Cadw’n ddiogel ym Mhrifysgol Abertawe

Yn ystod oriau swyddfa: ffoniwch 333 o unrhyw ffôn mewnol / galwad Zoom neu defnyddiwch ein ap SafeZone.

Y tu allan i oriau swyddfa, neu o ffôn symudol: ffoniwch 01792 604271 neu defnyddiwch SafeZone.

SafeZone

Dyma wasanaeth ap am ddim i helpu i roi sicrwydd diogelwch ddydd a nos i'r holl staff a myfyrwyr.

999

Dylech chi bob amser ffonio 999 pan fydd argyfwng, er enghraifft pan fydd trosedd yn digwydd, pan fydd rhywun a ddrwgdybir o drosedd gerllaw, pan fydd perygl i fywyd neu pan fydd trais yn cael ei ddefnyddio neu ei fygwth.

Pan fydd angen yr heddlu neu ambiwlans ar y campws, dylech chi hefyd gysylltu â'r tîm diogelwch a fydd yn helpu.

101

Dylech chi ffonio 101 i roi gwybod am drosedd a phryderon eraill nad ydynt yn gofyn am ymateb brys. Er enghraifft:

• mae eich car wedi'i ddwyn
• mae eich eiddo wedi'i ddifrodi
• rydych chi'n amau bod cyffuriau'n cael eu cymryd neu eu gwerthu yn eich cymdogaeth

111 yw rhif y GIG ar gyfer sefyllfa nad yw'n frys. Mae'n gyflym, yn rhwydd ac am ddim.

Ffoniwch 111 i siarad â chynghorydd hyfforddedig, sydd â chymorth gweithwyr gofal iechyd proffesiynol. Byddant yn gofyn cyfres o gwestiynau i chi i asesu eich symptomau ac yn eich cyfeirio'n syth at y gofal meddygol gorau.

Mae 111 y GIG ar gael ddydd a nos, bob dydd o'r flwyddyn. Dyma wasanaeth meddyg teulu y tu allan i oriau arferol

Gallwch hefyd wirio eich symptomau gyda Gwiriwr Symptomau 111 GIG Cymru. Os ydych chi neu rywun rydych chi’n gofalu amdano’n teimlo'n sâl, dyma’r peth cyntaf dylech chi ei wirio. Bydd yn eich helpu i ddewis beth i'w wneud a phenderfynu pwy i’w weld nesaf os oes gennych chi broblem iechyd gyffredin neu os ydych chi'n teimlo'n sâl yn gyffredinol.

Ysbyty Treforys, Heol Maes Eglwys, Treforys, Abertawe, SA6 6NL. Rhif ffôn +44 (0)1792 702222.
Mae’r adran yn cynnig cyfleuster 24 awr ar gyfer y dderbynfa, asesu, archwilio, trin a chyfeirio pob un sydd wedi bod mewn damwain, a chleifion sydd â salwch difrifol.

Swansea Bay University Health Board

Mân anafiadau

Gallwch ymweld ag Uned Mân Anafiadau Ysbyty Singleton ar gyfer unrhyw fân anafiadau. Dyma’r oriau agor:

Dydd Llun i ddydd Gwener o 8am – 6.30pm, ac o 8am – 1pm dros y penwythnosau a gwyliau banc.

Gallwch ddefnyddio’r uned mân anafiadau yn ysbyty Castell-nedd Port Talbot, Ffordd Baglan, Port Talbot, SA12 7BX y tu allan i’r oriau hyn, gan ei bod ar agor rhwng 7.30am a 11pm saith diwrnod yr wythnos.

Mae gwasanaethau gofal ar unwaith Ysbyty Singleton yn trin mân anafiadau brys neu salwch pan nad ydych yn gallu aros i weld eich meddyg teulu. Gall Ysbyty Singleton drin cyflyrau megis:

• Crafiadau, clwyfau a mân losgiadau  
• Anafiadau i’r llygad a’r glust nad ydynt yn treiddio
• Anafiadau i’r wyneb a’r gwddf (heb golli ymwybod)
• Anafiadau bach i’r gwddf (pan fo’r claf yn symudol ac nad oes ganddo binnau bach yn ei freichiau)

Brathiadau gan anifeiliaid a phobl

Os oes angen gwybodaeth arnoch, neu os ydych yn poeni am rywbeth, yn gofidio neu'n teimlo'n ddryslyd, neu os oes angen rhywun i wrando arnoch, mae'r Samariaid yn darparu cymorth emosiynol cyfrinachol, ddydd a nos.  Ffoniwch (o'r DU) 08457 90 90 90 neu 116 123 o ffôn symudol.

Os ydych chi wedi bod yn ddioddefwr trosedd a hoffech chi siarad â rhywun, gallwch ffonio Cymorth i Ddioddefwyr i gael cyngor annibynnol a chyfrinachol am ddim:

• Ffoniwch Supportline ar 08 08 16 89 111
• Cyfnewid Testun: defnyddiwch yr ap Relay UKneu cysylltwch â ni yn Iaith Arwyddion Prydain
• Dechreuwch sgwrs fyw

Mewn argyfwng, dylech chi bob amser ffonio 999.

Mae StreetSafe yn wasanaeth sy'n eich galluogi i roi gwybod am bryderon am ddiogelwch mewn mannau cyhoeddus heb roi eich enw (yn ddienw).

Mae hyn yn cynnwys materion megis strydoedd â goleuadau gwael, adeiladau gwag neu fandaliaeth, yn ogystal ag enghreifftiau lle rydych chi'n teimlo'n anniogel oherwydd bod rhywun yn eich dilyn neu'n eich cam-drin ar lafar.

Sylwer: Ni ellir rhoi gwybod am droseddau nac argyfwng drwy StreetSafe. Os byddwch chi'n dyst i drosedd neu argyfwng, ffoniwch yr Heddlu ar 101 neu rhowch wybod am drosedd ar-lein. Os ydych chi'n ansicr a yw rhywbeth yn drosedd ai peidio, darllenwch ein cyngor.

https://www.south-wales.police.uk/notices/street-safe/street-safe/

Peidiwch â gadael i ladron ddianc gyda'ch eiddo gwerthfawr chi. Ydych chi wedi dod â gliniadur, beic, iPad neu rywbeth arall o werth mawr i'r Brifysgol? Cofrestrwch eich pethau gwerthfawr i helpu i leihau troseddau eiddo a gwella'r tebygolrwydd o'u cael yn ôl os cânt eu colli neu eu dwyn.

Gallwch gofrestru’r rhain ar-lein: https://www.immobilise.com/ neu gofynnwch am gymorth gan dîm Ymgysylltu'r Brifysgol.

Cysylltwch â'r canlynol:

PC Andy Jones - andrew.jones@south-wales.police.uk

PCSO Clive Dainton - clive.dainton@south-wales.police.uk

PCSO Melanie Dix - melanie.dix@south-wales.police.uk

Mae nosweithiau allan yn Abertawe gyda ffrindiau bob amser yn hwyl fawr, ond mae pethau i feddwl amdanynt o flaen llaw...

Meddyliwch am y ffrindiau rydych chi'n mynd gyda nhw a chyda phwy byddwch chi'n mynd adref. Peidiwch byth â mynd adref gyda phobl ddieithr ac arhoswch bob amser gyda ffrindiau. Cynlluniwch fan cwrdd mewn clwb rhag ofn y byddwch yn colli aelod o'ch grŵp ac nad oes signal ffôn symudol gyda chi.

Ydych chi wedi clywed am Ofyn am Angela? 

Mae Gofyn am Angela yn gynllun a grëwyd i leihau trais rhywiol a gwneud i bobl fod yn llai agored i niwed drwy ddarparu ymadrodd di-nod y gall cwsmeriaid tafarndai a lleoliadau eraill ei ddefnyddio i gael sylw aelodau o staff sy'n gallu helpu i'w gwahanu nhw o gwmni rhywun sy'n gwneud iddynt deimlo'n anniogel oherwydd gweithredoedd, geiriau neu ymddygiad y person hwnnw.

Gall unrhyw un sy'n teimlo'n anniogel gael help gan staff y bar drwy ofyn yn syml iawn am siarad ag "Angela".

Bydd staff yn helpu'r person i adael y lleoliad yn dawel, a chyrraedd adref neu fan diogel.

Gallai hyn olygu mynd â'r person sy'n bryderus allan o olwg, galw tacsi a sicrhau eu bod yn cyrraedd adref yn iawn neu hyd yn oed gofyn i'r person sy'n achosi'r pryder adael y lleoliad os yw'n briodol.

Mae bob amser yn dda dal tacsi neu'r bws nos hwyr wedi noson allan.

Os ydych chi'n dal tacsi, cofiwch y canlynol bob amser:

• Bydd tacsi trwyddedig yn Abertawe bob amser yn ddu (Tacsi Hacni yn arddull tacsis Llundain) neu'n wyn.
• Cyn mynd i dacsi, tynnwch lun o rif y tacsi a'r rhif cofrestru. Gwnewch yn siŵr eich bod chi'n dweud wrth y gyrrwr yr hyn rydych chi'n ei wneud!
• Dylech chi bob amser eistedd yng nghefn y tacsi lle bo modd.
• Os ydych chi ar eich pen eich hun mewn tacsi, eisteddwch y tu ôl i'r gyrrwr.

Os oes gennych chi bryderon, dywedwch wrth yr heddlu neu Adran Trwyddedu Tacsis Cyngor Abertawe.

Os bydd angen help arnoch i ddal tacsi, mae marsialiaid ar gael yn y lleoliadau canlynol:

• Stryd Caer (ar ben Stryd y Gwynt) ar nos Fercher, nos Wener a nos Sadwrn.
• Stryd Efrog (gerllaw Vue Cinema) ar nos Sadwrn.
  

Gwybodaeth bwysig am Uber

Er y gallai ap Uber weithio yn Abertawe, bydd yn eich cysylltu â thacsis lleol. Ar hyn o bryd, does dim ceir Uber yn ardal Abertawe.

Felly, os bydd rhywun yn dweud ei fod yn gar Uber – PEIDIWCH â mynd i'r car. Os yw’n bosib, gwnewch nodyn o'r rhif cofrestru a rhowch wybod i’r Heddlu amdano.