Amgylchiadau Esgusodol a goblygiadau ariannol

Os caiff eich cwrs ei estyn oherwydd amgylchiadau esgusodol a therfynau cau estynedig, ni ddarperir Cyllid Myfyrwyr ar gyfer y cyfnod estynedig. Os bydd terfyn amser estynedig yn golygu bod gennych chi gostau annisgwyl, h.y. mae'n rhaid i chi dalu mwy o rent neu na allwch weithio yn ystod yr amser hwn ac rydych chi'n profi anhawster ariannol, gweler yr wybodaeth am Gronfeydd Caledi y Brifysgol.  Gall gymryd hyd at 15 o ddiwrnodau gwaith i brosesu ceisiadau ac nid oes modd gwarantu dyfarniad o'r gronfa, ond os cewch chi ddyfarniad, bydd ar ffurf grant nad oes angen ei dalu'n ôl.

Os ydych chi'n newid o astudio llawn amser i astudio rhan-amser, rydych chi'n newid eich modd astudio a bydd Cyllid Myfyrwyr yn eich ystyried fel myfyriwr newydd. Golyga hyn y bydd yn rhaid i chi wneud cais arall am eich cyllid, gan ddefnyddio'r ffurflen gais gywir, a bydd y cyllid rydych chi'n gymwys ar ei gyfer yn newid. Mae'n bwysig bod yn ymwybodol o'ch hawl cyllid newydd, a byddem yn eich cynghori chi i wirio'r symiau cynhaliaeth rydych chi'n gymwys ar eu cyfer oherwydd bydd hyn yn swm llai ac efallai y bydd angen i chi ystyried eich cynllun ariannol.

Cyllid Rhan-amser Cyllid Myfyrwyr Cymru

Cyllid Rhan-amser Student Finance England

Wrth newid eich modd astudio, mae'n bwysig gwirio eich cymhwysedd, yn enwedig mewn perthynas ag astudiaethau blaenorol, neu os ydych chi'n hanu o'r UE (oherwydd newidiadau i gyllid yn sgîl Brexit). E-bostiwch Arian@BywydCampws am ragor o gyngor: money.campuslife@abertawe.ac.uk 

Gall myfyrwyr wneud cais am Gyllid Myfyrwyr am hyd eu cwrs, plws un flwyddyn. Pan fyddwch yn ailadrodd blwyddyn astudio, mae'n bwysig gwirio eich cymhwysedd ar gyfer y cyllid hwn, neu ystyried y posibilrwydd o gyflwyno cais am gyllid ar sail disgresiwn oherwydd Rhesymau Personol Anorchfygol.

Darllenwch yr wybodaeth ar ein tudalen Angen Ail-wneud Elfen neu Drosglwyddo, sy'n esbonio rhagor am y rheol '+1' a chyllid ar sail disgresiwn oherwydd rhesymau personol anorchfygol.

Er mai dim ond ail-wneud modiwlau ydych chi, caiff hyn ei ystyried gan Gyllid Myfyrwyr fel blwyddyn gyfan o gyllid ac mae'n bwysig eich bod chi'n gwirio eich cymhwysedd am gyllid a'ch mynediad at gyllid '+1' flwyddyn.

Os ydych chi'n ailadrodd modiwl a fethwyd fel myfyriwr llawn amser, bydd lefel y cyllid cynhaliaeth a dderbynnir gennych yn dibynnu ar pryd rydych yn cofrestru. Os byddwch chi'n cofrestru ar ddechrau'r flwyddyn academaidd, byddwch yn derbyn cyllid llawn, ond os byddwch chi'n cofrestru yn Nhymor 2 neu 3, byddwch yn derbyn cyllid cynhaliaeth o'r dyddiad cofrestru. Os oes gennych chi gostau am y flwyddyn academaidd gyfan, megis rhent neu gostau cwrs a byddech chi'n ei chael hi'n anodd yn ariannol, cysylltwch â ni am ragor o gyngor.

Cyfrifir eich ffïoedd dysgu ar sail pro rata, gan ddibynnu ar nifer y credydau mae'n rhaid i chi eu hail-wneud. Os oes gennych chi fynediad at y +1 flwyddyn o gyllid, neu gyllid ar sail disgresiwn, oherwydd Rhesymau Personol Anorchfygol, caiff y ffïoedd hyn eu talu'n uniongyrchol gan eich corff cyllido. Gallwch gysylltu â Thîm Cyllid y Brifysgol i drafod eich atebolrwydd am ffïoedd dysgu penodol.

Darllenwch yr wybodaeth ar ein tudalen Angen Ail-wneud Elfen neu Drosglwyddo, sy'n esbonio rhagor am y rheol '+1' a chyllid ar sail disgresiwn oherwydd rhesymau personol anorchfygol.

Nid yw ymgeiswyr allanol yn gymwys am Gyllid Myfyrwyr na chronfeydd caledi a bydd angen iddynt hunan-ariannu eu hastudiaethau.

Nid yw myfyrwyr yn gymwys am fwy nag uchafswm cyllid gradd Meistr, hyd yn oed pan fydd Rhesymau Personol Anorchfygol wedi effeithio ar eu hastudiaethau.

Os bydd terfyn amser estynedig yn golygu bod gennych chi gostau annisgwyl, h.y. mae'n rhaid i chi dalu mwy o rent neu na allwch weithio yn ystod yr amser hwn ac rydych chi'n profi anhawster ariannol, gweler yr wybodaeth am Gronfeydd Caledi y Brifysgol. Gall gymryd hyd at 15 o ddiwrnodau gwaith i brosesu ceisiadau ac nid oes modd gwarantu dyfarniad o'r gronfa, ond os cewch chi ddyfarniad, bydd ar ffurf grant nad oes angen eu dalu’n ôl.

Os ydych yn trosglwyddo i gwrs arall, ac rydych eisoes wedi derbyn uchafswm y Cyllid ar gyfer Astudio Ôl-raddedig, ni fydd gennych hawl i daliadau pellach gan Gyllid Myfyrwyr Cymru neu Student Finance England, hyd yn oed os ydych yn trosglwyddo oherwydd Rhesymau Personol Anorchfygol, megis materion iechyd, anabledd, problemau teuluol neu brofedigaeth.

Os ydych chi'n trosglwyddo i gwrs Rhan-amser cymwys ac nid ydych chi wedi cyrchu uchafswm y cyllid Ôl-raddedig, bydd unrhyw gymhwysedd i gyllid sy'n weddill yn cael ei rannu rhwng y blynyddoedd academaidd sy'n weddill.

Nid ariennir ailadrodd cyfnodau astudio. Ni wneir taliadau yn ystod y cyfnod ailadrodd, ond caiff unrhyw gymhwysedd i gyllid sy'n weddill ei dalu yn unol â'ch atodlen dalu pan fyddwch chi wedi gorffen yr ailadrodd ac yn symud ymlaen ar y cwrs.

Mae myfyrwyr yn gymwys i wneud cais i Gronfeydd Caledi y Brifysgol. Nid yw dyfarniadau'n warantedig, ac os cewch chi ddyfarniad, byddai hyn yn cynorthwyo gyda chostau tymor byr yn unig ac nid yw'n ffurf ar gyllido.

Gallwch gysylltu â Thîm Cyllid y Brifysgol i drafod eich atebolrwydd am ffïoedd dysgu penodol.

Nid ariennir ailadrodd cyfnodau astudio. Ni wneir taliadau yn ystod y cyfnod ailadrodd, ond caiff unrhyw gymhwysedd i gyllid sy'n weddill ei dalu yn unol â'ch atodlen dalu pan fyddwch chi wedi gorffen yr ailadrodd ac yn symud ymlaen ar y cwrs.

Mae myfyrwyr yn gymwys i wneud cais i Gronfeydd Caledi y Brifysgol. Nid yw dyfarniadau'n warantedig, ac os cewch chi ddyfarniad, byddai hyn yn cynorthwyo gyda chostau tymor byr yn unig ac nid yw'n ffurf ar gyllido.

Gallwch gysylltu â Thîm Cyllid y Brifysgol i drafod eich atebolrwydd am ffïoedd dysgu penodol.

Nid yw ymgeiswyr allanol yn gymwys am Gyllid Myfyrwyr na chronfeydd caledi a bydd angen iddynt hunan-ariannu eu hastudiaethau.