Newid Byd

Gellir disgrifio ysgytwad diwylliannol fel:-

'Cymysgedd o emosiynau wrth symud i amgylchedd diwylliannol newydd'

Mae'r teimladau o golled, straen, pryder a diffyg rheolaeth i gyd yn deillio o'r her o wynebu amgylchedd diwylliannol newydd.

Gall fod yn gysylltiedig â newidiadau eithriadol. Peidiwch â phoeni gall hyn gael ei brofi yn nes at gartref e.e. wrth deithio i ran arall o'r ddinas yn eich mamwlad. Nid oes golygfeydd, seiniau nac aroglau cyfarwydd o'ch amgylch bellach. Gall pethau bychain eich ypsetio'n rhwydd

Beth sy'n achosi Ysgytwad Diwylliannol?

1. Symud o ddiwylliant cyfarwydd i un sy'n anghyfarwydd.

Gall sioc amgylchedd newydd a chwrdd â ffrindiau newydd beri straen a phryder i chi. Ond does dim angen poeni, mae bob amser ffyrdd gwahanol o wneud ffrindiau yn Abertawe. Gwnewch yn siŵr eich bod yn darllen yr awgrymiadau isod i'ch helpu.

Cael eich gwahanu oddi wrth eich teulu a'ch ffrindiau.

Pa ffactorau eraill sy'n gallu cyfrannu at Ysgytwad Diwylliannol?

Yr Iaith - os nad Saesneg yw'ch iaith gyntaf, gall ymddangos fod pobl yng Nghymru'n siarad yn gyflym iawn. Peidiwch ag ofni neu fod â chywilydd gofyn iddyn nhw ailadrodd rhywbeth. Os oes gwahaniaeth iaith, ceisiwch ddysgu ychydig o ymadroddion syml megis helo, diolch, ayyb
Yr Hinsawdd - mae llawer o fyfyrwyr yn cael anhawster wrth addasu i'r hinsawdd yn Abertawe, yn enwedig os ydynt wedi dod o wlad boeth. Ond peidiwch â phoeni, byddwch yn dysgu am batrymau'r tywydd Prydeinig yn fuan. Gwnewch yn siŵr eich bod yn barod am dywydd newidiol.
Y Bwyd - gall y bwyd flasu'n wahanol i'r hyn sy'n gyfarwydd i chi. Ond peidiwch â phoeni, mae bob amser yn dda rhoi cynnig ar bethau newydd.
Rolau Cymdeithasol - gall mathau o ymddygiad cymdeithasol eich drysu, eich synnu neu'ch tramgwyddo. Gall fod yn syndod i chi weld parau'n dal dwylo neu'n cusanu'n gyhoeddus.

Efallai y byddwch yn profi'r canlynol:-

• Tristwch ac unigrwydd
• Pen tost, poenau ac alergedd
• Diffyg cwsg neu’n cysgu gormod
• Dicter, iselder ysbryd, teimladau o fod yn ddiamddiffyn
• Delfrydu eich diwylliant eich hun
• Ymdrechu gormod i addasu drwy fagu obsesiwn â'r diwylliant newydd
• Problemau bach yn ymddangos yn llethol
• Teimladau llethol o hiraeth
• Teimlo ar goll neu wedi'ch drysu
• Amau eich penderfyniad i symud

Sut i'ch helpu eich hun

• Pethau cyfarwydd - Cadwch nifer o bethau cyfarwydd o'ch cwmpas i'ch helpu i deimlo'n gartrefol.
• Ymarfer Corff - Mae hyn yn ffordd wych o gadw'n iach ac o deimlo'n iach. Mae hefyd yn gyfle gwych i wneud ffrindiau. Mae digon o glybiau y gallwch ymuno â nhw. Yn ogystal mae gennym y gampfa y gallwch ei mynychu. Rhowch gipolwg ar amserlen gyfredol y dosbarthiadau ymarfer corff sydd ar gael ym Mhrifysgol Abertawe. Neu gall mynd am dro ar rai o'r traethau hyfryd sydd gennym yn Abertawe eich helpu i gadw'n iach.
• Gwneud ffrindiau - Bydd gwneud ffrindiau â myfyrwyr o wledydd gwahanol yn eich helpu i oresgyn ysgytwad diwylliannol. Byddant yn deall sut rydych yn teimlo, ac mae'n bosib eu bod nhw'n teimlo'r un fath â chi. Os nad oes gennych lawer yn gyffredin gyda'ch cyd-breswylwyr, peidiwch â phoeni, mae llawer o ffyrdd eraill o wneud ffrindiau.
• Bwyd - Efallai y bydd cyflenwr lleol yn gallu darparu bwydydd cyfarwydd. Gwnewch yn siŵr eich bod yn cadw'n iach ac yn bwyta digon o ffrwythau a llysiau.
• Cadw mewn cysylltiad - Diolch i dechnoleg heddiw, mae llawer o ffyrdd o gadw mewn cysylltiad â'ch anwyliaid gartref. Rhowch gynnig ar ddefnyddio Facebook, Skype, FaceTime a'r ffôn er enghraifft. Weithiau, gall fod yn anodd cadw perthynas i fynd wrth fyw oddi cartref. Ond nid oes unrhyw beth yn well na ffonio gartref i roi gwybod i bawb sut mae pethau'n mynd.

Cefnogaeth o fewn y Brifysgol

Cysylltiadau Lles y Coleg

Gallwch chi gysylltu â staff Gwybodaeth i Fyfyrwyr / Profiad Myfyrwyr y Coleg sy’n gallu cynnig cyngor ymarferol, arweiniad, a’ch cyfeirio chi i wasanaethau perthnasol. Gallant hefyd drafod y broses amgylchiadau esgusodol â chi pe bai angen i chi ei defnyddio. Mae rhestr manylion cyswllt ar gyfer staff Gwybodaeth / Profiad y Coleg ar gael yma.
Gallwch chi ddysgu mwy am y broses amgylchiadau esgusodol yma. 

Gwasanaeth Gwrando 

Mae gwasanaeth gwrando Ffydd@BywydCampws yn cynnig clust i bawb – beth bynnag yw’ch crefydd, neu ddim crefydd. Cynhelir y sgyrsiau hyn dros y ffôn neu drwy alwad fideo, beth bynnag sy’n well gennych chi. Os hoffech chi siarad ag aelod penodol o’r tîm, nodwch yr enw wrth gysylltu. I gyrchu’r gwasanaeth hwn, e-bostiwch Listeningservice.campuslife@abertawe.ac.uk 

Lles

Mae gwasanaeth Lles Prifysgol Abertawe yn cynnig arweiniad a chymorth iechyd meddwl a Chyflwr Sbectrwm Awtistiaeth (ASC) i fyfyrwyr: mae hyn yn cynnwys cymorth un i un gydag ymarferwyr iechyd meddwl ac awtistiaeth, mentoriaid a chynghorwyr, addasiadau academaidd ac adnoddau a chyrsiau hunan-gymorth. Gallwch chi weld yr ystod o gymorth sydd ar gael yma. Gallwch chi hefyd ofyn am gymorth drwy lenwi’r Ffurflen Cais am Gymorth Lles. Gallwch chi gysylltu â’r Gwasanaeth Lles drwy e-bostio wellbeingdisability@abertawe.ac.uk 

Cefnogaeth Allanol

Y Samariaid

Os oes angen gwybodaeth arnoch chi neu os ydych chi’n pryderu am rywbeth neu’n teimlo’n ypset neu’n ddryslyd, neu os hoffech chi siarad â rhywun, mae’r SAMARIAID yn cynnig cymorth emosiynol cyfrinachol, 24 awr y dydd. Cysylltwch â’r Samariaid drwy e-bost neu yn www.samaritans.org neu drwy ffonio (o’r Deyrnas Unedig) 08457 90 90 90 neu 116 123 oddi ar ffôn symudol. 

  UKCISA