Cwestiynau Cyffredin Coronafeirws

Canllawiau Llywodraeth Cymru i fyfyrwyr

Peidiwch â dychwelyd i’r campws nes bod addysgu wyneb yn wyneb yn ailddechrau ar gyfer eich cwrs, mae’n ofynnol i chi wneud hynny at ddibenion ymchwil neu fod gennych amgylchiadau personol penodol.

Ar gyfer y myfyrwyr hynny sydd eisoes ar y campws, ein cyngor yw aros yma a sicrhau eich bod yn dilyn canllawiau Llywodraeth Cymru. Byddwn yn parhau i’ch cefnogi chi drwy gydol y cyfnod hwn.

Os ydych yn fyfyriwr rhyngwladol sy’n teithio o dramor ac rydych eisoes wedi trefnu eich dull teithio i’r DU, gallwch barhau i deithio i’r Brifysgol yn unol â chanllawiau Llywodraeth Cymru, os ydych yn dymuno gwneud hynny. Os nad ydych eisoes wedi gwneud trefniadau teithio, byddem yn argymell eich bod yn oedi eich cynlluniau i deithio i’r DU a’ch bod yn dechrau eich astudiaethau gyda ni ar-lein o’ch gwlad gartref. Pan fyddwch yn trefnu teithio, gwiriwch a oes yn rhaid i chi ddangos prawf covid negyddol er mwyn dod i’r DU. O 11 Ionawr, bydd yr holl deithwyr rhyngwladol sy’n teithio i’r DU yn gorfod cael prawf covid 72 awr cyn gadael a chael canlyniad negatif.

Os bydd yn rhaid i chi gymryd rhan mewn addysgu ar y safle cyn 15 Chwefror, bydd eich Coleg yn cysylltu â chi i gadarnhau hyn.

Os ydych yn fyfyriwr ymchwil ôl-raddedig, dylech barhau â’ch ymchwil gartref lle bynnag y bo’n bosib.  Os yw’n hanfodol cael mynediad i labordai ar gyfer eich ymchwil, mae’r un broses yn parhau i fod ar waith mewn Colegau ar gyfer cael mynediad i’r campws a chyfleusterau eraill ar y campws.

Asymptomatic Testing FAQs

Cyfarfu grŵp Gweithrediadau COVID-19 y Brifysgol â Chyfarwyddwr Iechyd Cyhoeddus Cymru yn ddiweddar a phenderfynwyd y bydd y Brifysgol yn parhau i ddilyn canllawiau Llywodraeth Cymru drwy ei Strategaeth PROFI, OLRHAIN A DIOGELU.

OS OES SYMPTOMAU COVID19 GAN AELOD O GYMUNED Y BRIFYSGOL SY’N DYCHWELYD I’R CAMPWS MAE’N HOLLBWYSIG EI FOD YN HUNANYNYSU AR UNWAITH.

Mae’n bwysig na ddylai unigolyn â symptomau fynd i weld ei feddyg teulu, na mynd i gyfleuster meddygol neu ysbyty heb ganiatâd ymlaen llaw. Dylai unigolyn sydd â symptomau drefnu cael prawf drwy ffonio 119 neu drwy fynd i’r wefan neu gellir ffonio 01639 862757 i drefnu prawf yr un dydd. Os oes gennych anhawster wrth ddefnyddio cludiant cyhoeddus, rhowch wybod i’r person sy’n ateb y ffôn.
Mae Iechyd Cyhoeddus Cymru wedi cadarnhau y bydd holl staff y Brifysgol yn cael eu cyfeirio at safle profi penodol ond anfonir pecyn prawf cartref at fyfyrwyr yn y cyfeiriad maent wedi’i nodi. Caiff y rhain eu casglu o’r un cyfeiriad a bydd y canlyniadau ar gael mewn 72 awr.

Rydym ni yn y Brifysgol yn gwneud popeth y gallwn i sicrhau bod ymlediad yr haint yn cael ei reoli ar draws y Brifysgol ac mae ein Grŵp Gweithredol COVID19 yn parhau i weithio’n ddiflino i roi proses gadarn ar waith er mwyn i’n staff a’n myfyrwyr deimlo’n ddiogel ac yn hyderus wrth ddychwelyd i’r campws.

Os bydd nifer y profion cadarnhaol a gofnodir ar draws y Brifysgol yn cynyddu er gwaethaf ein hymdrechion, bydd Iechyd Cyhoeddus Cymru yn sefydlu Uned Profi Filwrol Symudol i brofi cymuned gyfan y Brifysgol a gellir rhoi mesurau pellach ar waith y byddwn yn eich hysbysu amdanynt.
Bydd y cyngor hwn, ynghyd â chamau gweithredu eraill a gymerir gan y Brifysgol, megis lleihau nifer y bobl ar y campws drwy weithio gartref, glanhau ychwanegol a phellter cymdeithasol, yn helpu i gadw ein cymuned yn ddiogel.

Er mwyn cefnogi ein myfyrwyr a allai fod mewn cwarantin, yn hunanynysu, ar y rhestr warchod neu’n astudio ar-lein am resymau eraill, sefydlwyd tîm .

Bydd y tîm yn cysylltu’n rheolaidd â myfyrwyr sydd wedi dweud wrthym eu bod yn hunanynysu, ar y rhestr warchod neu mewn cwarantin i sicrhau eich bod yn derbyn gwybodaeth allweddol a chymorth.

Cysylltwch â’r tîm yn myunisupport@abertawe.ac.uk os oes gennych ymholiadau ynghylch yr amgylchiadau uchod neu os ydych chi wedi cael prawf cadarnhaol am Covid-19.

Sicrhau y gall ein myfyrwyr deithio gartref yn ddiogel ar gyfer y Nadolig yw ein blaenoriaeth ac felly rydym yn eich annog i drefnu i deithio gartref ar ôl eich gweithgaredd olaf ar y campws er mwyn i chi adael yn ddiogel. Hefyd, bydd myfyrwyr sy'n bwriadu aros yn eu llety Prifysgol dros gyfnod y Nadolig yn dal i allu gwneud hynny.

 Er mwyn lleihau’r posibilirwydd o gludo’r haint adref, mae Llywodraeth Cymru’n gofyn i fyfyfwyr leihau cysylltiadau cymdeithasol cyn diwedd y tymor.

 Bydd y Brifysgol yn eich hysbysu o gynlluniau dod ag addysgu ar y safle i ben y tymor hwn a hefyd drefniadau ar gyfer y rhai hynny mewn llety i adael y campws yn ddiogel. Rydym yn bwriadu parhau i gyflwyno addysgu cyfunol ym mis Ionawr yn unol â rheoliadau iechyd a diogelwch ac arweiniad y Llywodraeth.

 Byddwn yn parhau i weithio’n agos gyda Llywodraeth Cymru yn y cyfnod cyn y Nadolig i gefnogi ein myfyrwyr a byddwn yn rhoi’r wybodaeth ddiweddaraf i chi o ran y cynlluniau profi.

Mae gennym dudalen we 'Eich Croesawu'n Ôl sy'n cynnwys yr holl wybodaeth angenrheidiol am ddychwelyd i Brifysgol Abertawe neu ymuno â ni am y tro cyntaf!

Mae Llywodraeth Cymru wedi llunio canllawiau ar gyfer myfyrwyr sy’n croesi ffiniau Ardal Diogelu Iechyd er mwyn defnyddio cyfleusterau’r Brifysgol. 

Darllenwch y canllawiau llawn a diweddaraf ar wefan Llywodraeth Cymru.