Tiwtora Personol

Gofynnwch yn Swyddfa Wybodaeth eich Cyfadran.  Byddant yn dweud wrthych chi pwy yw eich Tiwtor.

Mae'n ddoeth i wneud yr amser i fynychu – mae'r cyfarfodydd hyn er eich lles chi.  Maent yn gyfle i chi drafod ac ystyried eich datblygiad academaidd, personol a phroffesiynol â rhywun sy'n brofiadol wrth astudio mewn Prifysgol a chanfod ffordd o'i datblygu. Y bwriad yw eich helpu i wneud y mwyaf o'ch profiad yn y Brifysgol.  Bydd eich Tiwtor Personol yn gallu rhoi awgrymiadau a chyngor i chi, a gweithio gyda chi i gyrraedd eich nodau.

Mae tiwtora personol yn sgwrs rhyngoch chi a'ch tiwtor.  Meddyliwch am yr hyn rydych yn dymuno ei gael o'r cyfarfod cyn mynd iddo.  Mae Tiwtora Personol - eich cyfarfod ffurflen y gallwch ei defnyddio wrth feddwl am yr hyn hoffech chi ei drafod yn eich cyfarfodydd unigol.  Gallwch ei llenwi os yw'n fuddiol a mynd â hi gyda chi neu ei e-bostio at eich tiwtor o flaen llaw.  Efallai y bydd gan eich tiwtor bethau yr hoffai eu trafod hefyd, megis adborth, canlyniadau a lleoliadau.

Os ydych chi a'ch tiwtor yn cytuno bod camau y gallech chi eu cymryd a fyddai'n eich helpu, mae'n syniad da eu nodi ar bapur.  Rhannwch gopi os gallwch chi gyda'r tiwtor, e.e. drwy e-bost.  Y tro nesaf y byddwch yn cwrdd, gallwch drafod faint o gynnydd rydych chi wedi'i wneud tuag at y nodau hynny.  Efallai y bydd eich tiwtor personol yn cymryd cofnodion hefyd.

Ceisiwch fynd os gallwch chi.  Byddwch yn cwrdd â myfyrwyr eraill ar eich cwrs.  Yn aml, mae cyfarfodydd grŵp yn gyfle i rannu a thrafod gwybodaeth bwysig, er enghraifft am asesu, lleoliadau neu faterion eraill sy'n gysylltiedig â'r cwrs.

Bydd Swyddfa Wybodaeth eich Cyfadran yn eich helpu os ydych chi am newid tiwtor personol.  Gallwch wneud cais heb roi rhesymau, er ei bod hi'n fuddiol i ni wybod pam nad yw pethau'n gweithio.  Os byddwch am newid eto, byddai angen caniatâd Pennaeth y Cyfadran/Ysgol a byddai'n rhaid i chi esbonio eich rhesymau.

Gallwch e-bostio eich Tiwtor Personol ar unrhyw adeg. Fodd bynnag, byddant dim ond yn eich ateb yn ystod oriau gwaith, a gallai gymryd diwrnod neu ddau i gael ymateb. Os yw eich ymholiad yn un brys ac mae eich Tiwtor Personol yn anfon neges awtomatig sy'n dweud nad yw yn y swyddfa ar hyn o bryd, ewch i Swyddfa Wybodaeth eich Cyfadran am gyngor.

Mae gan bob Tiwtor Personol 'oriau swyddfa' wythnosol lle gallwch alw heibio os oes gennych gwestiwn neu os ydych chi am gael cyngor.

Os ydych chi'n rhoi gwybod i ni eich bod am Diwtor Personol  sy'n siarad Cymraeg, yna bydd eich Cyfadran/Ysgol yn ymdrechu i drefnu hyn.  Pan fo'n bosib, bydd yn academydd yn y pwnc rydych chi'n ei astudio.  Os nad oes neb ar gael yn eich pwnc chi, cewch gynnig Tiwtor Personol ychwanegol sy'n siarad Cymraeg.

Neilltuir Tiwtor Personol sy'n siarad Cymraeg yn awtomatig i bob myfyriwr sy'n astudio drwy gyfrwng y Gymraeg.

Mae'r hyn sy'n digwydd yn dibynnu ar eich Cyfadran/Ysgol.  Fel arfer, anfonir e-bost atoch yn eich annog i aildrefnu'r cyfarfod ac yn cynnig cymorth i chi.  Mewn rhai Ysgolion, rhoddir credydau i chi am fynychu, felly os na fyddwch yn mynd i gyfarfod, ni fyddwch yn ennill y credydau hynny.  Anogir myfyrwyr sy'n astudio o dan Llwybr Myfyrwyr (Fisa Haen 4 gynt) yn gryf i fynychu pob cyfarfod â'u Tiwtor Personol er mwyn cydymffurfio â gofynion Fisâu a Mewnfudo'r DU (UKVI).