Mae'r Brifysgol yn cydnabod y buddsoddiad enfawr a wneir gan fyfyrwyr, o ran amser ac arian, wrth ddewis dilyn rhaglen Addysg Uwch ac, yn Sefydliad cyfrifol, yn credu bod ganddi ddyletswydd i ymateb yn brydlon i unrhyw ddiffyg ymgysylltu fel bod modd cefnogi myfyrwyr a rhoi pob cyfle iddynt. Mae Datganiad y Brifysgol ar Ymgysylltu yn cefnogi'r egwyddorion a amlinellir yn y Siarter Myfyrwr, a'i fwriad yw cynorthwyo'r Brifysgol i alluogi myfyrwyr i gyrraedd eu potensial dysgu.
1.1
Mae'n ddisgwyliedig gan y Brifysgol y dylai'r holl fyfyrwyr cofrestredig ymgysylltu ag unrhyw sesiwn ddysgu wyneb yn wyneb neu rithwir a drefnir sy'n gysylltiedig â phob modiwl neu raglen ymchwil y maent wedi dewis eu dilyn yn Semestrau 1, 2 a 3 (lle bo'n berthnasol) ac yn cynnwys yr holl wythnosau a amserlennir mewn termau a semestrau (gan gynnwys wythnosau Asesu, Adborth a Chyflogadwyedd).
1.2
Mae sesiwn ddysgu a amserlennir yn cynnwys, ond heb ei chyfyngu i, ddarlithoedd, seminarau, grwpiau astudio, dosbarthiadau ymarferol, dosbarthiadau enghreifftiol, tiwtorialau, arholiadau, cyfarfodydd goruchwyliol, lleoliadau diwydiannol, teithiau maes neu weithgareddau eraill y mae disgwyl i fyfyrwyr eu mynychu.
1.3
Mae'r Brifysgol yn mynnu bod myfyrwyr yn bodloni unrhyw ofynion ychwanegol a nodir ym Mholisïau Ymgysylltu’r Gyfadran/Ysgol.
1.4
Mae'r Brifysgol yn mynnu bod myfyrwyr yn cydymffurfio ag unrhyw ofynion eraill o ran monitro ymgysylltu a allai fod ar waith er mwyn helpu'r Brifysgol i gydymffurfio â gofynion asiantaethau allanol (er enghraifft y llywodraeth ac asiantaethau ariannu).
2. Absenoldeb Myfyrwyr
2.1
Mae'n ofynnol bod myfyrwyr yn hysbysu eu Cyfadran/Hysgol am unrhyw absenoldeb o'r Brifysgol yn unol ag egwyddorion y Siarter Myfyrwr.
2.2
Caiff myfyriwr sy'n absennol o arholiad gyflwyno cais i'w Gyfadran/Ysgol i ohirio'r arholiad dan sylw yn unol â'r Polisi ar Amgylchiadau Esgusodol (dolen i'r Polisi).
3. Ymgysylltu Anfoddhaol
3.1
Mae 'ymgysylltu Anfoddhaol' yn cynnwys, ond heb ei gyfyngu’n gyfan gwbl i’r canlynol:
-
Methiant mynych neu ailadroddus i ymgysylltu â sesiynau dysgu a amserlennir wyneb yn wyneb neu'n rhithwir ac adnoddau dysgu ar-lein heb roi rheswm boddhaol; a/neu
-
Fethu mynychu cyfweliad a amserlennir gydag aelod o staff y gwasanaethau academaidd/proffesiynol, yn arbennig pan fydd y fath gyfweliad yn ymdrin â diffyg ymgysylltu neu gynnydd academaidd.
Ystyrir myfyriwr y tybir bod ei bresenoldeb ymgysylltu’yn anfoddhaol yn unol â'r Polisïau Monitro Ymgysylltu:
Polisi Monitro Cyfranogiad Myfyrwyr a Addysgir
Polisi Monitro Ymgysylltiad ar gyfer Myfyrwyr Haen 4/ Llwybr Myfyrwyr (Haen 4 gynt)