Wi-Fi a Thrwydded Deledu

Dylai preswylwyr Campws y Bae gysylltu â'r rhwydwaith Wifinity.

Cyfeiriwch at y canllaw hwn ar sut i gofrestru ynghyd â manylion cyswllt y tîm cymorth.

1. Agorwch eich porwr gwe a byddwch yn gweld y dudalen fewngofnodi ar gyfer Wifinity.
2. Cliciwch ar y botwm "Creu cyfrif", rhowch eich manylion a dewiswch eich math o ddyfais.
3. Ar ôl cofrestru, gwnewch nodyn o'ch enw defnyddiwr a'ch cyfrinair.
4. Byddwch yn dychwelyd i dudalen fewngofnodi Wifinity. Defnyddiwch eich enw defnyddiwr a'ch cyfrinair newydd i gael mynediad i’r rhyngrwyd.

Eduroam yw Rhwydwaith Diwifr y Brifysgol, ac mae'n gweithio ar ystod eang o ddyfeisiau.

Dylid defnyddio Eduroam bob tro y byddwch yn cysylltu â’r rhyngrwyd, ac eithrio pan fyddwch yn defnyddio dyfeisiau gemau fideo a dyfeisiau’r rhyngrwyd pethau (defnyddiwch SwanseaUni-Play ar gyfer y rhain).

Mae'n ofynnol i ddefnyddwyr gofrestru pob dyfais er mwyn gallu defnyddio'r rhwydwaith. Cysylltwch â’r rhwydwaith ‘SwanseaUni-Setup’ i ddechrau’r broses.

Eich enw defnyddiwr yw eich cyfeiriad e-bost (e.e. 1234567@swansea.ac.uk). Eich cyfrinair yw'r un rydych eisoes yn ei ddefnyddio i gael mynediad i MyUni, e-byst, y fewnrwyd, ac ati. Os nad oes gennych gyfrinair, y cyfrinair diofyn fyddai cyfuniad o'ch rhif myfyriwr a'ch dyddiad geni yn y fformat rhif myfyriwr/dd/mm/bbbb.

Os ydych chi'n profi anawsterau technegol, cyflwynwch gais am gymorth drwy'r Ddesg Wasanaeth TG neu e-bostiwch customerservice@abertawe.ac.uk.

• I gysylltu â'r WiFi, ymunwch â rhwydwaith true student.

• Cyflymder y cysylltedd diwifr yw hyd at 50Mbp y ddyfais, a hyd at 100Mbp ar gyfer cysylltedd gwifredig.

• Er mwyn sicrhau nad oes dyfeisiau anweithredol wedi'u cysylltu â'r rhwydwaith, bydd y system yn gofyn i chi ailgysylltu bob 30 niwrnod.

• Os oes angen help arnoch i gysylltu dyfais, cysylltwch â'r tîm am gymorth.