlon i'ch prosiect sy'n adlewyrchu eich astudiaeth arfaethedig

Dewiswch ‘ffurflen gais moeseg ymchwil’

Darllenwch y rhan Croeso a Chyfarwyddiadau

Dechreuwch adeiladu eich cais moeseg drwy ddewis Prif Ymgeisydd.

Gan ddibynnu ar y manylion, gall rhagor o adrannau ymddangos.

Atebwch y cwestiynau syml cychwynnol

Mae'r tab gwybodaeth yn rhoi rhagor o wybodaeth/eglurhad

Gallwch chi symud drwy'r cais drwy ddewis ‘Nesaf’

Bydd y botwm llywio yn mynd â chi'n ôl i'r sgrîn hafan.

Gallwch chi gadw eich cynnydd ar unrhyw adeg. Caiff y ffurflen ei chadw'n awtomatig pan ddewiswch chi ‘Nesaf’

Bydd angen i chi lofnodi'r cais, unwaith ei fod ef wedi'i gwblhau, a gofyn am lofnod gan eich goruchwyliwr drwy'r system

Unwaith bod eich goruchwyliwr wedi llofnodi'r cais, byddwch chi naill ai'n derbyn cymeradwyaeth (drwy e-bost) neu caiff eich ffurflen ei hanfon i bwyllgor i'w hadolygu.

Bydd y rhan fwyaf o geisiadau yn y Gyfadran Gwyddoniaeth a Pheirianneg yn derbyn cymeradwyaeth yn awtomatig.

Unwaith eich bod chi wedi derbyn eich cymeradwyaeth, gallwch chi ddechrau casglu eich data.

Os oes angen i chi gyflwyno diwygiad, gallwch chi wneud hyn drwy'r system foeseg cyn gynted â phosibl.

Rhaid i'r holl fyfyrwyr ymchwil ôl-raddedig gwblhau ychydig o hyfforddiant gorfodol yn ystod y tri mis cyntaf o'u hastudiaethau.  Y cyrsiau hyn yw:

Hyfforddiant Ymchwil Moesegol

Mae'r cwrs hwn yn cynnwys dau fodiwl o'r enw 'Bod yn Ymchwilydd Moesegol' a 'Moeseg Ymchwil mewn Ymarfer'.  Rhaid i chi gwblhau'r ddau fodiwl a'r holl gwisiau.  Mae pedwar cwis ar gyfer pob modiwl, sef cyfanswm o wyth cwis.

Rhaid i chi weithio drwy bob adran cynnwys a dychwelyd i dudalen yr aseiniad i gael mynediad at bob cwis.  Byddwch chi'n cael sgôr ar gyfer y cwis ond nid ar gyfer cynnwys y cwrs.

Ni fyddwch chi'n gallu clicio ar 'cwis diwedd y cwrs' yn y cwrs hwn.  Gallwch chi gael mynediad at y cwisiau drwy dudalen yr aseiniadau'n unig.  Pan fyddwch chi'n clicio ar Aseiniadau, gwnewch yn siŵr eich bod chi'n clicio 'view by type' yng nghornel dde uchaf y sgrîn fel eich bod chi'n gweld cynnwys y cwrs yn y drefn gywir. Ceir rhagor o wybodaeth am sut i weld eich sgôr a chael mynediad at y cwisiau yma.

Nid oes angen i chi lawrlwytho'r dystysgrif oherwydd bod eich sgoriau'n cael eu cofnodi'n awtomatig ar Canvas.

Y marc pasio ar gyfer pob modiwl yw 80% a rhaid i chi gwblhau'r holl gwisiau.

Hyfforddiant GDPR (Saesneg) neu Hyfforddiant GDPR (Cymraeg).  Y marc pasio yw 80%.

Amrywiaeth yn y Gweithle

Y marc pasio yw 70%.

Hyfforddiant Ymwybyddiaeth o Ddiogelu a Prevent

Y marc pasio yw 80%.

DADANSODDIAD O ANGHENION DATBLYGU

Lluniwyd y broses Dadansoddiad o Anghenion Datblygu i'ch helpu i nodi a myfyrio ar y meysydd allweddol y mae angen i chi eu datblygu, yn unol â'r Fframwaith Hyfforddiant Ymchwil Ôl-raddedig.

Rhaid i fyfyrwyr yng Nghyfadran y Dyniaethau a'r Gwyddorau Cymdeithasol sy'n cofrestru o fis Hydref 2024 ymlaen gwblhau'r Dadansoddiad o Anghenion Datblygu. Cliciwch yma i gael mynediad at y Dadansoddiad o Anghenion Datblygu ar gyfer myfyrwyr Cyfadran y Dyniaethau a'r Gwyddorau Cymdeithasol.

Mae'r Dadansoddiad o Anghenion Datblygu'n ddewisol ar gyfer yr holl fyfyrwyr ymchwil eraill. Os nad ydych chi'n fyfyriwr ymchwil yng Nghyfadran y Dyniaethau a'r Gwyddorau Cymdeithasol, gallwch chi gael mynediad at y Dadansoddiad o Anghenion Datblygu yma (Saesneg) neu yma (Cymraeg).

TEITHIO DRAMOR

Os ydych chi'n teithio dramor fel rhan o'ch ymchwil, dilynwch y camau isod ar sut i gael mynediad at Crisis24 Horizon a'r modiwl Hyfforddiant Ymwybyddiaeth o Ddiogelwch Personol y mae'n rhaid i chi ei gwblhau cyn i chi deithio.

Ewch i crisis24horizon.com/umal sy'n cysylltu â gwefan allanol, lle byddwch chi'n cael eich cyfeirio i greu cyfrif.

Nodwch eich cyfeiriad ym Mhrifysgol Abertawe ag @abertawe.ac.uk ar y diwedd.

Anfonir e-bost dilysu i'r cyfeiriad hwn.  Cliciwch y ddolen a chreu cyfrinair.

Gellir cael mynediad at arweiniad a ffurflenni teithio ar dudalennau gwe polisïau a gweithdrefnau ôl-raddedig myuni yma.

CYFLEOEDD YCHWANEGOL AM DDATBLYGU A HYFFORDDIANT I FYFYRWYR YMCHWIL ÔL-RADDEDIG

Mae'r Swyddfa Ymchwil Ôl-raddedig yn cynnal rhaglen amrywiol o gyfleoedd datblygu a hyfforddiant sydd ar agor i fyfyrwyr ymchwil ôl-raddedig o bob cyfadran. Gallwch chi gael rhagor o wybodaeth a chadw lle ar gyfer gweithdai ar y campws/ar-lein drwy ymweld â'r tudalennau Datblygu a Hyfforddiant ar gyfer myfyrwyr ymchwil ôl-raddedig.

Mae amrywiaeth eang o adnoddau i gefnogi eich ymchwil a'ch datblygiad ar gael yn Adnoddau ar gyfer Ymchwilwyr Ôl-raddedig yn Hyb Canvas, gan gynnwys mynediad at y Pecyn Cymorth Sgiliau Ymchwil ar-lein poblogaidd.

CYFLWYNIAD

Mae'r Brifysgol yn ymrwymedig i sicrhau bod yr holl weithgareddau a wneir gan fyfyrwyr, boed hynny ar y campws, yn ein hadeiladau neu drwy weithio oddi ar y campws h.y. gwaith maes, yn cael eu cynnal i'r safonau uchaf posib o iechyd a diogelwch.

Bydd y cwrs Cyflwyniad i Iechyd a Diogelwch yn rhoi'r canlynol i chi:

• Trosolwg o brosesau iechyd a diogelwch yn y Brifysgol, gan gynnwys trefniadau mewn argyfwng.
• Trosolwg o'ch cyfrifoldebau ar gyfer iechyd a diogelwch.
• Dolenni at wybodaeth ychwanegol, gan gynnwys polisïau, arweiniad a hyfforddiant ychwanegol sydd ar gael.
• Cysylltiadau allweddol ar gyfer cymorth ychwanegol.

Bydd prawf gorfodol ar ddiwedd y cwrs hwn a'r marc pasio fydd 85%.

MYNEDIAD AT LABORDY

Os bydd angen i chi gael mynediad at labordy i gynnal eich ymchwil, mae angen i chi gwblhau cwrs ychwanegol - Cyflwyniad Iechyd, Diogelwch a Chynaliadwyedd i Labordai. Cwrs ar-lein yw hwn y mae angen i chi ei gwblhau cyn i'ch Cyfadran roi mynediad i chi i’r labordy.

Cysylltwch â Thîm Cydymffurfiaeth eich Cyfadran i gael mynediad at y cwrs: FSE-access@abertawe.ac.uk

Bydd y cwrs yn rhoi'r canlynol i chi:

• Dealltwriaeth o'r cyflwyniadau i'r labordy sy'n angenrheidiol cyn i chi ddechrau ar eich gwaith/ymchwil yn y labordy.
• Dealltwriaeth o beryglon a rheolyddion y labordy.
• Ymwybyddiaeth o'r hyn y dylech chi ei wneud mewn argyfwng a'r cyfleusterau brys sydd ar gael.
• Dealltwriaeth o ofynion gwastraff.
• Dealltwriaeth o beth yw labordy cynaliadwy.

Bydd prawf gorfodol ar ddiwedd y cwrs hwn a'r marc pasio fydd 85%.

Hyfforddiant Iechyd a Diogelwch Ychwanegol

Mae ein Tîm Iechyd, Diogelwch a Gwydnwch yn cynnig amrywiaeth eang o gyrsiau hyfforddiant i staff a myfyrwyr ôl-raddedig.

Gan ddibynnu ar eich ymchwil, gall fod nifer o gyrsiau hyfforddiant hanfodol sydd ar gael i'ch helpu gyda'ch gwaith o ddydd i ddydd a'ch datblygiad proffesiynol parhaus.

I weld y cyrsiau sydd ar gael, gweler tudalen Iechyd, Diogelwch a Gwydnwch Ôl-raddedig MyUni:

Cyrsiau Hyfforddiant - Prifysgol Abertawe

(https://myuni.swansea.ac.uk/cy/byw-yn-abertawe/iechyd-a-diogelwch/myfyrwyr-ol-raddedig/cyrsiau-hyfforddi-/)

Os oes angen cymorth arnoch chi, siaradwch â'ch goruchwyliwr yn y lle cyntaf.

Am ragor o gymorth, e-bostiwch FSE-ethics@abertawe.ac.uk

Os bydd gennych broblemau gyda'r cynnwys neu'r adnoddau yn y cwrs Canvas, e-bostiwch:

Sally Robb neu Dr Teresa Phipps am gymorth yn pgrtraining@abertawe.ac.uk

Os oes gennych ymholiadau ynghylch hyfforddiant iechyd a diogelwch, e-bostiwch Nina Dicataldo:n.Dicataldo@abertawe 

Ar gyfer y Gyfadran Gwyddoniaeth a Pheirianneg, ein Hymgynghorwyr Iechyd a Diogelwch yw:

• Lorraine Wild (Gwyddoniaeth): L.B.Wild@abertawe.ac.uk
• Will Finn-Lewis (Peirianneg): W.D.Finn-Lewis@abertawe.ac.uk

Fel arall, gallwch chi e-bostio:healthandsafety@abertawe.ac.uk