Prynu, archebu trefniadau teithio a phrosesu hawliadau treuliau

Nodiadau ar brynu a threuliau fel myfyriwr ymchwil ôl-raddedig

Cyflwyniad i'r gwasanaethau ariannol sydd ar gael i fyfyrwyr ychwil Ôl-raddedig

Mae gan y Gyfadran Gwyddoniaeth a Pheirianneg dîm sydd â'r nod o ddarparu arweiniad a chymorth mewn perthynas â holl wasanaethau ariannol y brifysgol. Mae'r arweiniad canlynol yn cyfeirio at y categorïau gwariant canlynol:

Prynu nwyddau a gwasanaethau
Trefniadau teithio
Prosesu hawliadau am dreuliau

Taflen Wybodaeth Gweithgareddau Rhyngwladol y Brifysgol

Trosolwg

Mae'r arweiniad isod wedi'i ategu gan ddolenni i fanylion polisi ariannol perthnasol y brifysgol, felly gallwch fod yn hyderus bod yr wybodaeth a ddarperir yn cael ei diweddaru'n rheolaidd pan gaiff polisïau eu diwygio.

Myfyrwyr â mynediad at ABW

Dynodir rhif staff i fyfyrwyr sy'n cael eu cyflogi'n rhan-amser gan y brifysgol. Felly, bydd ganddynt fynediad llawn at holl systemau gweinyddu ariannol y brifysgol.

Myfyrwyr heb fynediad at ABW

Ar hyn o bryd, os nad oes gennych gyflogaeth â thâl ar ran y brifysgol, ni fydd gennych fynediad at y systemau gweinyddu ariannol. Rydym yn gweithio i sicrhau bod mynediad gan yr holl fyfyrwyr maes o law. Bydd gwybodaeth bellach yn cael ei darparu pan fydd mynediad wedi'i sicrhau.

Prynu nwyddau a gwasanaethau

Trosolwg o brynu nwyddau a gwasanaethau

I brynu nwyddau neu wasanaethau, rhaid dilyn yr arweiniad canlynol:

Dylech chi drafod eich angen i brynu nwyddau neu wasanaethau â'ch goruchwyliwr a fydd yn gyfrifol am y gyllideb a ddefnyddir i ddiwallu eich angen.
Bydd eich goruchwyliwr yn adolygu eich cais ac yn cadarnhau a yw eich cais wedi'i gymeradwyo ai peidio. Yna bydd yn cadarnhau manylion y côd cyfrif y bydd angen ei nodi pan fyddwch yn cyflwyno eich cais prynu.
Yna dylech chi gyflwyno eich cais prynu fel a ganlyn:

Myfyrwyr â mynediad at ABW

Codwch archeb brynu (cais i brynu) ar ABW. Lle bynnag y bo modd, darparwch ddolenni i'r manylion perthnasol ar y fewnrwyd yn eich cais. Dylech chi hefyd lanlwytho copïau o unrhyw ddyfynbrisiau rydych chi wedi'u derbyn.

Pan fydd eich archeb wedi'i chyflwyno, caiff ei hanfon yn awtomatig at ddeiliad y gyllideb i'w hadolygu a'i chymeradwyo.

Os caiff ei chymeradwyo, bydd eich archeb yn cael ei hanfon ymlaen at dîm cyllid y gyfadran i'w phrosesu. Os bydd gan dîm cyllid y gyfadran gwestiwn am eich archeb, bydd aelod o'r tîm yn cysylltu â chi i'w thrafod mewn mwy o fanylder.

Dylech chi anfon eich holl ymholiadau am eich archeb at y cyfeiriad e-bost penodol canlynol: fseorders@abertawe.ac.uk

Darllenwch y canllaw i ddefnyddwyr ABW canlynol os oes angen cymorth arnoch wrth godi archeb:

Prynu- Nodi archeb Brynu Safonol (Gwe).pdf

Myfyrwyr heb fynediad at ABW

Cwblhewch gopi o'r ffurflen gais ganlynol am archeb brynu: Ffurflen Archeb Peirianneg.xlsx

Bydd angen i chi gadarnhau manylion yr archebion rydych chi am eu gwneud.

Os nad oes modd cadarnhau'r manylion ar yr adeg hon, bydd tîm cyllid y gyfadran yn gallu eich helpu i'w cadarnhau nes ymlaen.

Gallwch gwblhau un ffurflen gais am archeb brynu ar gyfer nifer o archebion ar yr amod y cânt i gyd eu gwneud gyda Travel Planet ar eich rhan.

Dylai'r ffurflen cais am archeb brynu gael ei hanfon drwy e-bost at eich goruchwyliwr fel y gall ei hadolygu a'i chymeradwyo ar eich rhan. Dylai'r goruchwyliwr gadarnhau ei gymeradwyaeth fel a ganlyn:

i) Ychwanegu ei lofnod digidol at eich ffurflen archeb brynu.

ii) Anfon e-bost atoch yn cadarnhau ei fod wedi cymeradwyo manylion yr archeb brynu.

Yna dylid anfon y ffurflen gais am archeb brynu wedi'i chymeradwyo, ynghyd â'r holl ddogfennaeth ategol, at dîm cyllid y gyfadran i'w phrosesu ar eich rhan. Dyma'r cyfeiriad e-bost i'w ddefnyddio: fseorders@abertawe.ac.uk

Rhowch deitl yn eich e-bost yn y fformat canlynol: BRYS: Cais am drefniadau teithio ar gyfer myfyriwr ar ran (enw a rhif y myfyriwr)

Bydd hyn yn ein galluogi i weld yn gyflym mai cais am deithio yw eich e-bost.

Byddwn yn cysylltu â chi i drefnu apwyntiad fel y gallwn eich cofrestru fel gwestai drwy ap Travel Planet. Yna byddwn yn gallu eich helpu i ystyried yr opsiynau teithio gwahanol sydd ar gael i chi a chyflwyno eich archeb.

Mae'r broses archebu yn debyg i unrhyw blatfform arall ar-lein i archebu trefniadau teithio. Bydd hysbysiadau, gan gynnwys tocynnau, yn cael eu hanfon atoch yn electronig drwy e-bost pan gaiff yr archeb ei chadarnhau.

Dylai'r holl ymholiadau mewn perthynas â’ch archeb deithio gael eu hanfon i'r cyfeiriad e-bost penodol canlynol: fseorders@abertawe.ac.uk

Prosesu Hawliadau Treuliau

Trosolwg o brosesu hawliadau treuliau

Mae'r brifysgol wedi rhoi polisi ar hawliadau treuliau ar waith sy'n berthnasol i staff a myfyrwyr. Mae manylion y polisi ar gael drwy'r ddolen ganlynol: Polisi a Gweithdrefn Treuliau - Prifysgol Abertawe

Dylech ddarllen y canllawiau cyn i chi wneud unrhyw daliadau'n uniongyrchol gyda golwg ar gael eich ad-dalu gan y Brifysgol yn ddiweddarach. Fel rheol, nifer cyfyngedig yn unig o gostau teithio y gallwch eu hawlio'n ôl drwy'r system hawliadau treuliau. Mae'r rhain yn cynnwys y canlynol:

Cynhaliaeth
Lwfans Milltiroedd
Tanwydd ar gyfer cerbydau wedi'u llogi
Costau teithio isel/pellter byr: er enghraifft - bysys gwasanaeth a thacsis lleol

Ystyrir ad-dalu pob math arall o gostau fel eithriad yn unig neu ar sail trefniant wrth gefn pan fo cymeradwyaeth wedi'i rhoi ymlaen llaw.

Canllawiau i brosesu hawliadau teithio

Sylwer: Dylai'r HOLL fyfyrwyr ymchwil ôl-raddedig ddefnyddio'r broses ganlynol i hawlio treuliau ac NI ddylent hawlio treuliau trwy ABW

Dylech gwblhau'r ffurflen hawliadau gan gadarnhau manylion eich hawliad.

Rhaid i chi lanlwytho derbynebau i gefnogi eich hawliad am dreuliau fel tystiolaeth eich bod wedi talu'r costau sy'n cael eu hawlio. **Sylwer bod rhaid darparu derbynebau TAW wedi'i heitemeiddio, gan fod y rhain yn rhoi manylion llawn am yr eitemau/gwasanaethau a ddarparwyd. Nid yw derbynebau Visa'n dderbyniol am nad ydynt yn rhoi tystiolaeth am yr eitemau/gwasanaethau a brynwyd.

Yna dylech anfon eich hawliad treuliau drwy e-bost at eich goruchwyliwr ynghyd â chopïau o'r derbynebau fel y gall eich goruchwyliwr eu hadolygu a'u cymeradwyo ar eich rhan. Dylai eich goruchwyliwr gadarnhau ei gymeradwyaeth fel a ganlyn:

i) Ychwanegu ei lofnod digidol at eich ffurflen hawliad treuliau.

ii) Anfon e-bost atoch yn cadarnhau ei fod yn cymeradwyo manylion yr hawliad treuliau.

Yna dylid anfon y ffurflen hawliad treuliau wedi'i chadarnhau, ynghyd â'r holl ddogfennaeth ategol, i'r cyfeiriad e-bost penodol canlynol: fseexpenseclaims@abertawe.ac.uk
Rhowch deitl yn eich e-bost yn y fformat canlynol: BRYS: Hawliad treuliau gan fyfyriwr ar ran (enw a rhif y myfyriwr)
Bydd hyn yn ein galluogi i weld yn gyflym mai hawliad treuliau yw eich e-bost.
Byddwn yn adolygu eich hawliad treuliau ac yna'n cymeradwyo taliad ar eich rhan. Caiff yr hawliad ei anfon at Swyddfa Daliadau'r Brifysgol i'w phrosesu.
Os oes ymholiadau mewn perthynas â'ch hawliad treuliau, byddwn yn cysylltu â chi drwy e-bost i ofyn am ragor o wybodaeth.
Caiff taliadau i fyfyrwyr eu gwneud yn wythnosol. Drwy ddilyn y canllawiau a ddarparwyd, byddwch yn ein helpu i drefnu ad-daliad i chi cyn gynted â phosib.
Dylech anfon eich holl ymholiadau mewn perthynas â'ch hawliad treuliau i'r cyfeiriad e-bost penodol canlynol: fseexpenseclaims@abertawe.ac.uk

Cysylltu

Gallwch gysylltu â thîm cyllid y gyfadran yn y cyfeiriadau e-bost penodol canlynol:

Prynu nwyddau a gwasanaethau - fseorders@abertawe.ac.uk

Archebu trefniadau teithio - fseorders@abertawe.ac.uk

Prosesu hawliadau treuliau - fseexpenseclaims@abertawe.ac.uk