Cwestiynau Cyffredin: Iechyd a Lles

Cyfarfu grŵp Gweithrediadau COVID-19 y Brifysgol â Chyfarwyddwr Iechyd Cyhoeddus Cymru yn ddiweddar a phenderfynwyd y bydd y Brifysgol yn parhau i ddilyn canllawiau Llywodraeth Cymru drwy ei Strategaeth PROFI, OLRHAIN A DIOGELU.

OS OES SYMPTOMAU COVID19 GAN AELOD O GYMUNED Y BRIFYSGOL SY’N DYCHWELYD I’R CAMPWS MAE’N HOLLBWYSIG EI FOD YN HUNANYNYSU AR UNWAITH.

Mae’n bwysig na ddylai unigolyn â symptomau fynd i weld ei feddyg teulu, na mynd i gyfleuster meddygol neu ysbyty heb ganiatâd ymlaen llaw. Dylai unigolyn sydd â symptomau drefnu cael prawf drwy ffonio 119 neu drwy fynd i’r wefan neu gellir ffonio 01639 862757 i drefnu prawf yr un dydd. Os oes gennych anhawster wrth ddefnyddio cludiant cyhoeddus, rhowch wybod i’r person sy’n ateb y ffôn.
Mae Iechyd Cyhoeddus Cymru wedi cadarnhau y bydd holl staff y Brifysgol yn cael eu cyfeirio at safle profi penodol ond anfonir pecyn prawf cartref at fyfyrwyr yn y cyfeiriad maent wedi’i nodi. Caiff y rhain eu casglu o’r un cyfeiriad a bydd y canlyniadau ar gael mewn 72 awr.

Rydym ni yn y Brifysgol yn gwneud popeth y gallwn i sicrhau bod ymlediad yr haint yn cael ei reoli ar draws y Brifysgol ac mae ein Grŵp Gweithredol COVID19 yn parhau i weithio’n ddiflino i roi proses gadarn ar waith er mwyn i’n staff a’n myfyrwyr deimlo’n ddiogel ac yn hyderus wrth ddychwelyd i’r campws.

Os bydd nifer y profion cadarnhaol a gofnodir ar draws y Brifysgol yn cynyddu er gwaethaf ein hymdrechion, bydd Iechyd Cyhoeddus Cymru yn sefydlu Uned Profi Filwrol Symudol i brofi cymuned gyfan y Brifysgol a gellir rhoi mesurau pellach ar waith y byddwn yn eich hysbysu amdanynt.
Bydd y cyngor hwn, ynghyd â chamau gweithredu eraill a gymerir gan y Brifysgol, megis lleihau nifer y bobl ar y campws drwy weithio gartref, glanhau ychwanegol a phellter cymdeithasol, yn helpu i gadw ein cymuned yn ddiogel.

Cymerwch amser i ddarllen yr holl wybodaeth a chanllawiau perthnasol ynghylch Covid-19 sydd ar gael ar ein tudalennau Iechyd a Diogelwch, gan gynnwys y fideo Sefydlu Myfyrwyr.

OS OES GENNYCH SYMPTOMAU COVID-19, RHAID I CHI HUNANYNYSU AR UNWAITH.

Ni ddylech fynd at y meddyg, ymweld â chyfleusterau'r Brifysgol neu fynd i feddygfa nac ysbyty cyn cael caniatâd ymlaen llaw os ydych yn profi symptomau. Dylech drefnu prawf os oes gennych symptomau drwy ffonio 119 neu ddefnyddio'r wefan https://gov.wales/apply-coronavirus-test

Anfonir pecyn prawf cartref at fyfyrwyr i'r cyfeiriad a nodir ganddynt a bydd yn cael ei gasglu o'r un cyfeiriad, a bydd y canlyniadau ar gael mewn 72 o oriau.

Dylech chi hunanynysu am o leiaf 10 niwrnod
Rhaid i chi hunanynysu gartref, yn unol â chyngor Llywodraeth y DU ar hunanynysu:https://gov.wales/self-isolation-stay-home-guidance-households-possible-coronavirus

I leihau'r risg o drosglwyddo'r haint i bobl eraill sy’n byw gyda chi, dylech gymryd y camau gweithredu a ddisgrifir yn y canllawiau.

Darllenwch yr adran 'Gorffen Hunanynysu' ac edrychwch ar y 'Diagram Canllawiau Aros Gartref' am ragor o wybodaeth ynghylch pryd bydd hi'n ddiogel i chi orffen hunanynysu:
Https://gov.wales/self-isolation-stay-home-guidance-households-possible-coronavirus#section-38207

https://gov.wales/self-isolation-explanatory-diagram

Rhaid i bawb sy’n byw gyda chi hunanynysu am 14 diwrnod o'r dyddiad y dechreuodd eich symptomau chi; os ydyn nhw'n datblygu symptomau wedyn, bydd rhaid iddynt hunanynysu am o leiaf 10 niwrnod o ddyddiad dechrau eu symptomau a gallant ofyn am brawf.

Dylech olchi eich dwylo am o leiaf 20 eiliad, gan ddefnyddio dŵr a sebon neu hylif diheintio dwylo ag alcohol.

Fideo: Sut i olchi eich dwylo'n gywir

Dylech hefyd besychu neu disian i mewn i hancesi papur cyn eu rhoi yn y bin ar unwaith.

Gweler hefyd yr ymgyrch gwybodaeth gyhoeddus  

Gweler cyngor diweddaraf y Llywodraeth ar hunanynysu.

Os ydych yn hunanynysu neu os ydych wedi cael eich cynghori i hunanynysu, yna dylech ddilyn y cyfarwyddyd a dylech roi gwybod i'ch rheolwr eich bod wedi cael cyfarwyddyd i wneud hynny. Yna bydd eich rheolwr llinell yn hysbysu'r mewnflwch pwrpasol. Nid yw'r mewnflwch hwn yn llinell gymorth ac ni ddylid ei ddefnyddio at y diben hwnnw. Mae'r mewnflwch yn sicrhau bod y Brifysgol yn cofnodi pob achos o hunanynysu neu achos o'r haint coronafeirws a gadarnhawyd.

• Os nad yw'n bosibl, oherwydd sefyllfa neu natur eich rôl, i chi weithio gartref, yna bydd angen cael cytundeb y rheolwr llinell. Dan yr amgylchiadau hyn, caiff y mater ei drin fel absenoldeb oherwydd salwch a bydd yn rhaid i chi gysylltu'n rheolaidd â'ch rheolwr llinell.

• Os bydd aelod o staff sy'n hunanynysu yn mynd yn wael wedyn, rhaid iddo roi gwybod i'r rheolwr llinell a chymryd absenoldeb salwch yn ôl yr arfer.

• Yna dylai'r rheolwr llinell gofnodi hyn drwy'r mewnflwch pwrpasol, sef coronavirus-staff@abertawe.ac.uk. 

Rydym yn cydnabod bod Covid-19 wedi creu ansicrwydd a newid sylweddol a allai effeithio ar eich iechyd meddwl a'ch lles. I'ch cefnogi drwy'r cyfnod heriol hwn, rydym wedi casglu ynghyd amrywiaeth o adnoddau lles, gan gynnwys erthyglau, cyrsiau, fideos a phodlediadau ar-lein.

Mae'r adnoddau hyn yn ychwanegol at y gwasanaethau sydd eisoes ar gael, nid ydynt yn eu disodli.

Ceir amrywiaeth o sefydliadau sy'n gallu eich cefnogi https://www.nhs.uk/conditions/stress-anxiety-depression/mental-health-helplines/ 

Mae cyngor y Llywodraeth ar Iechyd a Hunanynysu yn newid yn aml, felly cadwch lygad arno'n rheolaidd er mwyn cael gwybod y diweddaraf.

Iechyd

Ar gyfer cyngor iechyd ar coronafeirws, ewch i NHS 111 online neu Galw Iechyd Cymru.

Dim ond os nad oes gennych fynediad at y rhyngrwyd, cysylltwch ag NHS 111 drwy ffonio 111 – neu ffoniwch Galw Iechyd Cymru ar 0845 4647.

Os oes argyfwng meddygol, ffoniwch 999.

Hunanynysu

Gweler hefyd gyngor diweddaraf y Llywodraeth ar hunanynysu. 

Mae cyngor y Llywodraeth ar Iechyd a Hunanynysu yn newid yn aml, felly cadwch lygad arno'n rheolaidd er mwyn cael gwybod y diweddaraf.

Iechyd

Ar gyfer cyngor iechyd ar coronafeirws, ewch i NHS 111 online neu Galw Iechyd Cymru.

Dim ond os nad oes gennych fynediad at y rhyngrwyd, cysylltwch ag NHS 111 drwy ffonio 111 – neu ffoniwch Galw Iechyd Cymru ar 0845 4647.

Os oes argyfwng meddygol, ffoniwch 999.

Os yw hyn yn wir amdanoch chi, e-bostiwch myunisupport@abertawe.ac.uk 

Oes, mae Chwaraeon Abertawe yn darparu sesiynau ar-lein.

Mae'r Gwasanaeth Gwrando ar gael o hyd i staff a myfyrwyr. Does dim angen i'ch problem fod yn ddifrifol, mae yno os hoffech gael sgwrs yn unig. Mae apwyntiadau ar gael ar hyn o bryd drwy Zoom a thros y ffôn felly, i drefnu apwyntiad, e-bostiwch listeningservice.campuslife@abertawe.ac.

Mae’r Gwasanaeth Gwrando ar gael hefyd i ddarparu cymorth profedigaeth un i un.