| Trosolwg | |
|---|---|
 |
Myfyrwyr nad yw'r Saesneg yn iaith gyntaf iddynt |
 |
10 awr adferf |
Mae'r cwrs hwn wedi gorffen am y tymor hwn. Gwiriwch eto ar ddiwedd mis Medi am ddyddiadau'r tymor nesaf.
Mae'r cwrs hwn yn addas ar gyfer myfyrwyr nad Saesneg yw eu iaith gyntaf. Bydd yn eich helpu i wella'ch gramadeg sylfaenol cyn i chi ysgrifennu'ch aseiniadau. Mae'r cwrs hwn yn ymdrin â meysydd hanfodol gramadeg Saesneg, megis defnyddio'r llais fynegol/oddefol a strwythur sylfaenol brawddegau i helpu i wella cywirdeb eich ysgrifennu.
Mae’r cwrs hwn a addysgir hefyd ar gael fel cwrs astudio annibynnol ar Canvas. Am ragor o wybodaeth ewch i dudalen e-Ddysgu’r cwrs.
Gwybodaeth: Mae modiwlau sy'n cario'r cod UG yn fodiwlau dwyn credyd. Golyga hyn y bydd cwblhau'r modiwlau hyn yn llwyddiannus trwy fynychu 80% o'r cwrs, yn ymddangos ar eich Adroddiad Cyflawniad Addysg Uwch (HEAR).
Maes Llafur
Mae'r cwrs hwn yn cynnwys y sesiynau awr ar-lein canlynol:
SESIWN UN: Rhannau Ymadrodd
Rhannau ymadrodd yw’r gwahanol fathau o eiriau sy’n creu ein lleferydd a’n hysgrifennu. Maent fel blociau adeiladu cyfathrebu. Mae’n ddefnyddiol gwybod y rhannau ymadrodd a deall sut maent yn gweithio ar y cyd er mwyn helpu i adeiladu brawddegau da.
AR-LEIN TRWY ZOOM
Iau 3ydd Chwef. 2022, 13:00-14:00
SESIWN DAU: Trefn Geiriau
Bydd gwahanol ieithoedd yn trefnu geiriau mewn ffyrdd gwahanol i’r Saesneg. Diben y wers hon yw amlinellu sut i drefnu geiriau a chynnig cyfle i ymarfer hyn mewn brawddegau.
AR-LEIN TRWY ZOOM
Iau 10fed Chwef. 2022, 13:00-14:00
SESIWN TRI: Cysyllteiriau
Diben y wers hon yw'ch helpu i ymgyfarwyddo â chysyllteiriau a'r ffyrdd posib y gellir eu defnyddio, gan eich galluogi i wella llif eich ysgrifennu a'ch iaith.
AR-LEIN TRWY ZOOM
Iau 17eg Chwef. 2022, 13:00-14:00
SESIWN PEDWAR: Geiriau Pontio
Bydd y wers hon yn canolbwyntio ar adferfau a geiriau ac ymadroddion pontio, gydag enghreifftiau o'u swyddogaeth ac ymarferion i ddysgu sut i ddefnyddio ac adnabod pob un ohonynt. Byddwn yn ystyried eu strwythurau a’r dulliau posib y gellir eu defnyddio, gan eich galluogi i wella eich gramadeg a llif eich ysgrifennu a'ch iaith.
AR-LEIN TRWY ZOOM
Iau 24ain Chwef. 2022, 13:00-14:00
SESIWN PUMP: Brawddegau a Chymalau Amodol
Yn aml defnyddir brawddegau amodol mewn ysgrifennu academaidd at ddiben dyfalu neu wneud argymhellion. Mae'r wers hon yn ystyried y ffyrdd gwahanol y gellir llunio a defnyddio brawddegau a chymalau amodol.
AR-LEIN TRWY ZOOM
Iau 3ydd Mawrth 2022, 13:00-14:00
SESIWN CHWECH: Cymalau Perthynol
Math o is-gymal yw'r cymal perthynol ac mae'n ychwanegu gwybodaeth ychwanegol am enw neu ymadrodd enwol. Maent yn helpu i wneud ein hysgrifennu a'n hiaith yn fwy rhugl. Diben y wers hon yw'ch helpu i ymgyfarwyddo â chymalau perthynol. Byddwn yn ystyried eu strwythurau a'r ffyrdd posib y gellir eu defnyddio.
AR-LEIN TRWY ZOOM
Iau 10fed Mawrth 2022, 13:00-14:00
SESIWN SAITH: Amserau mewn Ysgrifennu Academaidd
Bydd angen i chi ddefnyddio ystod o amserau i gyfathrebu'n effeithiol wrth gwblhau eich aseiniadau. Fodd bynnag, mewn ysgrifennu academaidd, defnyddir rhai amserau’n amlach nag eraill. Y rhain fydd prif ganolbwynt y wers hon, er y byddwn hefyd yn edrych yn gyflym ar ble y gallech ddefnyddio amserau eraill hefyd.
AR-LEIN TRWY ZOOM
Iau 17eg Mawrth 2022, 13:00-14:00
SESIWN WYTH: Berfau Moddol
Mae'r wers hon yn ystyried Berfau Moddol; math o ferf ategol a ddefnyddir ar y cyd â'r prif ferfau i fynegi graddau o sicrwydd, gallu, neu i ddangos rhwymedigaeth a rhyddid i weithredu.
AR-LEIN TRWY ZOOM
Iau 24ain Mawrth 2022, 13:00-14:00
SESIWN NAW: Y Goddefol
Yn aml defnyddiwn y goddefol mewn ysgrifennu academaidd. Bydd y wers hon yn ystyried sut mae'r goddefol yn cael ei ffurfio, a pham ac ym mhle mae'n cael ei ddefnyddio mewn ysgrifennu academaidd.
AR-LEIN TRWY ZOOM
Iau 31ain Mawrth 2022, 13:00-14:00
SESIWN DEG: Cymalau
Diben y wers hon yw'ch helpu i ddeall sut a phryd i ddefnyddio cymalau’n gywir. Gwallau o ran cymalau yw’r gwallau mwyaf cyffredin a wneir gan ddysgwyr iaith. Mae hyn yn aml yn deillio o'r ffaith nad oes rhywbeth sy'n cyfateb iddynt yn iaith gyntaf y myfyriwr.
AR-LEIN TRWY ZOOM
Iau 7fed Ebrill 2022, 13:00-14:00