Diploma Ôl-raddedig mewn Addysg Uwch (DipHE)

1.1

Dyfernir Diplomâu Ôl-raddedig i fyfyrwyr sydd wedi dangos:

• Dealltwriaeth systematig o wybodaeth, ac ymwybyddiaeth feirniadol o broblemau cyfredol a/neu fewnwelediadau newydd, sydd i raddau helaeth ar flaen y gad yn y ddisgyblaeth academaidd, maes astudio neu faes arfer proffesiynol dan sylw neu'n cael eu goleuo gan waith ar flaen y gad;
• Dealltwriaeth gynhwysfawr o'r technegau sy'n berthnasol i'w hymchwil eu hunain neu i ysgolheictod uwch;
• Gwreiddioldeb wrth gymhwyso gwybodaeth, ynghyd â dealltwriaeth ymarferol o sut y defnyddir technegau ymchwil ac ymholi i greu a dehongli gwybodaeth o fewn y ddisgyblaeth;
• Dealltwriaeth gysyniadol sy'n galluogi'r myfyriwr:
  • I werthuso ymchwil gyfredol ac ysgolheictod uwch yn y ddisgyblaeth yn feirniadol;
  • I werthuso methodolegau a datblygu dehongliadau ohonynt, a lle bo'n briodol, cynnig damcaniaethau newydd.

Yn nodweddiadol, bydd deiliaid y cymhwyster yn gallu gwneud y canlynol:

• Ymdrin â materion cymhleth yn systematig ac yn greadigol, gwneud penderfyniadau doeth yn absenoldeb data cyflawn, a mynegi casgliadau yn glir i gynulleidfaoedd arbenigol a lleyg;
• Dangos hunangyfeirio a gwreiddioldeb wrth ymdrin â phroblemau a'u datrys, a gweithio'n annibynnol i gynllunio a chynnal tasgau ar lefel broffesiynol neu gyfatebol;
• Parhau i ddatblygu eu gwybodaeth a'u sgiliau, a datblygu sgiliau newydd i lefel uchel.

A bydd gan y deiliaid:

• Y nodweddion a'r sgiliau trosglwyddadwy angenrheidiol ar gyfer cyflogaeth sy'n gofyn am:
  • Defnyddio menter a chyfrifoldeb personol;
  • Gwneud penderfyniadau mewn sefyllfaoedd cymhleth nad oes modd eu rhagweld;
  • Y gallu i ddysgu’n annibynnol sy’n ofynnol er mwyn sicrhau datblygu proffesiynol parhaus.

2.1

Gall ymgeiswyr fod yn gymwys i ennill Diploma Ôl-raddedig os byddant wedi cwblhau rhaglen astudio fodiwlaidd gymeradwy’n llwyddiannus, a ddarparwyd ar ffurf rhaglen amser llawn neu ran amser.

2.2

Fel rheol, bydd yn ofynnol i bob ymgeisydd ddilyn modiwlau y mae eu gwerth yn cyfateb i 120 o gredydau credyd ar lefel 7.

2.3

Bydd deilliannau dysgu’n cael eu nodi ar gyfer pob rhaglen Diploma Ôl-raddedig.

3.1

Gall ymgeisydd a gaiff ei dderbyn i raglen Diploma Ôl-raddedig fodiwlaidd, ond nad yw’n medru symud ymlaen i’w chwblhau, gymhwyso ar gyfer y dyfarniad a ganlyn, yn dibynnu ar nifer y credydau a enillodd erbyn iddo ymadael:

3.2

Bydd ymgeisydd y dyfernir Tystysgrif Ôl-raddedig iddo fel cymhwyster ymadael yn gymwys i ennill y dyfarniad â Theilyngdod/Rhagoriaeth, fel a ganlyn:

3.3

Ni fydd Tystysgrif Ôl-raddedig mewn pwnc a enwir yn cael ei dyfarnu wedi i ymgeisydd gwblhau modiwlau sy’n cynnig o leiaf 60 o bwyntiau credyd ar lefel 7 oni bai fod cyfanswm y modiwlau perthnasol yn gwneud rhaglen gymeradwy. Bydd Bwrdd Academaidd perthnasol y Brifysgol yn cymeradwyo rhaglen dystysgrif dan y rheoliad hwn.

4.1

Bydd cyfnod hwyaf posibl ymgeisiaeth ar gyfer ymgeiswyr sy’n dilyn rhaglen Diploma Ôl-raddedig fel a ganlyn:

Amser llawn: Dim mwy na dwy flynedd wedi dyddiad dechrau’r rhaglen.

Rhan-amser: Dim llai na dwy flynedd a dim mwy na thair blynedd wedi dyddiad dechrau’r rhaglen.

4.2

O fewn y terfynau amser cyffredinol hyn, gall y Cyfadrannau/Ysgolion bennu terfynau amser byrrach ar gyfer rhaglenni astudio unigol.

4.3

Gellir ymestyn y terfyn amser cyffredinol yn unol â’r rheoliadau a amlinellir yn Adran 5.

5.1

Gellir ymestyn terfynau amser rhaglenni astudio Diploma Ôl-raddedig, fel y’u nodir yn Adran 4 y rheoliadau penodol, ond dim ond mewn amgylchiadau eithriadol ac yn unol â’r meini prawf canlynol:

• Fel arfer, ni chaniateir ymestyn terfynau amser oni bai fod angen gwneud hynny am resymau tosturiol neu resymau’n ymwneud ag achosion o salwch, anawsterau difrifol gartref neu ymrwymiadau proffesiynol eithriadol y gellir dangos eu bod wedi cael effaith andwyol ar yr ymgeisydd. Rhaid i’r Gyfadran/Ysgol gyflwyno achos llawn a rhesymegol, a gefnogir gan gynllun gwaith a thystiolaeth feddygol briodol neu dystiolaeth annibynnol arall gan y Gwasanaethau Addysg ei ystyried. Bydd achosion o'r fath yn cael eu prosesu'n weinyddol ar ran y Bwrdd Achosion Myfyrwyr.
• Yn achos ymgeiswyr sy’n cyfeirio at ymrwymiadau proffesiynol eithriadol, rhaid i’r cais gael ei gyflwyno gyda chadarnhad a disgrifiad ysgrifenedig gan y cyflogwr o’r llwyth gwaith eithriadol y mae’r ymgeisydd yn ei ysgwyddo ynghyd â datganiad sy’n nodi nad oedd modd rhagweld yr ymrwymiadau.
• Mewn achosion sy’n deillio o salwch:
• Rhaid darparu tystiolaeth feddygol foddhaol, gan gynnwys tystysgrif feddygol. (Mae difrifoldeb a natur y salwch a ddisgrifir ar y dystysgrif yn hynod werthfawr wrth asesu’r achos.) Bydd y Brifysgol yn parchu cyfrinachedd unrhyw dystiolaeth a gyflwynir.
• Rhaid rhoi datganiad clir, yn dangos bod y Gyfadran/Ysgol dan sylw wedi gwerthuso sefyllfa’r ymgeisydd o ganlyniad i’r salwch ac yn tybio bod yr estyniad y gwneir cais amdano yn briodol. Lle bynnag y bo hynny’n bosibl, dylai datganiad o’r fath gael ei wneud ar ôl cyswllt uniongyrchol rhwng yr ymgeisydd a’r Gyfadran/Ysgol.

5.2

Rhaid i geisiadau i ymestyn terfyn amser gael eu cyflwyno drwy law Cydlynydd y Rhaglen i’r Bwrdd Achosion Myfyrwyr.

6.1

Bydd y broses arholi ar gyfer Diploma Ôl-raddedig yn cynnwys arholiadau ysgrifenedig a/neu asesu parhaus. Gall fod yn ofynnol i ymgeiswyr sefyll arholiad ymarferol.

6.2

Bydd yn ofynnol i ymgeiswyr gwblhau rhaglen astudio Diploma Ôl-raddedig yn unol â’r rheoliadau ynghylch dyfarnu credyd ar gyfer Rhan Un rhaglenni gradd Meistr Ôl-raddedig a Addysgir Safonol. 

6.3

Y marc llwyddo ar gyfer modiwl fydd 50%. 

7.1

Er mwyn bod yn gymwys i gael eu hystyried ar gyfer dyfarniad gan Brifysgol Abertawe, bydd yr ymgeiswyr wedi:

• Dilyn rhaglen astudio gymeradwy am y cyfnod a bennir gan y Brifysgol;
• Wedi astudio ar gyfer o leiaf 120 credyd;
• Wedi bodloni unrhyw amod(au) pellach a fynnir gan y Gyfadran/Ysgol neu’r Brifysgol.

7.2

Bydd ymgeisydd sy’n cwblhau rhaglen Diploma Ôl-raddedig yn llwyddiannus yn gymwys i ennill dyfarniad â Theilyngdod/Rhagoriaeth, fel a ganlyn: