Hyb PGR

Dyma ystafell mynediad agored sy'n cynnig lle anffurfiol i gymdeithasu neu astudio. Mae hefyd lawer o lyfrau ac adnoddau eraill yn y Lolfa Ymchwil Ôl-raddedig sydd ar gael i gefnogi eich taith ymchwil, a gallwch gael mynediad at yr adnoddau hyn wrth ddefnyddio'r lle.

Mae'r Lolfa Ymchwil Ôl-raddedig ar gael i'r holl fyfyrwyr ymchwil ôl-raddedig o ddydd Llun i ddydd Gwener rhwng 8am a 6pm. Gellir hefyd archebu'r Lolfa ar gyfer digwyddiadau ac mae lle i tua 25 o bobl yno. Os ydych yn trefnu digwyddiad, gall tîm y Swyddfa Ymchwil Ôl-raddedig ddarparu yrnau, mygiau, te a choffi, cysylltwch â ni i gael rhagor o wybodaeth.

Mae'r Hyb Ymchwil Ôl-raddedig yn wych ar gyfer:

• Digwyddiadau anffurfiol megis boreau coffi
• Ymarfer cyflwyno eich ymchwil
• Cyfarfodydd cymdeithasau a grwpiau ymchwil
• Cynnal grwpiau trafod a digwyddiadau rhwydweithio
• Dod ynghyd i ysgrifennu
• Os ydych yn chwilio am ddihangfa, gallwch fachu llyfr o'r gyfnewidfa lyfrau!

Beth sydd yn yr ystafell:

• Cadeiriau cyfforddus y gellir eu symud a byrddau coffi
• Peiriant dŵr
• Daliwr siart troi gyda phennau ysgrifennu a phapur
• Sgrîn gyffwrdd fawr gyda chyfleuster taflunio o bell.

Mae'r ystafell hon ar gael i'w harchebu ar gyfer gweithdai a digwyddiadau hyfforddiant sy'n benodol ar gyfer ymchwil ôl-raddedig. E-bostiwch y tîm hyfforddiant ymchwil ôl-raddedig i ofyn i ddefnyddio'r lle hwn.

Mae'r Ystafell Hyfforddiant yn wych ar gyfer:

• Mynychu digwyddiadau a gweithdai sy'n ymwneud â hyfforddiant ymchwil ôl-raddedig
• Cynnal sgyrsiau grŵp a digwyddiadau rhwydweithio wyneb yn wyneb a hybrid

Beth sydd yn yr ystafell:

• Byrddau a chadeiriau y gellir eu gosod mewn amrywiaeth o ffyrdd yn yr ystafell
• Daliwr siart troi gyda phennau ysgrifennu a phapur
• Desg ddarllen gyda sgrîn gyffwrdd ar gyfer addysgu.

Mae'r Labordy Astudio yn lle mynediad agored gydag 11 gweithfan unigol y gellir eu harchebu  y cyfan mae angen ichi ei wneud yw cysylltu eich gliniadur ac rydych yn barod amdani! Mae'r ystafell wedi ei gosod ar gyfer defnyddwyr unigol ac ar gyfer cydweithio, os hoffech archebu'r ystafell gyfan, e-bostiwch ni.

Mae'r Labordy Astudio ar agor o ddydd Llun i ddydd Gwener rhwng 8am a 6pm.

Mae'r Labordy Astudio yn wych ar gyfer:

• Sesiynau gwaith unigol a grŵp
• Gwaith cydweithredol, gall hyd at 5 dyfais daflunio'n uniongyrchol ar y sgrîn gyffwrdd ryngweithiol

Beth sydd yn yr ystafell:

• Gorsafoedd gwaith, sy'n barod i'w cysylltu, gyda monitor, bysellfwrdd a llygoden.
• Porth USB-C ac HDMI er mwyn cysylltu eich gliniadur
• Sgrîn gyffwrdd ryngweithiol gyda thafluniwr o bell ar gyfer astudio ar y cyd
• Siart troi gyda phapur a phennau

Mae'r ystafell hon yn cynnwys cyfleusterau ar gyfer cyfarfodydd hybrid a gellir archebu'r ystafell ar gyfer cyfarfodydd a digwyddiadau sy'n gysylltiedig ag ymchwil ôl-raddedig, ac arholiadau llafar. Gellir archebu ystafell gyfarfod Faraday 307 o ddydd Llun i ddydd Gwener rhwng 8am a 6pm.

Mae ystafell gyfarfod Faraday 307 yn wych ar gyfer:

• Archebu lle i gynnal cyfarfodydd i drafod eich prosiect ymchwil â myfyrwyr ymchwil ôl-raddedig eraill neu eich goruchwyliwr
• Cymryd rhan mewn cyfweliadau sy'n rhan o'ch prosiect ymchwil mewn lle tawel
• Ymuno â chyfarfodydd Zoom
• Trafodaethau cydweithredol gyda chydweithwyr wyneb yn wyneb a dros Zoom
• Ymgymryd â'ch arholiad llafar

Beth sydd yn yr ystafell:

• Byrddau a chadeiriau ar gyfer 10-12 person a chadeiriau y gellir eu gosod mewn amrywiaeth o ffyrdd yn yr ystafell
• Cyfleusterau Zoom
• Bwrdd gwyn

Mae'r ystafell hon yn cynnwys cyfleusterau ar gyfer cyfarfodydd hybrid a gellir archebu'r ystafell ar gyfer cyfarfodydd a digwyddiadau sy'n gysylltiedig ag ymchwil ôl-raddedig, ac arholiadau llafar. Gellir archebu ystafell gyfarfod Faraday 308 o ddydd Llun i ddydd Gwener rhwng 8am a 6pm.

Mae ystafell gyfarfod Faraday 308 yn wych ar gyfer:

• Archebu lle i gynnal cyfarfodydd i drafod eich prosiect ymchwil â myfyrwyr ymchwil ôl-raddedig eraill neu eich goruchwyliwr
• Cymryd rhan mewn cyfweliadau sy'n rhan o'ch prosiect ymchwil mewn lle tawel
• Ymuno â chyfarfodydd Zoom
• Trafodaethau cydweithredol gyda chydweithwyr wyneb yn wyneb a dros Zoom
• Ymgymryd â'ch arholiad llafar

Beth sydd yn yr ystafell:

• Byrddau a chadeiriau ar gyfer 6-8 person a chadeiriau y gellir eu gosod mewn amrywiaeth o ffyrdd yn yr ystafell
• Cyfleusterau Zoom
• Bwrdd gwyn