Cwestiynau Cyffredin am Ddigolledu

Goddefiad yw'r broses o ganiatáu methiant ymylol mewn un neu fwy o fodiwlau (mae cyfyngiadau'n berthnasol) ar sail safon gyffredinol dderbyniol o berfformiad academaidd.

Mewn rhaglenni israddedig, gellir caniatáu goddefiad i fyfyrwyr nad ydynt yn eu blwyddyn olaf mewn hyd at 40 credyd o fodiwlau ar yr amod y bodlonir y meini prawf canlynol:

• Mae rheoliadau'r rhaglen yn caniatáu goddefiad.
• Nid yw'r modiwlau y maent wedi’u methu wedi'u nodi'n flaenorol fel ‘modiwlau craidd’ ar gyfer y rhaglen dan sylw.
• Nid yw’r marciau yn y modiwlau hyn yn llai na 30%
• Mae’r cyfartaledd cyffredinol am y lefel astudio yn 35% neu'n uwch.

Yn achos myfyrwyr yn eu blwyddyn olaf, mae'r amodau uchod yn berthnasol; fodd bynnag, caniateir goddefiad ar gyfer marc mor isel â 0%.

Cyfeirir at fethiannau o’r fath fel 'methiannau a oddefir’. Ni chaiff credydau eu dyfarnu ar gyfer 'methiannau a oddefir'.

Yn achos rhaglenni ôl-raddedig a addysgir, gellir caniatáu goddefiad i fyfyrwyr mewn hyd at 30 credyd o fodiwlau ar yr amod y bodlonir y meini prawf canlynol:

• Mae marc cyfartalog cyffredinol eu modiwlau a addysgir o leiaf 50%.
• Nid yw'r modiwlau y maent wedi’u methu wedi'u nodi'n flaenorol fel ‘modiwlau craidd’.
• Nid yw’r marciau mewn UNRHYW fodiwl yn llai na 40%*. Cyfeirir at gredydau ar gyfer modiwlau o'r fath fel methiannau a oddefir (bydd y rhain yn ymddangos fel graddau F ar gofnod y myfyriwr).

* Mae marc islaw 40% mewn unrhyw fodiwl yn golygu na chaniateir goddefiad.

Cyfeirir at fethiannau o’r fath fel 'methiannau a oddefir’. Ni chaiff credydau eu dyfarnu ar gyfer 'methiannau a oddefir'.

Dyma'r arfer o ganiatáu methiant ymylol mewn un neu fwy o fodiwlau (mae cyfyngiadau'n berthnasol) a dyfarnu credydau iddynt, ar sail safon gyffredinol dderbyniol o berfformiad academaidd.

Bydd digolledu'n gweithio yn yr un ffordd â goddefiad. Y prif wahaniaeth yw y caiff credydau eu dyfarnu. 

Mae'r gwahaniaethau rhwng goddefiad a digolledu'n ymwneud â'r derminoleg a ddefnyddir a dyfarnu credydau. 

Rhaglenni Israddedig a Addysgir

Mae'r tablau isod yn dangos y newidiadau yn y rheoliadau israddedig:

Lefelau 4/5/6 (myfyrwyr nad ydynt yn eu  blwyddyn olaf)

Myfyrwyr blwyddyn olaf

Rhaglenni Ôl-raddedig a Addysgir

Mae'r tabl isod yn dangos y newidiadau yn y rheoliadau ôl-raddedig:

Mae'r Brifysgol yn adolygu ei rheoliadau'n rheolaidd. Ar ôl i ni adolygu gwybodaeth yn y Fframweithiau Credydau a Chymwysterau cenedlaethol (e.e. Lloegr a Gogledd Iwerddon: Higher Education Credit Framework for England (qaa.ac.uk); ar gyfer yr SCQF: www.scqf.org.uk; FfCChC: Fframwaith Credydau a Chymwysterau (FfCChC): disgrifyddion lefelau | LLYW.CYMRU); arweiniad a ddarparwyd gan yr Asiantaeth Sicrhau Ansawdd; adborth myfyrwyr ac ymarfer mewn sefydliadau eraill, cytunwyd i symud i system o gredydau digolledu, lle caiff credydau eu dyfarnu ar gyfer modiwlau a ddigolledwyd.

Bydd y rheoliad hwn yn berthnasol i bob myfyriwr cymwys ar gwrs a addysgir ar hyn o bryd o 1 Mehefin 2024. Bydd credydau a oedd yn cael eu goddef o'r blaen yn cael eu digolledu fel rhan o'r broses. Ni fydd eich marciau am y modiwlau hyn yn newid; fodd bynnag, o hyn allan bydd credyd yn cael ei ddyfarnu ar gyfer modiwlau y byddech wedi cael goddefiad ynddynt o'r blaen.

Bydd y rheoliad yn berthnasol i bob myfyriwr cymwys ar gwrs a addysgir ar hyn o bryd o 1 Mehefin 2024. Yr unig wahaniaeth yw y caiff credydau eu dyfarnu ar gyfer credydau a ddigolledir. Bydd myfyrwyr a gymhwysodd o'r blaen o dan y rheoliadau goddefiad wedi cwblhau eu lefel astudio a/neu eu dyfarniad o hyd. Nid yw'r ffordd y caiff graddau eu cyfrifo yn newid.

Na fyddant Os byddwch yn cael digollediad, bydd eich marc yn aros yr un peth a byddwch yn cael gradd 'F'. 

Os byddwch yn cael digollediad, bydd eich marc yn aros yr un peth a bydd gradd 'F' yn ymddangos ar eich cofnod myfyriwr. Bydd y credydau a ddigolledwyd yn ymddangos ar eich trawsgrifiad.

Cyfrifir canlyniad eich dyfarniad yn unol â'r rheoliadau asesu ar gyfer eich rhaglen astudio. 

Na fydd. Mae'r Brifysgol wedi diwygio'r rheoliadau hyn gan gyfeirio at ofynion sefydliadau allanol perthnasol sy'n gyfrifol am oruchwylio graddau prifysgolion.

Yn achos rhaglenni israddedig, gellir caniatáu digolledu i fyfyrwyr mewn hyd at 40 o gredydau ar yr amod y bodlonir y meini prawf canlynol:

• Mae rheoliadau'r rhaglen yn caniatáu digolledu.
• Nid yw'r modiwlau y maent wedi’u methu wedi'u nodi'n flaenorol fel ‘modiwlau craidd’ ar gyfer y rhaglen dan sylw.
• Nid yw’r marciau yn y modiwlau hyn yn llai na 30%*; ac
• Mae’r cyfartaledd cyffredinol am y lefel astudio yn 35% neu'n uwch.

* Mae marc islaw 30% yn golygu na chaniateir digolledu.

Cyfeirir at fethiannau o'r fath fel 'credydau a ddigolledwyd' (bydd y rhain yn ymddangos fel graddau F ar eich cofnod myfyriwr). Caiff credydau eu dyfarnu ar gyfer 'credydau a ddigolledwyd'.

Yn achos rhaglenni israddedig, gellir caniatáu digolledu i fyfyrwyr mewn hyd at 40 o gredydau o fodiwlau ar yr amod y bodlonir y meini prawf canlynol:

• Mae rheoliadau'r rhaglen yn caniatáu digolledu.
• Nid yw'r modiwlau y maent wedi’u methu wedi'u nodi'n flaenorol fel ‘modiwlau craidd’ ar gyfer y rhaglen benodol.
• Mae’r cyfartaledd cyffredinol am y lefel astudio yn 35% neu'n uwch.

Gellir digolledu methiannau yn y flwyddyn astudio olaf ar gyfer marc mor isel â 0%.

Cyfeirir at fethiannau o'r fath fel 'credydau a ddigolledwyd'. (Bydd y rhain yn ymddangos fel graddau F ar eich cofnod myfyriwr). Caiff credydau eu dyfarnu ar gyfer 'credydau a ddigolledwyd'.

Yn achos rhaglenni ôl-raddedig a addysgir, gellir caniatáu digolledu i fyfyrwyr mewn hyd at 30 credyd o fodiwlau ar yr amod y bodlonir y meini prawf canlynol:

• Mae rheoliadau'r rhaglen yn caniatáu digolledu.
• Mae marc cyfartalog cyffredinol eu modiwlau a addysgir o leiaf 50%
• Nid yw'r modiwlau y maent wedi’u methu wedi'u nodi'n flaenorol fel ‘modiwlau craidd’.
• Nid yw’r marciau mewn UNRHYW fodiwl yn llai na 40%*. Cyfeirir at gredydau ar gyfer modiwlau o'r fath fel methiannau a ddigolledir (bydd y rhain yn ymddangos fel graddau ‘F’ ar gofnod y myfyriwr).

* Mae marc islaw 40% yn golygu na chaniateir digolledu.

Cyfeirir at fethiannau o’r fath fel 'methiannau a ddigolledir’. Caiff credydau eu dyfarnu ar gyfer 'credydau a ddigolledir'.

Ni fydd digolledu'n berthnasol i rai rhaglenni proffesiynol/wedi'u hachredu oherwydd bod y modiwlau'n rhai craidd a rhaid eu pasio. Dylai rhagor o wybodaeth fod ar gael yn llawlyfr eich rhaglen.

Nac oes. Yn yr un modd ag ar gyfer methiannau a oddefir, os yw credydau a ddigolledir wedi cael eu dyfarnu i chi, ni fyddwch yn gallu dewis ailsefyll eich modiwlau. Fodd bynnag, os ydych chi'n anhapus gyda'r penderfyniad ynghylch eich dilyniant/canlyniad eich dyfarniad, gallwch gyflwyno apêl academaidd.

Os ydych yn credu bod camgymeriad wedi’i wneud wrth gyfrifo marc eich modiwl er enghraifft nid yw marc ar gyfer cydran asesu wedi’i gynnwys, gallwch gyflwyno cais i'ch Cyfadran/Ysgol i wirio marc penodol.

Gellir gweld y gweithdrefnau llawn yma.  

Rhaid gwneud apeliadau ar un o’r seiliau a nodir yng ngweithdrefnau’r Brifysgol.

Na fydd. Ni fydd hyn yn effeithio ar y penderfyniad i'ch derbyn am astudiaethau pellach neu beidio. Dylai'r sefydliad derbyn ystyried eich cais ar sail eich marciau a/neu'r dyfarniad a enillwyd. Ar ben hyn, os ydych yn gymwys am ddigolledu, byddwch yn derbyn credyd am y methiannau a ddigolledir. 

Nodir modiwlau sydd wedi'u digolledu â gradd 'F' ar eich trawsgrifiad, a dyfernir y credydau am y modiwl i chi.

Na fydd. Ni chaiff yr wybodaeth hon ei chynnwys ar dystysgrif eich gradd. Bydd yn cael ei chynnwys yn eich trawsgrifiad/HEAR.

Nac oes, eich dyfarniad cyffredinol sy'n bwysig i'r rhan fwyaf o gyflogwyr yn hytrach na marciau unigol. Os bydd eich cyflogwr yn gofyn am ddadansoddiad o'ch marciau ar gyfer modiwlau, gallwch chi gyrchu eich trawsgrifiad/HEAR.