Cwestiynau Cyffredin: Gwybodaeth a Diweddariadau gan Fyfyrwyr

Os cewch chi brawf positif, mae'n rhaid i chi hunanynysu'n syth, yn unol ag arweiniad presennol y llywodraeth, a rhoi gwybod i’r Brifysgol drwy MyUniSupport@abertawe.ac.uk.

MAE'N HANFODOL BOD UNRHYW AELOD O GYMUNED Y BRIFYSGOL SYDD Â SYMPTOMAU COVID-19 YN HUNANYNYSU AR UNWAITH.

Rhaid i chi roi gwybod i ni os ydych yn hunanynysu, boed yn neuaddau'r Brifysgol neu mewn llety preifat. Os ydych chi wedi rhoi gwybod i ni am hyn o'r blaen ac mae eich sefyllfa wedi newid, rhowch wybod i ni. Does dim angen i ni wybod os ydych chi'n hunanynysu gartref - cysylltwch â myunisupport@abertawe.ac.uk.

Bydd angen i ni wybod cyfeiriad eich llety hefyd.

Er mwyn i ni allu eich cefnogi’n academaidd ac o ran eich lles, gwnewch yn siŵr eich bod yn diweddaru eich dull astudio ar eich proffil ar y fewnrwyd, sydd o dan Manylion Personol yn y tab Statws Presenoldeb, yn ogystal â’ch cyfeiriad yn ystod y tymor.

Rydym yn gofyn i fyfyrwyr newid hyn pan fyddant yn ymgymryd â’u hastudiaethau ar y campws, at ddibenion monitro presenoldeb, neu os bydd angen iddynt ddewis cyfnod byr o astudio ar-lein oherwydd eu bod dan gwarantin neu’n hunanynysu oherwydd Covid. Os ydych yn astudio ar-lein dros dro, rhowch wybod i dîm MyUniSupport am eich amgylchiadau.

Am ragor o wybodaeth am weithdrefnau monitro presenoldeb, ewch i dudalennau Monitro Presenoldeb MyUni.