Cwestiynau Cyffredin ynghylch yr Addasiadau i Ffïoedd Dysgu

Mae llawer o agweddau a manylion gwahanol am fenthyciadau myfyrwyr sy'n gallu achosi dryswch. Rydym yma i helpu, dyna pam rydym wedi llunio gwybodaeth chwalu mythau ynghylch eich benthyciadau myfyrwyr. Rydym am i chi ddeall y ffeithiau.

Beth yw fy nghynllun ad-dalu benthyciad myfyriwr i?

Mae hyn i gyd yn dibynnu ar ble mae eich cartref a phryd dechreuoch chi yn y brifysgol, dyma ddadansoddiad hawdd i'ch helpu. 

Myfyrwyr Student Finance England (Cynllun Ad-dalu 5)

Pum Ffaith Gyflym:

1. Fyddwch chi ddim yn dechrau ad-dalu eich benthyciad nes i chi ennill dros £25,000 y flwyddyn. Os ydych chi'n ennill llai na hyn, fyddwch chi ddim yn talu dim.
2. Rydych chi'n talu 9% o bopeth byddwch chi'n ei ennill uwchlaw'r trothwy o £25,000 ni waeth faint yw eich dyled. Dyma enghraifft gyflym: os ydych chi'n ennill £35,000 y flwyddyn, byddwch chi'n ad-dalu £900 y flwyddyn. Does dim gwahaniaeth a oes arnoch chi ddyled gwerth £20,000 mewn benthyciadau myfyriwr neu £1 filiwn.
3. Caiff y benthyciad ei ganslo'n awtomatig ar ôl 40 o flynyddoedd.
4. Fyddwch chi ddim yn dechrau ad-dalu tan y mis Ebrill ar ôl i chi adael y brifysgol.
5. Ni fydd hyn yn mynd ar eich ffeil gredyd a chaiff eich ad-daliadau eu didynnu o'ch cyflog yn awtomatig. Yn Hunangyflogedig? Bydd Cyllid a Thollau ei Fawrhydi (CThEF) yn cyfrifo faint byddwch chi'n ei dalu ar sail eich  ffurflen dreth.

Myfyrwyr Cyllid Myfyrwyr Cymru a Student Finance England (Cynllun Ad-dalu 2)

Pum Ffaith Gyflym:

1. Fyddwch chi ddim yn dechrau ad-dalu eich benthyciad nes eich bod yn ennill dros £27,295 y flwyddyn. Os ydych chi'n ennill llai na hyn, fyddwch chi ddim yn talu dim.
2. Byddwch chi'n  talu 9% o bopeth byddwch chi'n ei ennill uwchlaw'r trothwy o £27,295 ni waeth faint yw eich dyled. Dyma enghraifft gyflym: os ydych chi'n ennill £35,000 y flwyddyn, byddwch chi'n ad-dalu £693 y flwyddyn. Does dim gwahaniaeth a oes arnoch chi ddyled gwerth £20,000 mewn benthyciadau myfyriwr neu £1 filiwn.
3. Caiff y benthyciad ei ganslo'n awtomatig ar ôl 40 o flynyddoedd.
4. Fyddwch chi ddim yn dechrau ad-dalu tan y mis Ebrill ar ôl i chi adael y brifysgol.
5. Ni fydd hyn yn mynd ar eich ffeil gredyd a chaiff eich ad-daliadau eu didynnu o'ch cyflog yn awtomatig. Yn Hunangyflogedig? Bydd Cyllid a Thollau ei Fawrhydi (CThEF) yn cyfrifo faint byddwch chi'n ei dalu ar sail eich ffurflen dreth.

Sylwer, nid cyngor ariannol yw hyn. Mae llawer o ffactorau eraill i fod yn wyliadwrus amdanynt a gwybodaeth ychwanegol a allai effeithio ar y ffeithiau uchod, gan ddibynnu ar eich sefyllfa bersonol chi. Gan ystyried hyn, byddem yn eich annog i archwilio Canllaw gwybodaeth y Llywodraeth ymhellach.

Yn ddiweddar, cynyddodd Llywodraeth y DU ac, yn sgîl hynny, Lywodraeth Cymru, uchafswm y ffïoedd dysgu (y ffïoedd dysgu uchaf y gellir eu codi) o £9,250 i £9,535. Gan ddechrau ym mis Medi 2025, caiff eich ffïoedd dysgu eu haddasu i’r uchafswm ffïoedd presennol (£9,535 ar hyn o bryd), gan eu cysoni â chenhedloedd eraill y DU a'r rhan fwyaf o brifysgolion yng Nghymru. Mae’r penderfyniad hwn mewn ymateb i bwysau chwyddiant parhaus sydd wedi effeithio ar brifysgolion ledled y DU. 

Mae ein hymrwymiad i gynnig amgylchedd dysgu ac addysgu rhagorol yn parhau i fod yn gadarn. Felly, rydym wedi gwneud y penderfyniad hwn i sicrhau ein bod yn gallu parhau i ddarparu ac ariannu'r addysg a'r profiad o safon uchel i fyfyrwyr rydym yn ymfalchïo ynddynt.  

Gweler ein dadansoddiad manwl isod o’r myfyrwyr y bydd yr addasiad i ffïoedd dysgu'n effeithio arnynt. 

Mae'r amodau a thelerau canlynol yn rhan o'r contract rhyngoch chi a'r Brifysgol:

Adran 5. Ffïoedd a Thalu 

5.1 Mae’r ffioedd a nodir yn eich cynnig yn berthnasol ar gyfer blwyddyn gyntaf eich rhaglen yn unig.  

5.2 Gall ffioedd myfyrwyr israddedig amser llawn o'r DU gynyddu yn y blynyddoedd astudio dilynol ar sail chwyddiant, yn unol â phenderfyniad Llywodraeth Cymru. Er enghraifft, os yw eich ffïoedd yn y flwyddyn gyntaf yn £9,250 ac mae Llywodraeth Cymru yn pennu cynnydd sy'n gysylltiedig â chwyddiant o 3% y flwyddyn, bydd y Brifysgol yn cynyddu eich ffi i £9,527 yn yr ail flwyddyn a £9,812 yn y drydedd flwyddyn. Byddwn yn cadarnhau unrhyw gynnydd o'r fath i chi bob blwyddyn, a chyn gynted â phosib yn dilyn cadarnhad gan Lywodraeth Cymru. 

Yn ddiweddar, cynyddodd Llywodraeth y DU ac, yn sgîl hynny, Lywodraeth Cymru, uchafswm y ffïoedd (y ffïoedd dysgu uchaf y gellir eu codi) o £9,250 i £9,535. Gan ddechrau ym mis Medi 2025, caiff eich ffïoedd dysgu eu haddasu i'r uchafswm ffïoedd presennol (£9,535 ar hyn o bryd).

Pan fyddwch yn cyflwyno cais am eich swm nesaf o gyllid myfyriwr, gwnewch yn siŵr eich bod yn dewis 'Uchafswm y Benthyciad', gan y bydd hyn yn cyfateb yn awtomatig i'ch ffïoedd dysgu.

Ni fydd y newidiadau'n effeithio ar fyfyrwyr a ariennir gan fwrsariaeth lawn y GIG. Os yw myfyrwyr wedi optio allan o gael eu hariannu gan fwrsariaeth y GIG, caiff eu ffïoedd eu haddasu i £9,535 o fis Medi 25. 

Os ydych yn fyfyriwr israddedig presennol o'r DU, neu’n fyfyriwr ‘cartref’ o fis Medi 2025, caiff eich ffïoedd dysgu eu haddasu o £9,250 i uchafswm y ffioedd dysgu (£9,535 ar hyn o bryd).  

Os ydych yn fyfyriwr israddedig o'r DU, neu’n fyfyriwr ‘cartref’, sydd wedi gohirio eich astudiaethau, o fis Medi 2025, caiff eich ffïoedd dysgu eu haddasu o £9,250 i uchafswm y ffioedd dysgu (£9,535 ar hyn o bryd). 

Os ydych yn fyfyriwr israddedig o'r DU, neu’n fyfyriwr ‘cartref’, ac rydych yn ail-wneud eich astudiaethau, o fis Medi 2025, caiff eich ffïoedd dysgu eu haddasu o £9,250 i uchafswm y ffioedd dysgu (£9,535 ar hyn o bryd). 

Os ydych yn fyfyriwr israddedig o’r DU, neu’n fyfyriwr ‘cartref’, ac mae'n rhaid i chi ail-wneud modiwlau, o fis Medi 2025, y ffi i ail-wneud modiwl fydd £794 fesul 10 credyd.  

Os ydych yn fyfyriwr israddedig presennol o’r DU neu’n fyfyriwr ‘cartref' sy’n astudio blwyddyn mewn diwydiant, o fis Medi 2025, byddwch yn talu 20% o uchafswm y ffïoedd dysgu (£9,535 ar hyn o bryd), sef £1,900.

Os ydych yn fyfyriwr israddedig presennol o’r DU neu’n fyfyriwr ‘cartref' sy’n astudio am flwyddyn dramor, o fis Medi 2025, byddwch yn talu 15% o uchafswm y  ffïoedd dysgu (£9,535 ar hyn o bryd), sef £1,425.

Os ydych yn fyfyriwr israddedig presennol o’r DU neu’n fyfyriwr ‘cartref', o fis Medi 2025, caiff eich ffïoedd dysgu eu haddasu o £9,250 i uchafswm y ffïoedd dysgu (£9,535 ar hyn o bryd).

Os ydych yn fyfyriwr israddedig presennol o'r DU neu’n fyfyriwr 'cartref', o fis Medi 2025, caiff eich ffïoedd dysgu eu haddasu o £9,250 i uchafswm y ffïoedd dysgu (£9,535 ar hyn o bryd).  

O fis Medi 2025, bydd ffïoedd dysgu ar gyfer myfyrwyr newydd ar raglenni sylfaen, neu'r rhai sy'n ail-wneud y flwyddyn (yn yr ystafell ddosbarth) yn cael eu gostwng o £9,250 i uchafswm y ffïoedd dysgu (£5,760 ar hyn o bryd).

Os ydych chi'n fyfyrwyr o'r DU, neu’n fyfyriwr 'cartref', sy'n symud o raglen blwyddyn sylfaen sy'n cael ei chyflwyno mewn ystafell ddosbarth i Lefel 4 o'ch gradd israddedig, o fis Medi 2025, caiff eich ffïoedd dysgu eu haddasu o £9,250 i uchafswm y ffïoedd dysgu (£9,535 ar hyn o bryd).

Os ydych yn fyfyriwr israddedig presennol o'r DU, neu’n fyfyriwr 'cartref', o fis Medi 2025, caiff eich ffïoedd dysgu eu haddasu o £9,250 i uchafswm y ffïoedd dysgu (£9,535 ar hyn o bryd).

Nac ydynt. Ni fydd y newidiadau hyn yn effeithio ar fyfyrwyr sydd wedi cofrestru ar raglen Gradd Sylfaen neu Radd-brentisiaeth sy'n cael ei chyflwyno yn Abertawe neu yng Ngholeg Cambria.

Nac ydynt. Os ydych yn fyfyriwr rhyngwladol, ni fydd y newidiadau'n effeithio arnoch chi, gan fod eich ffïoedd dysgu'n wahanol i fyfyrwyr o'r DU. Edrychwch ar dudalennau gwe eich cwrs i weld eich ffïoedd dysgu.

Nac ydynt. Ni fydd y newidiadau'n effeithio ar fyfyrwyr ôl-raddedig. 

Nac ydynt. Ni fydd y newidiadau'n effeithio ar fyfyrwyr TAR presennol, ond byddant yn effeithio ar ddarpar fyfyrwyr TAR a myfyrwyr TAR newydd.