FAQs for May/June 2023 Assessments

Darpariaethau Addasiadau Cynhwysol ar gyfer arholiadau ar y safle, wyneb yn wyneb:

Ar gyfer unrhyw arholiadau ar y safle, mae ein swyddfa arholiadau yn treialu system optio allan ar gyfer gweithredu darpariaethau, lle mae eich darpariaethau'n cael eu rhoi ar waith yn awtomatig i unrhyw arholiadau wyneb yn wyneb rydych chi'n eu sefyll yn ystod eich amser yn Abertawe, oni bai eich bod yn cael gwybod fel arall.

Pan gaiff amserlen yr arholiadau ei chyhoeddi ar eich cyfrif mewnrwyd, bydd yn dangos lleoliadau eich arholiadau â darpariaethau priodol, ynghyd â manylion cryno am drefniadau eich darpariaeth.

Os oes unrhyw ddarpariaethau nad ydych am iddynt fod ar waith ar gyfer eich arholiadau ar y safle, neu os ydych am wrthod eich darpariaethau yn gyfan gwbl a sefyll eich arholiadau yn y prif leoliadau, anfonwch e-bost at dîm y Swyddfa Arholiadau yn examsoffice@abertawe.ac.uk.

Darpariaethau Addasiadau Cynhwysol ar gyfer arholiadau ar-lein:

Os oes gennych ffurflen Addasiadau Cynhwysol gyda darpariaethau wedi'u cytuno ar gyfer arholiadau, ar gyfer unrhyw arholiad a fydd ar-lein ac yn para am 24 awr neu lai, caiff eich darpariaethau amser ychwanegol a/neu seibiannau eu rhoi ar waith yn awtomatig.

Os ydych chi'n dechrau asesiad ar-lein ac yn sylweddoli nad ydych chi wedi derbyn yr amser ychwanegol y mae gennych hawl iddo, cysylltwch â'r tîm yn StudentSupport-ScienceEngineering@abertawe.ac.uk ar unwaith (yn ddelfrydol, pan fydd yr asesiad yn dal i fod ar agor) er mwyn inni allu archwilio a chywiro hyn os bydd angen.

Darparu Darllenwyr: Ar gyfer myfyrwyr a fydd fel arfer yn cael mynediad at ddarllenydd ar gyfer arholiadau wyneb yn wyneb, nid yw hon yn ddarpariaeth sy'n berthnasol i asesiadau ar-lein. Fodd bynnag, rydym ni'n awgrymu bod myfyrwyr yn adolygu'r dechnoleg gynorthwyol sydd ar gael iddynt: https://www.swansea.ac.uk/cy/technoleg-gynorthwyol/ 

Hefyd, gweler nodwedd newydd sydd bellach ar gael yn Canvas o'r enw'r 'Immersive Reader'. Dyma offer Microsoft sy'n plygio i mewn i Canvas ac yn helpu wrth ddarllen cynnwys mewn tudalennau Canvas mewn ffyrdd hygyrch, gan gynnwys:

• adrodd ar ffurf sain
• cyfieithu
• neilltuo cynlluniau lliw
• neilltuo ffontiau
• a mwy.

Gweler canllaw yn y cwrs Pasbort i Canvas o dan Immersive Reader in Canvas Pages am ragor o wybodaeth am sut i ddefnyddio'r teclyn hwn.

Ar yr adeg hon, mae'r holl ganlyniadau yn ganlyniadau dros dro ac ni threfnir i fyfyrwyr ailsefyll arholiad nes bod y canlyniadau terfynol wedi'u cadarnhau yn cael eu rhyddhau (ar 4 Gorffennaf 2023 ar gyfer pob myfyriwr israddedig yn ei flwyddyn olaf, ac ar 17 Gorffennaf 2023 ar gyfer pob myfyriwr ôl-raddedig a addysgir a phob myfyriwr israddedig sy'n parhau).

Cynhelir pob asesiad atodol (sef ailsefyll) yn ystod cyfnod atodol mis Awst (7 - 18 Awst 2023). Caiff amserlenni â dyddiadau ac amserau penodol ar gyfer ailsefyll arholiadau eu rhyddhau yn nes at y dyddiad.

Efallai y byddwch yn gweld rhai arholiadau Blwyddyn 3 a Blwyddyn 4 wedi'u rhestru ar gyfer mis Mai/Mehefin, ond dim ond ar gyfer myfyrwyr y cymeradwywyd iddynt ohirio arholiadau ac sydd wedi gofyn i sefyll eu harholiadau gohiriedig ym mis Mai/Mehefin, y mae'r arholiadau hyn ar gael ym mis Mai/Mehefin. Nid yw hwn yn opsiwn i fyfyrwyr sy'n ail-wneud y modiwlau hyn.

Ar gyfer cyflwyniadau drwy Turnitin: Ar ôl cwblhau'r cyflwyno, bydd derbynneb ddigidol yn ffenestr eich porwr. Hefyd, anfonir copi drwy e-bost. Mae'n bwysig defnyddio cyfeiriad e-bost dilys er mwyn derbyn y copi hwn o'r dderbynneb ddigidol. Cadwch y dderbynneb a'r rhif adnabod cyflwyno y mae'n ei gynnwys, oherwydd bod hyn yn profi eich bod wedi cyflwyno'n llwyddiannus. Os na fydd y sgrin yn dangos y dderbynneb ddigidol ar ôl i chi gyflwyno, ewch yn ôl i dudalen portffolio'r dosbarth ac edrychwch ar yr aseiniad er mwyn sicrhau eich bod wedi cyflwyno'r papur yn gywir.

Ar gyfer cyflwyno drwy lanlwytho ffeil Canvas (sef drwy ‘Canvas File Upload Submissions’): Er mwyn gwirio a ydych chi wedi cyflwyno eich aseiniad yn llwyddiannus, ewch i'r adran 'Aseiniadau' a chliciwch ar deitl yr aseiniad. Yn y gornel dde ar ben y sgrin, dylech chi weld y testun 'Wedi'i gyflwyno' (sef ‘Submitted’) a chadarnhad o’r amser cyflwyno.

Er mwyn sicrhau eich bod wedi cyflwyno'r gwaith cywir ar gyfer y modiwl cywir, rydym ni'n argymell y dylai ffeiliau rydych chi'n eu lanlwytho fod â theitl sy'n cynnwys eich rhif myfyriwr, côd y modiwl, a theitl cryno ar ffurf côd y modiwl_rhif y myfyriwr_enw'r asesiad (e.e. EG-128_123456_arholiad ar-lein). Ni ddylech chi gynnwys eich enw wrth gyflwyno gwaith.

Ar gyfer atebion ysgrifenedig y tynnwyd llun ohonynt, defnyddiwch ap sganio fel Microsoft Office Lens neu mae enw da iawn gan ap Adobe Scanner. Os oes modd, rhowch dudalennau eich ateb mewn ffeil PDF unigol. Yn olaf, cyn cyflwyno'r PDF, adolygwch y ddogfen i wirio a yw'n ddarllenadwy:

• Ydy'r delweddau'n glir ac mewn ffocws?
• Oes afluniad yn y delweddau a fydd yn eu gwneud yn anodd eu darllen
• Ydy'r delweddau wedi'u gogwyddo yn y ffordd gywir?
• Ydy eich ap neu'ch camera wedi ychwanegu arteffactau, fel dyfrnodau, sydd wedi cuddio rhan o'ch gwaith ysgrifennu?
• Fydd modd i mi ddarllen a marcio eich gwaith yn hwylus?

Gall treulio ychydig o funudau'n gwneud hyn osgoi problemau difrifol nes ymlaen.

Ar gyfer materion ynghylch Canvas, cysylltwch â Canvas Help yn Canvas os gallwch chi, neu gofynnwch am gymorth technegol drwy gysylltu â'r Ddesg Gwasanaeth TG:

• Ar-lein: Y Ddesg Wasanaeth
• E-bost: ITservicedesk@swansea.ac.uk
• Ffoniwch: +44 (0) 1792 (60) 4000

Yn ogystal, cysylltwch â Chydlynydd eich Modiwl er mwyn rhoi gwybod iddo os na allwch gyflwyno gwaith ar Canvas, er mwyn iddo fod yn ymwybodol o'r sefyllfa.

Ar gyfer problemau sy'n ymwneud â Canvas Quizzes, neu os ydych chi'n dechrau asesiad ac rydych chi'n cael problemau technegol yn cael mynediad at yr asesiad, e-bostiwch assessment-scienceengineering@abertawe.ac.uk a gall y Tîm Arholiadau ac Asesiadau ailosod yr asesiad i chi. Nodwch yn y pennawd mai ymholiad technegol brys yw hwn sy'n ymwneud ag arholiad.

Cysylltwch â thîm Profiad a Gwybodaeth Myfyrwyr y gyfadran cyn gynted â phosibl er mwyn trafod yr opsiynau, ac yn ddelfrydol cyn i'ch arholiadau ddechrau. Os ydych chi'n cysylltu â'r tîm cyn neu yn ystod arholiad, bydd eich opsiynau'n fwy cyfyngedig.

Mae disgwyl i fyfyrwyr wneud trefniadau ar gyfer offer TG personol y bydd eu hangen arnoch fel rhan o'ch rhaglen astudio. Fodd bynnag, os ydych chi wedi colli neu ddifrodi eich gliniadur/offer ac mae angen cymorth arnoch wrth gael trwsio offer personol neu gael offer newydd, gweler yr opsiynau isod (sydd ar gael i fyfyrwyr yn Abertawe):

Mae Mannau Cyfrifiaduron y Llyfrgell ar gael drwy apwyntiad: https://www.swansea.ac.uk/cy/ggs/llyfrgelloedd/mannau-astudio-eraill/

Mae Benthyca Gliniaduron Byrdymor ar gael drwy loceri hunanwasanaeth: https://myuni.swansea.ac.uk/cy/bywyd-academaidd/gwasanaethau-tg/locer-gliniadur/

Mae Benthyca Gliniaduron Hirdymor ar gael i fyfyrwyr sydd ag amgylchiadau esgusodol cymwys ac sy'n gallu dangos angen clir am fenthyciad hirdymor. Cysylltwch â'r Tîm Profiad a Gwybodaeth Myfyrwyr er mwyn trafod.

Os nad ydych chi yn Abertawe, ac mae gennych amgylchiadau sy'n golygu na fydd modd i chi gwblhau eich asesiadau oherwydd problemau TG, efallai bydd opsiwn i ohirio hefyd.

Os ydych chi'n sylwi nad yw modiwl rydych chi'n disgwyl ei gwblhau yn ystod cyfnod asesu mis Mai/Mehefin 2023 yn ymddangos ar yr amserlen, e-bostiwch assessment-scienceengineering@abertawe.ac.uk cyn gynted â phosib.

Y porwr delfrydol yw Chrome, ac yna Firefox. Byddem ni'n eich cynghori i ddefnyddio un o'r porwyr hyn, yn ddelfrydol Chrome os bydd yn bosibl.

Nid oes modd i ni symud dyddiadau'r asesiadau oherwydd bod yr amserlenni wedi cael eu pennu a'u hystyried yn ofalus. Fodd bynnag, os ydych chi'n sylwi ar wallau yn yr amserlenni, e-bostiwch assessment-scienceengineering@abertawe.ac.uk.