Rhestr Wirio Gadael

Ni fydd gwaith glanhau yn eich preswylfeydd dros gyfnod y Nadolig/Pasg.  Cofiwch hyn a sicrhewch eich bod yn cynnal a chadw eich llety i safon dderbyniol. Os byddwch chi’n gadael eich preswylfeydd, gwnewch yn siŵr eich bod wedi gadael popeth yn lân ac yn daclus. Gwnewch yn siŵr eich bod yn tynnu popeth sy'n ddarfodus o'r oergell (h.y. llaeth, llysiau, cig etc).

Ni fydd sbwriel yn cael ei waredu, felly defnyddiwch finiau allanol i waredu eich sbwriel gan ddilyn y broses arferol. Dylech chi ailgylchu pan fo hynny'n bosibl a rhoi sbwriel yn y biniau gwastraff cywir.

Os wyt ti'n gadael dy lety, gwna'n siŵr dy fod yn diffodd yr holl oleuadau, eitemau trydanol a rheiddiaduron mewn ystafelloedd cyn gadael. Bydd hyn yn sicrhau nad ydym yn gwastraffu ynni a'n bod yn cefnogi mentrau cynaliadwyedd.

Bydd larymau tân yn parhau i gael eu profi dros gyfnod y Nadolig/Pasg. Dilynwch y weithdrefn arferol. Os yw'r larymau'n canu ar brawf nad yw wedi'i gynllunio, dylech chi adael yr adeilad ar unwaith ac aros am gyfarwyddiadau gan y Tîm Diogelwch.

Bydd post neu barseli sydd heb eu casglu yn aros yn Nerbynfa eich Safle tan ar ôl cyfnod y Nadolig/Pasg. 

Rydym yn annog yr holl fyfyrwyr i sicrhau bod ganddynt yr wybodaeth ddiweddaraf am newidiadau posibl i'r gwasanaeth bws yn ystod gwyliau'r Brifysgol.

• O ddydd Sul 15 Rhagfyr, ni fydd Gwasanaethau 89, 90, 92, N91 ac N92 yn gweithredu oherwydd gwyliau'r brifysgol.
• Bydd Gwasanaeth 91 yn gweithredu amserlen arbennig y gwyliau o ddydd Llun 16 Rhagfyr tan ddydd Gwener 20 Rhagfyr yn unig.
• Gweler gwefan First Bus am amserlenni ar gyfer yr holl wasanaethau eraill yn Abertawe.
• Bydd y bws gwennol Parcio a Theithio U1 yn dod i ben ddydd Gwener 13 Rhagfyr am 6:48pm, ac yn ailddechrau o ddydd Llun 6 Ionawr am 7:40am

Ewch i'r tudalennau Teithio am fwy o wybodaeth.