Cyfadran y Dyniaethau a'r Gwyddorau Cymdeithasol

Mae gan ein Cyfadran bedair Ysgol, gyda chwe Adran:

• Yr Ysgol Diwylliant a Chyfathrebu (Gan gynnwys yr Adran Hanes, Treftadaeth a'r Clasuron a'r Adran Llenyddiaeth, Cyfryngau ac Iaith).
• Yr Ysgol Reolaeth
• Yr Ysgol y Gyfraith Hillary Rodham Clinton
• Yr Ysgol y Gwyddorau Cymdeithasol (Gan gynnwys yr Adran Troseddeg, Cymdeithaseg a Pholisi Cymdeithasol, yr Adran Economeg, yr Adran Addysg ac Astudiaethau Plentyndod a'r Adran Gwleidyddiaeth, Athroniaeth a Chysylltiadau Rhyngwladol).

Mae ein Cyfadran yn gartref i gymuned groesawgar a chynhwysol sy'n dilyn ysgolheictod, ymchwil ac arloesedd sydd o fudd i gymdeithas. Rydym yn hyrwyddo profiad myfyriwr sy'n galluogi ein myfyrwyr i ddod yn ddinasyddion byd-eang medrus, cymdeithasol ymwybodol. Rydym yn gwneud cyfraniad sylweddol i waith cenhadaeth ddiwylliannol a dinesig y Brifysgol, ac rydym wedi ymrwymo i hyrwyddo ein hiaith a'n diwylliant Cymraeg.

Cymorth a Chyngor Myfyrwyr - studentsupport-cultureandcom@swansea.ac.uk

Cymorth a Chyngor Myfyrwyr - solsupport@swansea.ac.uk

Pennaeth yr Ysgol - Alison Perry

Cymorth a Chyngor Myfyrwyr - somsupport@swansea.ac.uk

Pennaeth yr Ysgol - Yr Athro Paul Jones

Cymorth a Chyngor Myfyrwyr - studentsupport-socialsciences@swansea.ac.uk

Fel Pennaeth yr Ysgol Diwylliant a Chyfathrebu, mae'n bleser gennyf dy groesawu i Brifysgol Abertawe. Fel tîm o staff academaidd a gweinyddol, rydym ni i gyd yn edrych ymlaen at gwrdd â thi a dy helpu i ymgartrefu yma yn Abertawe. 

Bydd yr ychydig wythnosau nesaf yn llawn cyfleoedd a heriau wrth iti gwrdd â dy ddarlithwyr, ymgyfarwyddo â dy bynciau academaidd, ymuno â chlybiau a chymdeithasau a dechrau meithrin cyfeillgarwch a fydd yn para am weddill dy fywyd.   Rydym yma i ateb dy gwestiynau a gwneud iti deimlo'n gartrefol. Rwy'n dymuno pob llwyddiant iti dros yr wythnosau a'r blynyddoedd nesaf ac edrychaf ymlaen at dy gyflawniadau fel rhan o'r Ysgol Diwylliant a Chyfathrebu. 

Dr Sian Rees, Pennaeth yr Ysgol Diwylliant a Chyfathrebu  

Rwy’n falch iawn i estyn croeso cynnes iawn ichi I Ysgol y Gyfraith Hillary Rodham Clinton, yma ym Mhrifysgol Abertawe. Mae gan Ysgol y Gyfraith yn gymuned academaidd lewyrchus efo myfyrwyr yn ganolog iddi. Ein nod yw cynnig addysg gyfreithiol o’r safon uchaf, gan arfogi ein graddedigion efo sgiliau a phrofiad, ynghyd a dealltwriaeth gyfreithiol gadarn. Yn ystod eich astudiaethau gradd byddwch yn cael cyfle i gymryd rhan mewn llwyth o weithgareddau o fewn a thu allan i’r cwricwlwm.

Yn eich wythnosau cyntaf gyda ni allwch ddisgwyl cwrdd â’r timau gwasanaeth academaidd a phroffesiynol a fydd eich cefnogi trwy’ch astudiaethau. Yn benodol, byddwch yn cwrdd â’ch mentor academaidd a’n rôl yw darparu cyngor, arweiniad a chefnogaeth wrth i chi symud ymlaen trwy’ch astudiaethau gradd. Gobeithio eich bod chi mor gyffrous â ni, wrth i ni baratoi ar gyfer y flwyddyn academaidd Newydd. Edrychaf ymlaen at groesawu ein holl fyfyrwyr Newydd I’n cymuned yn Ysgol y Gyfraith. Welwn ni chi yn yr Wythnos Croeso!

Alison Perry, Pennaeth yr Ysgol y Gyfraith Hillary Rodham Clinton

Fel Pennaeth yr Ysgol Reolaeth, mae’n bleser gennyf eich croesawu chi i Brifysgol Abertawe. Fel tîm o staff academaidd a gweinyddol, mae pob un ohonom yn edrych ymlaen at gyfarfod â thi a dy helpu i ymgartrefu yma yn Abertawe.  

Bydd yr wythnosau nesaf yn llawn cyfleoedd a heriau wrth i ti gwrdd â dy ddarlithwyr, ymgyfarwyddo â dy bynciau academaidd, ymuno â chlybiau a chymdeithasau, a gwneud ffrindiau a fydd yn aros gyda thi am weddill dy fywyd. Rydyn ni yma i ateb dy gwestiynau ac i dy helpu i ymgartrefu. Dymunaf bob llwyddiant i thi dros yr wythnosau, y misoedd, a’r blynyddoedd nesaf ac edrychaf ymlaen at dy gyflawniadau fel rhan o’n Hysgol ni. 

Yr Athro Paul Jones, Pennaeth yr Ysgol Reolaeth 

Ar ran yr holl staff, mae'n bleser gennyf eich croesawu i Ysgol y Gwyddorau Cymdeithasol. Rydym yn hyderus y byddwch yn cytuno a ni bod yr Ysgol yn amgylchedd croesawgar sy'n cyfoethogi bywydau myfyrwyr, lle byddwch yn ffynnu wrth i chi symud ymlaen drwy eich astudiaethau. Mae eich rhaglen wedi cael ei llunio'n ofalus i'ch herio chi ond hefyd i’ch arfogi â sgiliau a gwybodaeth gydol oes a fydd yn eich paratoi ar gyfer y cyfleoedd o'ch blaenau yn eich gyrfaoedd yn y dyfodol.

Byddwch yn ymuno â chymuned fywiog o wyddonwyr cymdeithasol ac rydym wir yn gobeithio, beth bynnag fydd disgyblaeth eich pwnc, y byddwch yn gwneud ffrindiau a chysylltiadau gydol oes sy'n dangos yr effaith y gall y gwyddorau cymdeithasol ei chael ar gymdeithas.

Rwy'n edrych ymlaen yn fawr at gwrdd â chi i gyd yn yr Wythnos Groeso a'ch cyflwyno i'r staff academaidd a gwasanaethau proffesiynol gwych a fydd yn eich cefnogi yn ystod eich astudiaethau.

Yr Athro Ryan Murphy, Pennaeth yr Ysgol y Gwyddorau Cymdeithasol