Cysylltiadau brys

Dylech bob amser ffonio 999 pan fydd argyfwng, megis pan fo trosedd, pan fo rhywun dan amheuaeth o drosedd gerllaw, pan fo perygl i fywyd neu pan ddefnyddir trais neu caiff ei fygwth.

Pan fydd angen yr heddlu neu ambiwlans arnoch ar y campws, gallwch ffonio 333 o linell dir y campws, a bydd y tîm diogelwch yn eich cynorthwyo. Fel arall, gallwch gysylltu â diogelwch y Bae ar 01792 606010.

Pryd ddylwn i ddefnyddio 101?

Dylech ffonio 101 i adrodd am drosedd neu bryderon eraill nad oes angen ymateb brys arnynt. Er enghraifft:

• Os yw eich car wedi’i ddwyn
• Gwnaed difrod i’ch eiddo
• Rydych yn amau bod cyffuriau’n cael eu defnyddio neu eu cynnig yn eich ardal

Ysbyty Treforys, Heol Maes Eglwys, Treforys, Abertawe, SA6 6NL. Rhif ffôn +44 (0)1792 702222.
Mae’r adran yn cynnig cyfleuster 24 awr ar gyfer y dderbynfa, asesu, archwilio, trin a chyfeirio pob un sydd wedi bod mewn damwain, a chleifion sydd â salwch difrifol.

Swansea Bay University Health Board

Mân anafiadau

Gallwch ymweld ag Uned Mân Anafiadau Ysbyty Singleton ar gyfer unrhyw fân anafiadau. Dyma’r oriau agor:

Dydd Llun i ddydd Gwener o 8am – 6.30pm, ac o 8am – 1pm dros y penwythnosau a gwyliau banc.

Gallwch ddefnyddio’r uned mân anafiadau yn ysbyty Castell-nedd Port Talbot, Ffordd Baglan, Port Talbot, SA12 7BX y tu allan i’r oriau hyn, gan ei bod ar agor rhwng 7.30am a 11pm saith diwrnod yr wythnos.

Mae gwasanaethau gofal ar unwaith Ysbyty Singleton yn trin mân anafiadau brys neu salwch pan nad ydych yn gallu aros i weld eich meddyg teulu. Gall Ysbyty Singleton drin cyflyrau megis:

• Crafiadau, clwyfau a mân losgiadau  
• Anafiadau i’r llygad a’r glust nad ydynt yn treiddio
• Anafiadau i’r wyneb a’r gwddf (heb golli ymwybod)
• Anafiadau bach i’r gwddf (pan fo’r claf yn symudol ac nad oes ganddo binnau bach yn ei freichiau)

Brathiadau gan anifeiliaid a phobl

111 yw rhif y GIG ar gyfer achosion nad ydynt yn rhai brys. Mae'n gyflym, yn hawdd ac am ddim. Ffoniwch 111 a siaradwch ag ymgynghorydd hyfforddedig wedi'i gefnogi gan swyddogion proffesiynol ym maes gofal iechyd. Byddant yn gofyn cyfres o gwestiynau i chi i asesu eich symptomau gan eich cyfeirio'n syth i'r gofal meddygol gorau i chi. Mae GIG 111 ar gael 24 awr y dydd, 365 o ddiwrnodau'r flwyddyn. Mae galwadau o linellau tir a ffonau symudol am ddim. Gwasanaeth Meddyg Teulu y Tu Allan i Oriau yw hwn.

Os bydd angen gwybodaeth arnoch neu os ydych chi'n poeni am rywbeth, wedi'ch ypsetio neu'ch drysu neu eich bod yn dymuno siarad â rhywun, bydd y SAMARIAID yn rhoi cymorth emosiynol cyfrinachol, 24 awr y dydd. Ffoniwch (o'r Deyrnas Unedig) 08457 90 90 90 neu 116 123 oddi ar ffôn symudol.

Mae Llinell Nos yn wasanaeth gwrando dienw wedi'i rhedeg gan fyfyrwyr sy'n gweithredu ar draws nifer o brifysgolion. Ym Mhrifysgol Abertawe yn benodol rydym yn cynnal y gwasanaeth ar nos Fercher a Nos Wener, 9.00pm tan 7.00am ac rydym yn cynnig gwasanaeth ffonio i mewn yn ogystal â gwasanaeth negeseuon testun.  

Mae Prifysgol Abertawe wedi lansio gwasanaeth ap am ddim i helpu i roi sicrwydd diogelwch drwy'r dydd i staff a myfyrwyr.

Gallwch lawrlwytho'r ap yn Safezone

Os bydd angen cymorth brys arnoch gallwch ddilyn y cyfarwyddiadau ar yr ap.