Ar hyn o bryd rydym ni’n adolygu gweithdrefnau monitro presenoldeb ar gyfer blwyddyn academaidd 20/21 yn sgil yr amgylchiadau newidiol ynghylch pandemig Covid-19. Byddwn ni’n diweddaru’r wybodaeth ar y dudalen hon unwaith y caiff y gweithdrefnau newydd eu cadarnhau.
Canllaw i Ddefnyddwyr FyMhresenoldeb
Mae ap y we FyMhresenoldeb yn cynnig ffordd i fyfyrwyr weld eu presenoldeb cyffredinol, modiwlaidd a digwyddiad unigol. Gweler yr hafan Monitro Presenoldeb i gael mwy o wybodaeth am sut mae'n ein galluogi i gynnig cymorth ychwanegol i chi.
Dyma rai awgrymiadau defnyddiol ar sut i ddefnyddio'r system.
Sut i Fewngofnodi
- Ewch i https://myuni.swansea.ac.uk
- Cliciwch ar My Apps:
- Cliciwch ar MyAttendance
- Byddwch yn gweld sgrîn eich proffil personol sy'n dangos eich ffotograff, eich enw, eich cwrs, eich Rhif Myfyriwr a gwybodaeth am eich cwrs, fel a ganlyn:
- Gwiriwch mai eich cofnod chi yw hwn a bod y manylion yn gywir. Rhowch wybod ar unwaith i Swyddfa leol eich Coleg os oes unrhyw wallau.
- Cysylltwch â'r Tîm Desg Gwasanaeth os ydych chi'n cael unrhyw anawsterau wrth fewngofnodi i ap y we FyMhresenoldeb.
Defnyddio Dewislen FyMhresenoldeb
- Drwy glicio ar eicon y DDEWISLEN yn ap y we FyMhresenoldeb, gallwch:
a. gweld eich cofnod presenoldeb
b. gweld eich gweithgarwch sganio - bob tro rydych wedi sganio ar gyfer sesiwn gynlluniedig - Rydych yn cyrraedd y DDEWISLEN drwy glicio ar yr eicon hwn yng nghornel chwith tudalen eich proffil:
- Byddwch yn gweld yr eitemau canlynol ar y ddewislen:
Sut i Weld Eich Cofnod Presenoldeb
- Yn y DDEWISLEN, cliciwch ar 'Fy Mhresenoldeb' a byddwch yn gweld y sgrîn ganlynol sy'n rhestru'ch modiwlau a gwybodaeth bresenoldeb am bob un ohonynt:
Sut I Newid Dyddiadau 'O' Ac 'I'
- Cliciwch yn y blychau ystod dyddiadau O ac I ar frig y sgrîn.
- Byddwch yn gweld y sgrîn naid ganlynol ar waelod y sgrîn fel a ganlyn:
-
Dewiswch y dyddiadau newydd yr hoffech eu gweld drwy sgrolio drwy'r opsiynau mis, dyddiad a blwyddyn a ddarperir a chliciwch ar yr eicon â'r calendr a'r blwch ticio ar yr ochr dde.
SYLWER: Mae'r un broses yn berthnasol i newid yr ystod dyddiadau yn unrhyw un o sgriniau'r ddewislen.
Sut I Weld Eich Cofnod Sganio
- O'r DDEWISLEN, cliciwch ar 'Cofnod Sganio' a gwelwch y sgrîn ganlynol:
- Mae'r sgrîn 'Cofnod Sganio' yn rhestru bob tro rydych wedi sganio'ch cerdyn ar ddarllenydd rhwng y dyddiadau a ddewiswyd, ac mae'n dangos naill ai bod y sgan yn cydweddu (tic gwyrdd) â'r dosbarthiadau yn eich amserlen neu nad oedd yn cydweddu (tic coch).
- Mae'n bwysig sylwi mai dim ond y sganiau hynny sy'n dangos tic gwyrdd (h.y. maen nhw'n cydweddu) sy'n cael eu cyfrif yn y ganran gyffredinol a welir am fodiwlau ar y sgrîn 'fy mhresenoldeb'.
Dyma restr o'r rhesymau posib pam y gellir nodi bod sgan 'heb gydweddu'
- Rydych wedi sganio yn yr ystafell anghywir
Mae'n rhaid i chi sganio yn yr ystafell a nodir yn eich amserlen i sgan gydweddu. Os yw'ch darlithydd yn gofyn i chi symud ystafelloedd, mae'n bwysig ei fod yn rhoi gwybod i'r tîm amserlennu fel y gallant newid eich amserlen. Os nad yw'r newid yn yr ystafell wedi'i gofnodi yn eich amserlen, ni chaiff eich sgan ei gyfrif, a bydd y system yn meddwl eich bod wedi colli'ch dosbarth - bydd eich canran presenoldeb yn gostwng oherwydd bod y system yn meddwl nad oeddech yn bresennol yn y dosbarth sy'n cael ei ddangos yn eich amserlen.
- Rydych wedi sganio yn yr ystafell gywir ond yn rhy gynnar
Os ydych yn sganio ar gyfer eich dosbarth fwy na 15 munud cyn dechrau'r dosbarth, ni fydd y sgan yn cydweddu â'ch amserlen. Nid yw'r darllenwyr yn dechrau cofnodi sganio tan 15 munud cyn dechrau'r dosbarth. Os ydych yn sganio'n rhy gynnar, ni fydd y system yn cydweddu'ch sgan a bydd yn cofnodi eich bod yn absennol o'r dosbarth, a bydd hyn yn effeithio ar ganran eich presenoldeb. Mae'n bwysig sganio ar yr amser cywir.
- Aethoch i sesiwn wahanol i'r un a ddangosir yn eich amserlen
Os ydych yn mynd i ddosbarth gwahanol i'r un a nodir yn eich amserlen (h.y. yn ymuno â grŵp arall am nad oedd modd i chi fynd i'r sesiwn yn eich amserlen yr wythnos honno), bydd y system yn cofnodi'ch sgan ond ni fydd yn cydweddu â'r dosbarth sydd ar eich amserlen. Cewch eich cofnodi fel absennol o'r dosbarth yn eich amserlen a bydd eich canran presenoldeb yn is.
Sut I Newid Iaith
- O'r brif DDEWISLEN, dewiswch 'Newid Iaith' a byddwch yn gweld y sgrîn ganlynol:
- Dewiswch 'Dewiswch Iaith' a byddwch yn gweld opsiwn i ddethol Cymraeg neu Saesneg fel a ganlyn:
- Pan fyddwch wedi dewis eich iaith, cliciwch ar y botwm 'Cadw' a gofynnir i chi gadarnhau'ch penderfyniad.