Graddau Meistr Ôl-raddedig a Addysgir Hyblyg

Bydd y rheoliadau hyn yn gymwys ar gyfer rhaglenni sy’n arwain at ddyfarnu’r graddau Meistr hyblyg canlynol: MA, MSc, LLM, MBA, MFin.

1.1

Caiff Gradd Meistr, Diploma Ôl-raddedig, neu Dystysgrif Ôl-raddedig eu dyfarnu i fyfyrwyr sydd wedi dangos:

• Dealltwriaeth systematig o wybodaeth, ac ymwybyddiaeth feirniadol o broblemau cyfredol a/neu fewnwelediadau newydd, sydd i raddau helaeth ar flaen y gad yn y ddisgyblaeth academaidd, y maes astudio neu’r maes arfer proffesiynol dan sylw neu'n cael eu goleuo gan waith ar flaen y gad.
• Dealltwriaeth gynhwysfawr o'r technegau sy'n berthnasol i'w hymchwil eu hunain neu i ysgolheictod uwch.
• Gwreiddioldeb wrth gymhwyso gwybodaeth, ynghyd â dealltwriaeth ymarferol o sut y defnyddir technegau ymchwil ac ymholi i greu a dehongli gwybodaeth o fewn y ddisgyblaeth.
• Dealltwriaeth gysyniadol sy'n galluogi'r myfyriwr:
  • I werthuso ymchwil cyfredol ac ysgolheictod uwch yn feirniadol o fewn y ddisgyblaeth;
  • I werthuso methodolegau a datblygu beirniadaeth ohonynt, a lle bo'n briodol, gynnig damcaniaethau newydd.

Yn nodweddiadol, bydd deiliaid y cymhwyster yn gallu gwneud y pethau canlynol:

• Ymdrin â materion cymhleth yn systematig ac yn greadigol, gwneud penderfyniadau doeth yn absenoldeb data cyflawn, a mynegi casgliadau yn glir i gynulleidfaoedd arbenigol a lleyg.
• Parhau i ddatblygu eu gwybodaeth a'u dealltwriaeth, a datblygu sgiliau newydd i lefel uchel.
• Dangos hunangyfeirio a gwreiddioldeb wrth ymdrin â phroblemau a'u datrys, a gweithio'n annibynnol i gynllunio a chynnal tasgau ar lefel broffesiynol neu gyfatebol.

A bydd gan y deiliaid:

• Y nodweddion a'r sgiliau trosglwyddadwy angenrheidiol ar gyfer cyflogaeth sy'n gofyn am:
  • Arfer menter a chyfrifoldeb personol;
  • Gwneud penderfyniadau mewn sefyllfaoedd cymhleth nad oes modd eu darogan;
  • Y gallu i ddysgu’n annibynnol sy’n ofynnol er mwyn sicrhau datblygu proffesiynol parhaus.

2.1

Mae rhaglenni Gradd Meistr Hyblyg a Addysgir wedi'u strwythuro fel a ganlyn:

• Cyflwynir rhaglen astudio amser llawn neu ran-amser sy'n cynnwys modiwlau sy'n dod i gyfanswm o 180 credyd, lle mae dysgu annibynnol dan gyfarwyddyd (cyfanswm o 60 credyd) yn cael ei gyflwyno ar yr un pryd â modiwlau a addysgir;
• Bydd ymgeiswyr yn gymwys i ddechrau eu dysgu annibynnol dan gyfarwyddyd ar unrhyw adeg ar ôl cofrestru;
• Bydd ymgeiswyr amser llawn a rhan-amser sy'n cwblhau'r rhaglen yn llwyddiannus yn gymwys i gael gradd Meistr.

2.2

Ar gyfer ymgeiswyr llawn amser, bydd y rhaglen fel arfer yn cael ei chwblhau mewn blwyddyn. Ar gyferymgeiswyr rhan-amser, bydd y rhaglen fel arfer yn cael ei chwblhau mewn dwy flynedd (rhaglen ddwy flynedd) a thair blynedd (rhaglen tair blynedd).

2.3

Bydd y rhaglen ran-amser 2 flynedd yn cael ei chyflwyno yn y fformat canlynol:

• 60 credyd a addysgir ym mhob blwyddyn (120 credyd a addysgir);
• Cyfanswm o 60 credyd dysgu dan gyfarwyddyd annibynnol a gyflwynir erbyn diwedd y rhaglen, fel arfer naill ai drwy un modiwl 60 credyd a asesir yn ffurfiol ym mlwyddyn dau, neu fodiwl 30 credyd ym mhob blwyddyn.

2.4

Mae gan rai rhaglenni wahanol ddulliau darparu, gan gynnwys e.e. cyflwyno bloc byr, dysgu cyfunol. Bydd strwythur rhaglenni o'r fath yn cael ei nodi yn y llawlyfr priodol ar gyfer y rhaglen.

2.5

Bydddeilliannau dysgu yn cael eu pennu ar gyfer pob rhaglen Meistr ac ar gyfer unrhyw raglen lle bwriedir darparu cymhwyster ganol ffordd neu wrth gefn.

2.6

Byddrhai rhaglenni'n cael eu strwythuro yn y fath fodd fel y bydd yn ofynnol i ymgeiswyr ymgymryd ag ymarfer a lleoliadau proffesiynol.

Pan fo ymgeiswyr yn destun asesiad o gymhwysedd proffesiynol yn dilyn cyfnod o ymarfer neu leoliad proffesiynol, rhaid i'r canlyniad gael ei raddio â chredyd.

3.1

Bydd modiwlau a addysgir yn cael eu cwblhau yn ôl yr amserlen a nodir gan y Gyfadran/Ysgol berthnasol, a bydd asesiadau’n cael eu cwblhau erbyn y dyddiadau a bennir gan y Gyfadrannau/Ysgolion. 

Caiff y rhaglen radd gyfan ei chwblhau o fewn y terfynau amser canlynol o'r dyddiad cofrestru: 

 *Darllenwch y Canllawiau ar Derfynau Amser i gael rhagor o wybodaeth.  

4.1

Gall y Gyfadran/Ysgol ystyried ymgeiswyr ar gyfer estyn y dyddiad cau cyflwyno'r darn o ddysgu annibynnol dan gyfarwyddyd, hyd at ystod cyfnod astudio byrraf yr ymgeisyddiaeth (fel arfer blwyddyn ar gyfer myfyrwyr amser llawn a dwy flynedd ar gyfer myfyrwyr rhan amser). Rhaid cwblhau estyniadau i ymgeisyddiaeth yn unol â rheoliadau'r Brifysgol, a rhaid eu cyfeirio drwy oruchwyliwr yr ymgeisydd, i'r Gwasanaethau Addysg yn unol â'r dyddiadau cau a nodwyd.

 5.1

Y patrwm addysgu ar gyfer y rhan fwyaf o raglenni llawn amser fydd tri semester a bydd disgwyl i ymgeiswyr ddilyn 60 credyd bob semester. Rhaid i bob Ymgeisydd gwblhau 60 credyd dysgu annibynnol dan gyfarwyddyd o fewn terfyn amser arferol y rhaglen fel y nodir yng Nghymal 2.2.

Bydd disgwyl i ymgeiswyr sydd wedi cofrestru ar y rhaglenni rhan-amser dwy flynedd ddilyn 30 credyd a addysgir yn Semester Un a 30 credyd a addysgir yn Semester Dau ar gyfer Blwyddyn Un a Blwyddyn Dau. Bydd y dysgu annibynnol dan gyfarwyddyd fel arfer yn digwydd yn yr ail flwyddyn NEU'n cael ei rannu ar draws Blwyddyn Un a Blwyddyn Dau.

Bydd disgwyl i ymgeiswyr sydd wedi cofrestru ar y rhaglenni rhan-amser tair blynedd ddilyn 30 credyd yn Semester Un a 30 credyd yn Semester Dau ar gyfer Blwyddyn Un a Blwyddyn Dau. Fel arfer, bydd y dysgu annibynnol dan gyfarwyddyd yn digwydd ym Mlwyddyn 3.

5.2

Maestrwythur yr addysgu a'r asesu wedi'i nodi yn llawlyfr y rhaglen ar gyfer ymgeiswyr sydd wedi cofrestru ar raglenni sydd â strwythurau amgen, gan gynnwys darpariaeth bloc a chymysg.

6.1

Bydd yn ofynnol i ymgeiswyr gwblhau’r rhaglen astudio yn unol â’r rheoliadau ynghylch dyfarnu credyd, fel y’u cyhoeddir yn y ddogfen Rheoliadau Asesu ar gyfer Dyfarniadau Ôl-raddedig a Addysgir.

6.2

Y marc llwyddo ar gyfer modiwl fydd 50%.

6.3

Rhaid i ymgeiswyr gwblhau'r rhaglen gyfan cyn y gallant fod yn gymwys i dderbyn gradd.

Bydd y dysgu annibynnol dan gyfarwyddyd, neu'r dull asesu amgen a gymeradwywyd, yn ymgorffori dulliau a chanlyniadau prosiect ymchwil. 

7.1

Gall ymgeisydd sy'n cael ei dderbyn i raglen Meistr Hyblyg ond sydd wedyn yn methu, neu na chaniateir iddo, symud ymlaen i'w gwblhau, yn dibynnu ar nifer y credydau a enillwyd ar yr adeg ymadael, ac yn ddarostyngedig i unrhyw ofynion Corff Proffesiynol neu Statudol, fod yn gymwys ar gyfer un o ddyfarniadau canlynol y Brifysgol**:

*Gall rhaglenni fabwysiadu rheoliadau llymach ar gyfer gwneud yn iawn am fethiant oherwydd gofynion Cyrff Proffesiynol/Noddi..

** Lle mae cydnabyddiaeth o ddysgu blaenorol wedi'i derbyn, ni fyddai cymwysterau ymadael yn cael eu dyfarnu fel arfer. 

7.2

Ni fydd Tystysgrif Ôl-raddedig mewn pwnc a enwir yn cael ei dyfarnu ar ôl i ymgeisydd gwblhau modiwlau sy’n cynnig o leiaf 60 o gredydau ar lefel 7 oni bai fod cyfanswm y modiwlau perthnasol yn gwneud rhaglen a gymeradwywyd. Bydd Bwrdd perthnasol y Brifysgol yn cymeradwyo rhaglen dystysgrif dan y rheoliad hwn.

8.1

Cwblheir pob ymgeisyddiaeth trwy gyflwyno darn neu ddarnau o ddysgu annibynnol dan gyfarwyddyd, a chymeradwyo'r fath waith gan yr arholwyr.

9.1

Ar gyfer pob ymgeisyddiaeth, bydd y Gyfadran/Ysgol yn cymeradwyo un goruchwyliwr.

9.2

Bydd ymgeiswyr yn cael eu goruchwylio yn unol â'r Polisi Goruchwylio ar gyfer Myfyrwyr Meistr ôl-raddedig a Addysgir.

10.1

Cynigion i fod yn ymarferol o ran yr amserlen a'r adnoddau sydd ar gael ac i'w dyrannu i oruchwylwyr ag arbenigedd addas.

10.2

Dylid caniatáu digon o amser i oruchwylwyr gyflawni eu dyletswyddau, yn enwedig lle mae'r garfan yn fawr.

10.3

Dilynir canllawiau'r Cyngor Ymchwil, lle y bo'n briodol, mewn perthynas â’r cyfleusterau sydd ar gael (gofod astudio, llyfrgell, amgylchedd ymchwil priodol, ac ati).

10.4

Canllawiau ysgrifenedig i'w cyhoeddi o ran presenoldeb/cyfranogiad, fframweithiau ar gyfer cyfarfodydd a disgwyliadau cyffredinol, yn unol â'r Polisi Goruchwylio ar gyfer Myfyrwyr Meistr ôl-raddedig a Addysgir.

10.5

Dylid monitro'r broses o weithredu'r holl ganllawiau o'r fath yn rheolaidd.

10.6

Os oes angen help ychwanegol ar ymgeiswyr gyda sgiliau iaith, dylid darparu'r cyngor hwn fel gwasanaeth ar wahân i ddyletswyddau'r goruchwyliwr.

10.7

Mecanwaith i fod ar waith lle gall ymgeisydd ofyn am newid goruchwyliwr, a lle mae aelod arall o staff ar gael pe bai unrhyw oruchwyliwr yn absennol am gyfnod hir o amser.

10.8

Mae nifer yr ymgeiswyr a ddyrennir i oruchwyliwr yn golygu y bydd ganddo/ganddi'r gallu i gyflawni'r cyfrifoldebau a nodir yn Adran 11.

11.1

Dylid rhoi cyngor ac arweiniad i’r ymgeisydd gan geisio hwyluso’r broses o gynhyrchu darn o waith sydd o’r safon ofynnol ar gyfer gradd Meistr a Addysgir.

11.2

Dylai’r cynnig fod o fewn maes arbenigedd y goruchwyliwr, dylid diffinio’r testun a ddewisir mewn ymgynghoriad â’r ymgeisydd, a dylai’r testun gael ei gymeradwyo gan y Gyfadran/Ysgol.

11.3

Dylai fod modd cwblhau’r gwaith a gynigir o fewn y cyfnod a bennir.

11.4

Dylid cytuno ar amserlen ar gyfer cyflwyno gwaith gyda'r Gyfadran/Ysgol.

11.5

Dylid cynnal o leiaf tri chyfarfod yn unol â'r Polisi Goruchwylio ar gyfer Myfyrwyr Meistr Ôl-raddedig a Addysgir.

11.6

Dylid cytuno cofnod o bob cyfarfod o'r fath gyda'r myfyriwr, gan gynnwys dyddiadau, camau gweithredu a gytunwyd, a dyddiadau cau a bennwyd. Dylai'r myfyriwr gadw'r cofnod a'i gyflwyno i'r Gyfadran/Ysgol wrth gyflwyno'r gwaith.

11.7

Dylai gwaith gael ei ddychwelyd yn unol â’r dyddiadau cau a nodwyd, a dylid rhoi sylwadau adeiladol arno.

11.8

Rhoddir sesiwn adborth i unrhyw fyfyriwr sy’n methu yn ogystal â chaniatâd y Bwrdd Dilyniant a Dyfarniadau i ailgyflwyno’r gwaith.

12.1

Yn anad dim, dylai’r gwaith a gynhyrchir fod yn waith yr ymgeisydd ei hun, er ei fod wedi’i gyflawni â chyngor ac arweiniad gan y goruchwyliwr.

12.2

Dylid cytuno ar amserlen ar gyfer cyflwyno gwaith gyda Chyfadran/Ysgol cartref yr ymgeisydd.

12.3

Disgwylir i fyfyrwyr amser llawn fod yn bresennol yn Abertawe yn ystod y rhaglen gyfan (gweler pwynt 1.3 o'r Polisi Goruchwylio ar gyfer Myfyrwyr Meistr Ôl-raddedig a Addysgir Prifysgol Abertawe). 

12.4

Dylid mynychu o leiaf tri chyfarfod yn unol â'r Polisi Goruchwylio ar gyfer Myfyrwyr Meistr Ôl-raddedig a Addysgir.

12.5

Dylid cadw cofnod gofalus o bob cyfarfod ffurfiol, a fydd yn cynnwys dyddiadau, y camau gweithredu y cytunwyd arnynt a’r dyddiadau cau a bennwyd, a dylai’r goruchwyliwr a’r ymgeisydd gytuno'r cofnod hwnnw. Yn unol â’r Polisi Goruchwylio ar gyfer Myfyrwyr Meistr Ôl-raddedig a Addysgir, dylid cyflwyno copi o’r cofnod hwn i’r Gyfadran/Ysgol pan gaiff y gwaith ei gyflwyno.

12.6

Dylid cysylltu â’r goruchwylwyr os tybir bod angen cyfarfodydd ychwanegol.

12.7

Dylid cwblhau’r gwaith o fewn y fframwaith y cytunwyd arno, a dylid ysgrifennu cyn gynted ag y bo modd at y goruchwyliwr i’w hysbysu am unrhyw broblem sy’n ymwneud â chyflwyno gwaith yn hwyr (neu gyflwyno gwaith anfoddhaol).

13.1

Bydd gan bob Bwrdd Arholi ar gyfer graddau Meistr ôl-raddedig a Addysgir Gadeirydd a fydd yn gyfrifol am sicrhau bod y gweithdrefnau gweinyddol cywir ar gyfer cyflwyno ac arholi’r gwaith yn cael eu dilyn.

13.2

Caiff yr holl waith ei farcio gan ddau aelod mewnol o staff, a dylai goruchwyliwr yr ymgeisydd hwnnw fod yn un ohonynt, fel arfer. Serch hynny, mewn rhai amgylchiadau efallai na fydd yn briodol i’r Goruchwyliwr fod yn farciwr.

13.3

Diffinnir rôl yr Arholwr Allanol yng Nghôd Ymarfer Arholi Allanol Prifysgol Abertawe.

13.4

Fodd bynnag, os yw’n amhosibl penodi dau farciwr mewnol, dylai’r Gyfadran/Ysgol dalu marciwr allanol i fod yn ail farciwr a dylid gofyn i’r Arholwr Allanol wirio bod safoni wedi digwydd.

13.5

Er ei bod yn arferol i’r un Arholwr Allanol arholi ymgeisydd ar gyfer y rhaglen, gellir penodi arholwr annibynnol i arholi’r gwaith os oes angen gwybodaeth arbenigol.

13.6

Gall Cyfadrannau/Ysgolion ddewis defnyddio rheoliadau samplu os ceir mwy na 10 o ymgeiswyr. Mae’r rheoliadau samplu fel a ganlyn:

• O leiaf 10% o gyfanswm y darnau o waith (lleiafswm o 5) gan gynnwys o leiaf un darn o bob dosbarth (Llwyddo, Teilyngdod, Rhagoriaeth, lle y bo’n briodol). Yn ogystal â hyn, rhaid anfon pob darn o waith a fethwyd at yr Arholwr Allanol.

13.7

Caiff y marciau eu cymeradwyo yn ystod y Byrddau Arholi (Bwrdd Dilyniant a Dyfarniadau'r Brifysgol a'r Gyfadran/Ysgol).

13.8

Gweler y Côd Ymarfer ar gyfer Arholi Allanol am fanylion y weithdrefn ar gyfer ymdrin ag anghydfod neu anghytundeb.

14.1

Rhaid cynnal dysgu annibynnol dan gyfarwyddyd yn unol â gofynion y Brifysgol. Gall Cyfadrannau/Ysgolion ddewis un o'r opsiynau canlynol:

• Derbyn copi electronig o'r gwaith.
• Derbyn dau gopi wedi’u rhwymo’n feddal a chopi electronig.

Rhaid i Gyfadrannau/Ysgolion roi gwybod i fyfyrwyr am y dull cyflwyno yn Llawlyfr y Gyfadran/Ysgol.

Bydd pob copi yn cynnwys:

• Datganiad ei fod yn cael ei gyflwyno i gyflawni'r gofynion ar gyfer y radd yn rhannol.
• Crynodeb o'r gwaith heb fod yn fwy na 300 gair o hyd.
• Datganiad, a lofnodwyd gan yr ymgeisydd, sy'n dangos i ba raddau y mae'r gwaith a gyflwynir yn ganlyniad gwaith ymchwil yr ymgeisydd ei hun. Bydd troednodiadau'n cydnabod ffynonellau eraill gan roi geirdaon penodol. Dylid atodi llyfryddiaeth lawn i'r gwaith.
• Datganiad, a lofnodwyd gan yr ymgeisydd, i ardystio nad yw'r gwaith eisoes wedi'i dderbyn mewn sylwedd ar gyfer unrhyw radd, ac nad yw'n cael ei gyflwyno ar yr un pryd mewn ymgeisyddiaeth ar gyfer unrhyw radd.
• Datganiad wedi'i lofnodi ynghylch argaeledd y gwaith.

14.2

Bydd cyfarwyddiadau manwl ar gyflwyno gwaith ar gael i ymgeiswyr yn y Rheoliadau Academaidd. 

14.3

Bydd cyflwyno dysgu annibynnol dan gyfarwyddyd yn cael ei ddiffinio fel cyflwyno darn neu ddarnau o waith a gyflwynir yn unol â'r gofynion a bennir o dan gyflwyno dysgu annibynnol dan gyfarwyddyd (uchod) a dylent hefyd fodloni'r gofynion (fformat, terfynau geiriau, etc.) a bennir gan y Gyfadran/Ysgol. Bydd gan Gyfadran/Ysgol y disgresiwn i benderfynu a yw cyflwyniad yn methu â bodloni'r gofynion hyn. 

14.4

Fel arfer, y dyddiadau ar gyfer cyflwyno'r darn neu ddarnau o ddysgu annibynnol dan gyfarwyddyd fydd: 

*bydd rhaglenni sydd â strwythur annodweddiadol yn nodi'r dyddiad ar gyfer cyflwyno'r darn neu ddarnau o ddysgu annibynnol dan gyfarwyddyd. 

14.5

Gall Cyfadran/Ysgol bennu dyddiad cau cynharach ar gyfer cyflwyno, y mae'n rhaid ei argraffu yn llawlyfr y Gyfadran/Ysgol.

14.6

Bydd yn ofynnol i ymgeiswyr a ymunodd â'r Brifysgol sy'n methu â chyflwyno eu gwaith erbyn y dyddiad cau dynnu'n ôl o'r Brifysgol a dyfernir Diploma Ôl-raddedig iddynt fel dyfarniad ymadael.

Ni ddyferir Diploma Ôl-raddedig lle mae cyfran sylweddol o gydnabyddiaeth o ddysgu blaenorol wedi'i derbyn (gweler S10).

14.7

Mae cyfnod ymgeisyddiaeth hiraf posibl wedi’i bennu ar gyfer pob gradd (fel yr amlinellir uchod). Mae'r cyfnod hwyaf wedi'i gynllunio i alluogi ymgeiswyr y torrwyd ar draws eu hastudiaethau am ba reswm bynnag wrth gwblhau eu gradd. Rhaid i ymgeiswyr anelu at gwblhau eu rhaglen erbyn y terfynau amser fel y nodir yn Rheoliad 3 uchod. Bydd ymgeisyddiaeth yn dod i ben (a thrwy hynny ni chynhelir arholiad) os na chaiff y rhaglen ei chwblhau o fewn terfynau amser y Brifysgol a amlinellir yn Rheoliad 3.

15.1

Os nad yw'r darn/darnau o ddysgu annibynnol dan gyfarwyddyd yn cael ei dderbyn/derbyn gan yr arholwyr erbyn y dyddiad cau a bennwyd, gellir caniatáu i'r ymgeisydd ei ailgyflwyno unwaith yn unig o fewn y terfynau amser canlynol:

*Os yw'r dysgu annibynnol dan gyfarwyddyd wedi'i rannu'n fodiwlau sy'n dod i gyfanswm o lai na 60 credyd, gall Cyfadrannau/Ysgolion osod cyfnodau ailgyflwyno byrrach. Bydd hyn yn cael ei wneud yn glir i fyfyrwyr yn llawlyfr y Gyfadran/Ysgol.

15.2

Bydd ffi yn daladwy i'r Brifysgol am yr ail-arholiad a bydd y marc yn cael ei gapio.

15.3

Dylid rhoi adborth ysgrifenedig i fyfyrwyr sy'n ailgyflwyno ar y rhesymau dros fethu yn syth ar ôl i Fwrdd Dilyniant a Dyfarnu'r Brifysgol gadarnhau'r canlyniad. Dylai Cyfadrannau/Ysgolion sicrhau bod yr adborth yn adlewyrchu holl sylwadau'r Arholwyr (Mewnol ac Allanol) a bod y myfyriwr yn cael gwybod am y newidiadau angenrheidiol sydd eu hangen.

15.4

Dim ond mân newidiadau i deitl eu gwaith gyda chaniatâd eu Goruchwyliwr y caniateir i fyfyrwyr sy'n ailgyflwyno eu gwneud. Ni ddylai newidiadau o'r fath ofyn am unrhyw ymchwil wreiddiol pellach.

15.5

Bydd y rhai sy'n ailgyflwyno eu gwaith yn cael eu hystyried yn fyfyrwyr allanol. Fel arfer, ni fydd disgwyl i fyfyrwyr o'r fath fod yn bresennol yn Abertawe yn ystod y cyfnod ailgyflwyno. Gall myfyrwyr y mae'n ofynnol iddynt fod yn bresennol yn Abertawe yn ystod y cyfnod ailgyflwyno gyflwyno achos i'r Gwasanaethau Cydymffurfiaeth Myfyrwyr a rhaid iddynt gael eu cefnogi gan y Deon Gweithredol neu ei enwebai.

16.1

Caiff ymgeisydd gyhoeddi’r gwaith cyfan neu ran o’r gwaith a gynhyrchwyd yn ystod ei gyfnod cofrestru yn y Brifysgol. Gall ymgeisydd gyhoeddi’r gwaith cyn ei gyflwyno yn ei gyfanrwydd neu'n rhannol, ar yr amod na nodir yn unrhyw le yn y gwaith a gyhoeddir ei fod yn cael ei ystyried ar gyfer gradd uwch. Caiff y fath waith ei ymgorffori wedyn yn y darn o ddysgu annibynnol dan gyfarwyddyd a gyflwynir i'w arholi.

17.1

Er gwaethaf y darpariaethau yn y rheoliadau sy’n ymwneud ag argaeledd dysgu annibynnol dan gyfarwyddyd, gall y Brifysgol gael caniatâd, ar sail argymhelliad arbennig a gymeradwyir gan y Deon Gweithredol yr ymgeisydd neu ei enwebai, i atal unrhyw un rhag llungopïo a/neu gael mynediad at waith ymgeisydd am gyfnod o hyd at bum mlynedd. Cyfrifoldeb goruchwyliwr yr ymgeisydd fydd cyflwyno cais priodol i'r Deon Gweithredol cyn gynted ag y bo’n rhesymol ymarferol. Byddai’r gwaharddiad hwn hefyd yn berthnasol i aelodau’r Brifysgol.

17.2

Dylai’r crynodeb a’r teitl fod ar gael yn ddirwystr.

17.3

Mae'n rhaid i unrhyw argymhelliad am wahardd mynediad gael ei gyflwyno i'r Deon Gweithredol neu enwebai ar ôl i oruchwyliwr ymgeisydd roi ystyriaeth i'r mater. Cyfrifoldeb y goruchwyliwr fydd cyflwyno’r cais cyn gynted ag y bo’n rhesymol ymarferol. Rhaid i’r argymhelliad gynnwys datganiad ynghylch y rhesymau dros wneud y cais. Gwneir y rhan fwyaf o’r ceisiadau hyn ar sail sensitifrwydd masnachol yr ymchwil, a allai fod wedi’i noddi’n rhannol gan gorff masnachol neu ddiwydiannol.

17.4

Pan ganiateir gwahardd mynediad, dylid hysbysu goruchwyliwr yr ymgeisydd. Yn achos gwaith y tybir ei fod yn berthnasol i Gymru, bydd y Gyfadran/Ysgol yn hysbysu llyfrgellydd Llyfrgell Genedlaethol Cymru o’r ffaith y dylid atal mynediad at y gwaith am gyfnod penodedig.

17.5

Tybir y bydd y penderfyniad i atal mynediad yn dod i rym cyn gynted ag y bydd y gwaith wedi’i gyflwyno, ond caiff y cyfnod a gymeradwywyd ei gyfrifo o’r dyddiad y caiff yr ymgeisydd ei hysbysu’n ffurfiol gan y Brifysgol am y ffaith ei fod yn gymwys i ennill gradd.

17.6

Pan gaiff gwaith ei gyflwyno, bydd yn ofynnol i ymgeisydd gynnwys datganiad wedi’i lofnodi ynddo a fydd yn dangos:

• Bod y gwaith, os yw’n llwyddiannus, yn gallu bod ar gael ar gyfer benthyciad rhwng llyfrgelloedd neu i’w lungopïo (yn unol â’r ddeddf hawlfraint), ac y gellir darparu’r teitl a’r crynodeb ar gyfer sefydliadau allanol; neu
• Y daw’r gwaith, os yw’n llwyddiannus, ar gael felly ar ddiwedd cyfnod y rhwystr.

18.1

Bydd y Byrddau Arholi canlynol yn cyfarfod i asesu ymgeiswyr:

18.2

Ceir manylion pellach ynghylch cyfansoddiad, rôl a chyfrifoldebau Byrddau Arholi yn y Rheoliadau Asesu ar gyfer Dyfarniadau Ôl-raddedig a Addysgir.

19.1

Dylai’r Gyfadran/Ysgol gadw un copi o’r gwaith am o leiaf dwy flynedd. Pan fydd ymgeisydd wedi cyflwyno dau gopi â rhwymiad meddal, dylai'r copi arall fod ar gael i'r ymgeisydd ei gasglu, oni fernir bod y cynnwys yn berthnasol i Gymru, ac yn yr achos hwnnw dylid ei gadw yn Llyfrgell y Brifysgol.