Adeiladau a Thiroedd

Ar wahân i adeiladau'r llyfrgell, mae llawer o leoedd eraill ar ein campysau lle gallwch chi ddod o hyd i fan tawel i astudio.

Edrychwch ar ein canllaw ar-lein i fannau astudio ar y campws yma.

Mae ein tiroedd Baner Werdd hyfryd ar agor i bawb ac yn cynnig amgylchedd therapiwtig i chi ymlacio ynddo a'i fwynhau. Gallwch archwilio ein tiroedd a'n mannau awyr agored yma.

Mae ein timau'n gyfrifol am sicrhau bod holl adeiladau'r campws yn gweithredu'n hwylus.

Ar draws ein campysau, rydym yn gofalu am fwy nag 85 o adeiladau. Mae pump o'r rhain yn adeiladau rhestredig ac mae Abaty Singleton yn dyddio'n ôl i 1784. Rydym yn rheoli 15 man arlwyo, yn gwasanaethu dros 10 cyfleuster chwaraeon gwahanol ar Barc Chwaraeon Bae Abertawe ac yn rheoli o leiaf 10 adeilad preswyl.

Ein nod yw cynnal a chadw ein hadeiladau a'n cyfleusterau i'r safon uchaf bosib, gan weithio tuag at nodau uchelgeisiol o ran diogelwch, cynaliadwyedd a hygyrchedd.

Gwresogi ein Hadeiladau

Yn unol â'n hymrwymiad i fod yn brifysgol ddi-garbon erbyn 2035, rydym yn gwresogi ein hadeiladau rhwng 1 Hydref a 30 Ebrill bob blwyddyn. Gallwch chi ddarllen ein polisi gwres a chysur yma.

Rydym yn ymrwymedig i wneud ein campysau'n hygyrch i bawb ac rydym am i chi allu defnyddio ein cyfleusterau a'n gwasanaethau yn hwylus ac yn hyderus.

Er mwyn creu campws cynhwysol sy'n groesawgar i bawb, gwnaethom gynnal archwiliad hygyrchedd cynhwysfawr yn ddiweddar i'n helpu i nodi meysydd i’w gwella. Yn dilyn yr archwiliad hwn, rydym wedi gwneud nifer o welliannau, gan gynnwys uwchraddio adeiladau, cyfleusterau, meysydd parcio a llwybrau allweddol i gael gwared ar rwystrau diriaethol. Rydym hefyd yn buddsoddi mewn canllawiau clir a chyfredol i hygyrchedd a gaiff eu cynnwys ar y tudalennau gwe hyn i'ch helpu i fynd o fan i fan ar ein campysau'n gyfforddus.

Gan edrych i'r dyfodol, rydym yn ymrwymedig i gyflwyno gwelliannau graddol pellach i sicrhau bod ein hadeiladau a'n campysau yn parhau i fodloni'r safonau hygyrchedd uchaf.

Os oes gennych adborth neu awgrymiadau yn y cyfamser ar sut y gallwn wella hygyrchedd ar draws ein hystad, gallwch anfon e-bost atom yn: campusdevelopment@abertawe.ac.uk.

Mae ein tîm yn rheoli rhaglen brysur o waith cynnal a chadw a datblygu i sicrhau bod ein hadeiladau a'n gwasanaethau'n gweithredu'n ddiogel ac yn hwylus a'u bod yn diwallu anghenion ein cymuned.

Rydym yn gweithio'n agos gyda'n partneriaid adeiladu i sicrhau bod unrhyw brosiectau gwaith ar y campws yn cael eu rheoli mewn modd diogel a chyfrifol gan darfu cyn lleied â phosib ar fywyd ar y campws.

Gallwch gael gwybodaeth am waith ar y campws, gan gynnwys gwaith cynnal a chadw ac adnewyddu, lifftiau nad ydynt yn gweithredu a gwasanaethau sydd ar gau yma